Dagblaðið Vísir - DV - 12.04.2010, Blaðsíða 14

KALLAR Á
RAUNHÆFT
GREIÐSLUMAT
„Nú er kominn tími aðgerða og
stjórnvöld geta og mega ekki
bíða lengur í jafnmikilvægu
máli og þessu,“ skrifar Jóhannes
Gunnarsson, formaður Neyt-
endasamtaka, í pistli á ns.is.
Þar segir hann að nauðsynlegt
sé að koma strax á raunhæfu
greiðslumati sem byggist á eðli-
legum neysluviðmiðum. „Með
eðlilegum neysluviðmiðum er
átt við viðmið þar sem tekið er
tillit til eðlilegra útgjalda fjöl-
skyldu og er þá hvorki miðað
við óeðlilega mikla neyslu né
heldur sultarneyslu en það síð-
arnefnda hefur því miður verið
reyndin hér til að mynda þegar
metin er greiðslugeta lántak-
enda.“
n „Ég var í veseni með flakkara
sem ég keypti um jólin.
Hélt að hægt væri að
taka upp sjónvarpsefni
og nota í tölvunni. Það
var ekki hægt,“ sagði
ánægður viðskiptavinur
Tölvutækni í Hamra-
borg. „Ég fékk frábæra
þjónustu þegar ég fór aftur
í búðina því þeir endurgreiddu mér
flakkarann,“
sagði hann.
n „Þorsteinn Thorsteinsson tannlæknir
í Mörkinni 6 veitir alveg ótrúlega góða
þjónustu og ef eitthvað kemur upp á
lætur hann ekki kúnna bíða dögum
saman heldur reddar málunum
og leggur sig allan fram,“
skrifaði ánægður viðskiptavin-
ur til DV. Hann sagði að bæði
tannlæknirinn og þjónustan
væru framúrskarandi hjá
Þorsteini.
SENDIÐ LOF EÐA LAST Á NEYTENDUR@DV.IS
DÍSILOLÍA
Algengt verð VERÐ Á LÍTRA 206,7 kr. VERÐ Á LÍTRA 204,9 kr.
Skeifunni VERÐ Á LÍTRA 207,8 kr. VERÐ Á LÍTRA 205,9 kr.
Algengt verð VERÐ Á LÍTRA 209,7 kr. VERÐ Á LÍTRA 209,8 kr.
BENSÍN
Dalvegi VERÐ Á LÍTRA 207,5 kr. VERÐ Á LÍTRA 205,7 kr.
Fjarðarkaupum VERÐ Á LÍTRA 207,6 kr. VERÐ Á LÍTRA 205,8 kr.
Algengt verð VERÐ Á LÍTRA 209,7 kr. VERÐ Á LÍTRA 207,9 kr.
UMSJÓN: BALDUR GUÐMUNDSSON, baldur@dv.is / ney tendur@dv.is
el
d
sn
ey
ti
14 MÁNUDAGUR 12. apríl 2010 NEYTENDUR
HERBALIFE
ÓSAMMÁLA
„Af þessu tilefni vill Herba-
life taka fram að fyrirtækið er
ósammála neikvæðum fullyrð-
ingum um vörur fyrirtækisins
sem haldið er fram í greininni
í Læknablaðinu og fjallað er
um í pistli Ólafs [Sigurðsson-
ar í Neytendasamtökunum],
enda hefur Herbalife fullt traust
á þeim vörum sem fyrirtækið
framleiðir,“ segir í athugasemd-
um Herbalife vegna umfjöll-
unar um Herbalife. Í umræddri
grein var sýnt fram á að lifr-
arskaði væri tengdur neyslu
Herba life. Fyrirtækið vísar því á
bug og segist ekki vita um nein-
ar rannsóknir sem styðji það.
Neytendasamtökin telja hins
vegar enga ástæðu til að ve-
fengja niðurstöðu rannsókna-
stofu Háskólans í lyfjafræði,
sem greinin í Læknablaðinu var
byggð á.
Kristín María Erlingsdóttir gerði bíla-
samning við Avant árið 2007 um kaup
á níu ára gömlum Toyota Avensis fyr-
ir um 460 þúsund krónur. Hún seg-
ist hafa hætt að geta borgað ári síðar,
vegna gengishruns krónunnar.
Nú í mars var bíllinn tekinn af
henni. Ástandsskoðun og kostnað-
armat Aðalskoðunar, á vegum Avant,
leiddi í ljós að gera þarf við bílinn fyr-
ir ríflega 700 þúsund krónur. Rúmum
mánuði áður hafði hún látið skoða
bílinn hjá Frumherja. Bíllinn fékk þar
skoðun án athugasemda.
Öll öryggisatriði í lagi
DV hefur undir höndum yfirlit um
ástandsskoðun og kostnaðarmat á
bifreiðinni sem Aðalskoðun fram-
kvæmdi í lok mars. Þar segir að skipta
þurfi um eða gera skuli við rúðuupp-
halara, útvarp, stöðuljós, númersljós,
stýrisenda, stýrisvél, hjólbarða, högg-
deyfa, hemlarör, klossa og tímareim
auk þess sem bíllinn þarfnist þrifa og
smurningar. Þá þurfi að sprauta bíl-
inn fyrir liðlega 230 þúsund krónur.
Ef marka má þau fjölmörgu atriði sem
talin eru upp mætti áætla að bíllinn
væri allt að því ónýtur enda borgar sig
vart að gera við hann.
Í byrjun mars fór Kristín hins veg-
ar með bílinn í hefðbundna skoðun,
þar sem öll öryggisatriði bílsins voru
prófuð. Þar reyndust öll atriði vera í
lagi; bíllinn fékk skoðun án nokkurrar
athugasemdar. Í uppgjöri sem Kristín
María fékk sent heim til sín, nokkru
eftir vörslusviptingu, kemur fram að
hún skuldi Avant rétt liðlega 1,5 millj-
ónir króna. Þar kemur einnig fram að
markaðsvirði bifreiðarinnar sé ríflega
480 þúsund krónur. Áætlaður við-
gerðarkostnaður, 700 þúsund krónur,
er þannig liðlega 50 prósent hærri en
sem nemur þeirri upphæð sem Avant
gerir ráð fyir að fá fyrir bílinn. Krist-
ín fær með öðrum orðum ekki krónu
fyrir bílinn upp í skuldina.
Ekki borgað í tvö ár
„Ég keypti bílinn á 460 þúsund krón-
ur, árið 2007 og tók lán fyrir þeirri
upphæð. Í maí hætti ég að geta borg-
að; upphæðin var 9 þúsund krón-
ur á mánuði upphaflega en þetta var
komið upp í 38 þúsund,“ segir Kristín
María, sem er 25 ára nemi og öryrki.
Hún segist ekki hafa getað borgað af
bílnum í nærri tvö ár. Hún segist að-
spurð hafa sett sig í samband við Av-
ant þegar hún réð ekki við greiðslurn-
ar en segir að þeir hafi ekkert getað
gert fyrr en hún væri búin að greiða
vanskilin sem höfðu þá byrjað að
safnast upp. Þá gætu þeir fryst lánið.
„Ég er öryrki og ræð ekki við að greiða
40 þúsund krónur á mánuði af bíl, fyr-
ir utan tryggingar,“ segir Kristín sem
situr nú uppi bíllaus og skuldar 1,5
milljónir króna.
Í uppgjörinu kemur fram kostn-
aður við ástandsskoðun (28 þúsund
krónur), afföll bifreiðar (72 þúsund
krónur), sölulaun (55 þúsund krónur)
og geymslukostnaður bifreiðar (15
þúsund krónur) svo eitthvað sé nefnt.
Segist lítið geta gert
Eins og áður sagði gerir Avant ráð
fyrir því að selja bílinn á 480 þúsund
krónur miðað við að gert verði við bíl-
inn fyrir ríflega 700 þúsund krónur.
Sá kostnaður leggst á Kristínu, óháð
því hvort ráðist verði í viðgerðirnar
eða ekki. Minnt skal á að bíllinn fékk
hreint skoðunarvottorð, það er skoð-
un án athugasemda, mánuði áður en
matið á vegum Avant var gert.
Magnús Gunnarsson, fram-
kvæmdastjóri Avant segir aðspurður
að þeir geti lítið við þessu gert. „Þetta
er auðvitað bara hið opinbera mat.
Við höfum ekkert annað til að styðj-
ast við,“ segir Magnús og bætir við
að viðskiptavinir hafi 10 daga til að
gera athugasemdir við matið. „Ég get
í fyrsta lagi ekki svarað fyrir einstaka
viðskiptavini en ég get sagt fyrir hönd
fyrirtækisins að við reynum að leysa
öll þau mál sem koma upp sem lúta
að því að mistök hafi verið gerð varð-
andi skoðun,“ útskýrir hann.
Spyr um réttlæti
Magnús segist ekki þekkja til þessa
máls en spyr hvort það hafi ef til vill
verið vandamál þessa tiltekna ein-
staklings [Kristínar] að hann hafi
ekki verið í sambandi við Avant.
„Eins og þetta dæmi virðist vera
skuldar viðskiptavinurinn okk-
ur 1,5 milljónir. Hvernig skyldu
greiðsluhættir hans hafa verið við
okkur? Hætti hann að borga fyrir ári
eða einu og hálfu? Án þess að ég þekki
þetta tilvik spyr ég hvaða réttlæti felist
í því að hökta á bílnum sínum, borga
ekki krónu, tala ekki við okkur, láta
okkur kannski leita að bílnum og fara
svo á síðustu metrunum og kvarta í
blöðin,“ segir Magnús.
„Pjöttuð á bíla“
„Mér finnst þetta ógeðslega svekkj-
andi. Ég fer á svartan lista út af þessu
og get ekki á nokkurn hátt staðið
undir þessari skuld. Ég veit ekki einu
sinni hvort ég ætla að reyna það, mið-
að við hvernig þeir setja dæmið upp.
Það kemur ekki til greina að ég borgi
700 þúsund krónur í viðgerðarkostn-
að fyrir 12 ára gamlan bíl,“ segir Krist-
ín.
Aðspurð segir hún að bíllinn hafi
verið vel með farinn, þrátt fyrir aldur-
inn. „Hann var grjótbarinn að framan.
Ég hef hins vegar alltaf hugsað vel um
bílana mína og þríf og bóna þá reglu-
lega. Ég er mjög pjöttuð á bíla þannig
að hann var í fínu standi,“ segir hún.
Kristínu blöskrar þau atriði sem
sett er út á í skoðuninni. „Þeir vilja láta
laga stýrisenda, bremsur og skipta um
dekk. Þeir ætla að láta mig borga 56
þúsund krónur í sölulaun, 15 þúsund
krónur fyrir geymslu á bíln-
um og ég á að borga 50
þúsund í vörslusvipt-
ingu,“ segir hún ósátt
og heldur áfram:
„Þeir rukka 22 þús-
und fyrir útvarp-
ið. Þessar græjur
virkuðu þegar ég
keypti bílinn og
þær virkuðu þegar
þeir tóku hann. Það
er auk þess hægt að
kaupa geislaspilara
í Elkó á 6 þúsund
krónur,“ segir
hún að lok-
um.
Siðlaus uppgjör
DV bar ofangreint dæmi undir Run-
ólf Ólafsson, Framkvæmdastjóra FÍB,
sem segir að það segi sig auðvitað
sjálft að tíu eða tólf ára ökutækjum
fylgi slit og smádældir. Slíkt eigi ekki
einu sinni að hafa áhrif á markaðs-
virði ökutækis, jafnvel þó það kosti
tugi þúsunda að gera við. