Dagblaðið Vísir - DV - 21.10.2009, Side 12

12 miðvikudagur 21. október 2009 fréttir
Leita stolinna
dýrgripa
Kínverjar hyggjast senda lið sér-
fræðinga til Bandaríkjanna, Evr-
ópu og Asíu til að finna stolna
fjársjóði. Hlutverk sérfræðing-
anna verður að finna dýrmæta
gripi sem stolið var úr Sumar-
höllinni, sem var og hét, í Beij-
ing fyrir hundrað og fimmtíu
árum.
Að mati kínverskra sérfræð-
inga er ekki fráleitt að ætla að
ein og hálf milljón hluta kunni
að hafa verið tekin ófrjálsri
hendi úr Sumarhöllinni sem var
eyðilögð af hermönnum Breta
og Frakka.
Kínversk stjórnvöld hafa
undanfarin ár í auknum mæli
vakið máls á fjársjóðum sem
hefur verið stolið frá þjóðinni.
Reiðubúin til að
gefa sig fram
Foreldrar sem sakaðir eru um að
hafa sett á svið hvarf sonar síns í
loftbelg í Bandaríkjunum eru, að
sögn lögfræðings þeirra, reiðu-
búnir til að gefa sig fram við lög-
reglu. David Lane, lögfræðingur
hjónanna, sagðist reikna með
að kæra yrði lögð fram í dag af
lögregluyfirvöldum í Kólorado á
hendur Richards Heene, föður
drengsins. Richard og Mayumi,
eiginkona hans, eru sökuð um
að hafa sviðsett hvarf sonar síns
í auglýsingaskyni.
Ekkert hefur verið gefið upp
um hvers kyns ákærur kunni
að verða lagðar fram á hendur
hjónunum.
Kosið á ný
í Afganistan
Kosið verður á ný í Afganistan 7.
nóvember. Ákvörðun þar að lút-
andi var tekin efir að kjörstjórn
viðurkenndi með semingi að
stórfelld kosningasvik hefðu átt
sér stað í ágúst, en þá var Hamid
Karzai lýstur sigurvegari.
Upphaflega hafnaði sjálfstæð
kosninganefnd, sem þéttsetin er
stuðningsmönnum Karzai, því
að kosningasvindl hefði átt sér
stað. Að lokum fór svo að hún lét
undan þrýstingi vestrænna ríkja,
líkt og Karzai gerði, um að kosið
yrði aftur. Haft var eftir Hamid
Karzai á blaðamannafundi að
ákvörðun kosninganefndarinnar
væri bæði lögleg og samkvæmt
stjórnarskránni.
Roman Polanski hafði ekki erindi sem erfiði:
Áfrýjun leikstjórans hafnað
Leikstjórinn Roman Polanski tap-
aði áfrýjun sinni um að verða sleppt
úr fangelsi í Sviss gegn tryggingu,
en hann á yfir höfði sér framsal til
Bandaríkjanna.
Æðsti glæpadómstóll Sviss
studdi fyrri úrskurð stjórnvalda
að mikil hætta væri á að Rom-
an Polanski flýði land ef honum
yrði sleppt úr haldi, en hann er í
haldi Svisslendinga vegna ákæru
á hendur honum í Bandaríkjunum
árið 1977 fyrir kynferðisbrot gegn
þrettán ára stúlku. Polanski flúði
frá Bandaríkjunum árið 1978, áður
en dómur var felldur yfir honum,
og hefur ekki stigið fæti á banda-
ríska grundu síðan.
„Samkvæmt svissneskum lög-
um er varðhald regla allan þann
tíma sem framsal getur tekið,“
sagði í yfirlýsingu frá svissneska
glæpadómstólnum og ítrekað að
dómstóllinn teldi mikla hættu á
að Polanski myndi flýja ef honum
væri sleppt úr varðhaldi.
Lögfræðingur Polanskis, Herve
Temime, er þó ekkert á að leggja
árar í bát og sagði að fyrir lægi að
áfrýja enn og aftur til æðsta dómstóls
landsins.
„Við munum reyna að sýna fram
á að engin hætta muni fylgja fyrir-
skipun um lausn Romans Polanski,“
sagði Temime. Herve Temime sagði
ennfremur að lögfræðingateymi Pol-
anskis myndi „útvega jafnvel örugg-
ari og meira viðeigandi tryggingu“
fyrir því að Polanski myndi ekki yfir-
gefa landið.
Roman Polanski hefur verið í
haldi í Sviss síðan 26. september, en
þá kom hann til Sviss frá Frakklandi
til að veita viðtöku viðurkenningu
fyrir afrek sín á kvikmyndahátíðinni
í Zürich.
