Dagblaðið Vísir - DV - 12.04.2010, Blaðsíða 11

FRÉTTIR 12. apríl 2010 MÁNUDAGUR 11
„Í kirkjunni eru ákveðnir fordómar
gagnvart fólki sem er af öðru sauða-
húsi. Við viljum ekki búa yfir slíkum
fordómum. Bara alls ekki. Við teljum
að allir, undantekningalaust, séu vel-
komnir í okkar raðir,“ segir Gunnar
Þorsteinsson um breytingarnar sem
hann boðar á starfsemi Krossins.
„Lífið mitt hefur breyst mikið og
ég vil breyta því meira. Og ég vil ekki
vera með einhvern farangur í mínu
lífi sem á þar ekki heima,“ segir Gunn-
ar en hann telur að Krossinn þurfi að
höfða til breiðari hóps í samfélaginu.
Til þess þurfi söfnuðurinn að varpa
fordómunum fyrir róða og skoða eig-
in innviði hátt og lágt. „Ég hef verið að
skoða þetta undanfarna mánuði. Ég
hef verið að breyta mínu lífi og minni
predikun. Síðustu 18 mánuði hefur
hún breyst allverulega.“
Róttækar breytingar
„Við ætlum að stokka upp starfsemi
kirkjunnar, breikka forystuna, kalla
fleiri menn til ábyrgðar og mæta þeim
gríðarlegu þörfum sem eru í íslensku
samfélagi í dag. Við búum við það í
kristna heiminum að kristilegt starf
vill staðna, við viljum varpa af okkur
öllum slíkum belgjum og endurnýj-
ast í starfsemi. Við lifum í síbreytilegu
samfélagi og þurfum að laga okkur að
breyttum aldarhætti, en höldum þó á
eilífum sannleika sem er óumbreyt-
anlegur,“ segir Gunnar og lítur á það
verk sem byltingu á starfsemi kirkju
sinnar. „Við höfum tekið þá ákvörð-
un, við leiðtogar safnaðarins, að fara
þessa leiðina; að kalla nýtt fólk til liðs
við okkur og ætlum að gera róttækar
breytingar á okkar starfi.“
Viljum ekki vera með fordóma
„Við viljum hafa víðari skírskotun,“
segir Gunnar. „Við höfum ákveðið að
vera ekki lengur skemmtiferðaskip
sem liggur við bryggju. Heldur setja
um borð veiðarfæri og fara út á mið-
in. Við ætlum að veiða menn. Við ætl-
um að ná til þeirra fjölmörgu sem sitja
í aðgerðarleysi en eiga að vera virk-
ir þátttakendur í íslensku samfélagi.
Við viljum ekki vera með fordóma eða
hindranir sem eiga sér ekki biblíuleg-
an grunn. Við erum öll að glíma okk-
ar glímur, við okkar mennsku,“ segir
Gunnar og segir að í Krossinum hafi
hefðir skapast sem sumar séu ekki í
samræmi við veruleikann sem söfn-
uðurinn vilji sýna. „Það sem hefur
safnast fyrir í orði og hefðum í áratugi,
það þarf að endurskoða. Við meg-
um ekki láta eitthvað sem er til og við
þekkjum ekki lengur, vera hindrun í
því að menn nálgist sannleika fagnað-
arerindisins. Þannig að við ætlum að
stokka upp og höfum raunar verið að
því undanfarnar vikur - að skoða okk-
ur með gagnrýnum hætti - en höfum
orð Guðs sem leiðarljós.“
Elska samkynhneigða
Krossinn hefur verið gagnrýndur
fyrir einarða afstöðu gegn samkyn-
hneigðum. Getur trúfélag, á borð við
Krossinn, haft víða skírskotun? „Það
helgast af ákveðinni mynd sem fjöl-
miðlar hafa brugðið upp, en þar sem
orð Guðs vissulega talar um þessa
hluti, það er okkar viðhorf og það
breytist ekki í sjálfu sér. Við elskum
þetta fólk og virðum og metum mik-
ils. Ég á ágæta vini, nokkuð marga, úr
þessum geira. Við fáum alltaf á sam-
komur hjá okkur fólk úr þessum geira
og það er hjartanlega velkomið,“ segir
Gunnar sem meðal annars hefur ver-
ið gagnrýndur fyrir nota orðið „kyn-
villa“ um samkynhneigð. „Það var
nú bara íslenskan þegar ég var að al-
ast upp, þá var nú ekki annað orð til.
Orðið kynvilla var ekki neikvætt hlað-
ið. Síðan var það Einar Karl Haralds-
son sem smíðaði nýyrðið samkyn-
hneigð.“
Ól sjálfur á fordómum
Gunnar segir að Krossinn hafi á tíma-
bili farið fram úr sér og gleymt hinum
raunverulegu kristnu gildum. „Drott-
inn umgekkst farísea, tollheimtu-
menn, portkonur og fólk af sauðahúsi
sem við myndum varla eiga sam-
neyti við í dag, en þetta gerði hann
hiklaust. Þegar við erum komin eitt-
hvert annað en drottinn sjálfur hljóta
það að kallast fordómar. Ég hef alið á
þessum fordómum sjálfur og vil ekki
vera þannig. Það mun koma mörg-
um á óvart hver við erum í raun,“ seg-
ir Gunnar sem ætlar að kynna nýja
stefnu Krossins á næstunni og laða
að nýja safnaðarmeðlimi.
Aldrei verið meiri þörf
Gunnar segir að fyrirhugaðar breyt-
ingar á starfsemi Krossins tengist
einnig þeim sögulegu tímum sem ís-
lenskt samfélag gengur í gegnum nú
um stundir. „Við finnum að það hef-
ur aldrei verið ríkari þörf fyrir sam-
félag sem er lifandi og tekur með lif-
andi hætti á aðstæðum í samfélaginu
sem þarf á trúnni að halda. Við meg-
um ekki bregðast þessari skyldu. Við
erum búin að kynna þessar breyting-
ar í öllum stofnunum safnaðarins og
fyrir öllum sem eru virkir í starfi og
það er einróma ánægja með þær. Við
ætlum að leggjast á eitt um að opna
okkar samfélag fyrir fólkinu sem sit-
ur fyrir úti og þarf á okkar skjóli að
halda. Ég hef sagt á samkomum að
við séum ekki aðeins að framkvæma
breytingar heldur að þetta jaðri við
að vera bylting,“ segir Gunnar að lok-
um.
Séra Gunnar Þorsteinsson í Krossinum
boðar byltingu í starfsemi trúfélagsins
sem á að höfða til breiðari hóps í samfé-
laginu. Gunnar viðurkennir að hefð fyrir
fordómum hafi skapast í söfnuðinum og
hann sjálfur hafi alið á þeim. Hann hefur
tekið lífið til endurskoðunar og vill varpa
fordómunum fyrir róða.
HELGI HRAFN GUÐMUNDSSON
blaðamaður skrifar: helgihrafn@dv.is
Burt með fordómana Gunnar
í Krossinum segir að söfnuður
Krossins muni „...varpa af sér öllum
belgjum.“ MYNDIR KRISTINN MAGNÚSSON
Boðar byltingu Gunnar
boðar miklar breytingar á
Krossinum og segist sjálfur
hafa breyst mikið.
„LÍFIÐ MITT HEFUR
BREYST MIKIГ
Við höfum ákveðið að vera ekki lengur skemmtiferða-
skip sem liggur við bryggju.
n Jónína Benediktsdóttir, eiginkona
Gunnars, sagði frá því í viðtali í
helgarblaði DV 26. mars síðastliðinn
að hann hataði alls ekki samkyn-
hneigða. Jónína sagði meðal annars
í viðtalinu að Friðrik Ómar og kær-
asti hans, sem bjuggu hjá þeim um
tíma, væru vinir Gunnars: „Gunnari
finnst að hommar og lesbíur eigi
ekki að fá að ganga í hjónaband.
Hann telur að hjónaband sé á
milli karls og konu, sem er alveg
rétt, og ég er sammála honum í
því. En hann hatar ekki samkyn-
hneigða. Það búa til dæmis tveir
hommar hjá mér núna og það eru
miklir kærleikar á milli þeirra og
Gunnars.“
Bjó með hommum
26. – 28. MARS 2010
DAGBLAÐIÐ VÍSIR 36. TBL. – 100. ÁRG. – VERÐ KR. 595
JÓNÍNA OG GUNNAR ERU NÝTT „AFL“:
n „GUNNAR ER
MAGNAÐUR MAÐUR“
n JÓNÍNA GENGUR Í KROSSINN
n BÝR MEÐ FRIÐRIKI ÓMARI OG KÆRASTA HANS
n „GUNNAR
ELSKAR ÞÁ“
n GRÉT Í
KASTLJÓSINU
n „ÉG VEIT
HVAÐ KVEIKIR
Í MÉR“
n SÁRT
AÐ SKILJA
M
YN
D
R
A
K
EL
Ó
SK
60 MEÐ VR
TIL LONDON
AGNES
Í EINKAÞOTU
BRÚÐ-
KAUPS-
BLAÐ
FYLGIR
U M S J Ó N : Á S G E I R J Ó N S S O N a s g e i r @ d v . i s
2 6 . M A R S 2 0 1 0
Giftu sig tvítug
10 hugmyndir að steggja- eða gæsapartíi
Slökkviliðsþema í brúðkaupinu
Allir helstu veislusalirnir á höfuðborgarsvæðinu
Fjórðungshækkun á brúðkaupi DV 2008-2010
Ásatrúarbrúðkaup; þoldu enga væmni
Hárið og förðunin
Góð ráð til að viðhalda hjónabandinu
SPUNI OG SLÚÐURn SIGMUNDUR DAVÍÐ KYNNIST SKUGGAHLIÐUM STJÓRNMÁLANNA
FLÚÐI
NEW YORK
Í KREPPUNNI