Eilíf æska hefur lengi verið mannkyninu hugleikin. Breskir vísindamenn telja að einn
góðan veðurdag verði hundrað ára fólki kleift að njóta lífsins sem fimmtugt væri. Einn
prófessor líkir möguleikanum við hinn helga gral.
HundRAð áRA og HRess
Að sögn vísindamanna er raunhæfur
möguleiki að hundrað ára fólk búi að
líkama fimmtíu ára einn góðan veð-
urdag og, þökk sé bættum lífsgæðum,
mun helmingur breskra barna ná eitt
hundrað ára aldri. Sá böggull fylgir þó
skammrifi að eins og málum er hátt-
að í dag mun líkami þeirra hrörna eft-
ir því sem árin færast yfir.
Sérfræðingar við Leeds-háskólann
hyggjast eyða 50 milljónum sterlings-
punda á fimm árum til að leita leiða
til að snúa dæminu við þannig að fólk
öðlist „50 virk ár eftir fimmtugt“.
Ætlun vísindamannanna er að sjá
eldra fólki fyrir vefjum sem vísinda-
mennirnir hafa ræktað sjálfir og end-
ingargóðum líkamshlutum.
Byrjað verður á nýjum hnjám,
mjöðmum og hjartalokum, en að
lokim sjá vísindamennirnir fyrir sér
að hægt verði að endurnýja flesta lík-
amshluta sem gefa sig með aldri.
Endurnýjun lífdaga
Nú þegar hefur stofnun innan há-
skólans framkvæmt mjaðmaflutning
sem á að endast út ævi sjúklingsins,
en ekki í tuttugu ár eins og gjarna er
gert ráð fyrir með gervimjaðmir.
Mjaðmagrópin er gerð úr kób-
alt-krómi og mjaðmakúlan er gerð
úr keramiki og að sögn Johns Fis-
her, prófessors, má ætla að liðamót-
in muni auðveldlega þola þau 100
milljón skref sem ætla má að séu tek-
in þar til hundrað ára aldri er náð.
Í grein BBC um fyrirætlanir vís-
indamannanna segir að Eileen Ing-
ham prófessor, og teymi hennar, hafi
tekist að þróa einstaka aðferð sem
gerir líkamanum kleift að endurbæta
sig.
Fullkomlega starfhæfar
hjartalokur
Hugmyndin er að búa til vefi, og síð-
ar líffæri, sem líkaminn getur gert að
sínum eigin og þannig komist hjá því
að þeim verði hafnað.
Nú þegar hefur vísindamönnun-
um tekist að búa til fullkomlega starf-
hæfar hjartalokur með því að taka
heilbrigt hjarta úr líffæragjafa eða
hentugu dýri, til dæmis svíni, og fjar-
læga varlega frumurnar með blöndu
af ensímum og hreinsandi efni. Það
sem eftir stendur, stoðvefur, e. scaff-
old, er hægt að græða í sjúkling án
áhyggna af því að líkaminn hafni því,
en höfnun er helsta ástæða þess að
líffæraflutningur mistekst.
Síðar tekur líkaminn við og býr til
nýjar frumur á stoðvefinn og hafa til-
raunir á dýrum og fjörutíu sjúkling-
um í Brasilíu lofað góðu, að sögn Ing-
hams prófessors.
Litið jákvæðum augum
Breska heilbrigðiskerfið beinir nú
þegar sjónum sínum að aðferð-
um vísindamannanna með til-
liti til brunasjúklinga og að sögn
Christinu Doyle, prófessors hjá
Xeno Medical, myndi það jafnast
á við hinn helga gral ef hægt væri
að draga úr mikilvægi líffæragjafa,
eða fjarlægja þörfina á þeim með
öllu. „Þessi tækni mun á endanum
leiða okkur þangað,“ sagði Doyle
prófessor.
En enn er langt í land því að sögn
Doyles mun taka þrjátíu til fimm-
tíu ár, með þessari tækni, að skipta
út vefjum gefnum af líffæragjöfum
og hvern einasta framleiddan vef
yrði að prófa sérstaklega.
KoLbEinn þoRstEinsson
blaðamaður skrifar: kolbeinn@dv.is
Nú þegar hefur vísindamönnunum tekist
að búa til fullkomlega starfhæfar hjarta-
lokur með því að taka heilbrigt hjarta úr
líffæragjafa eða hentugu dýri.
Íþróttir í ellinni Takmark
vísindamanna er að hægja
á öldrun um fimmtíu ár.
Mynd: Photos.coM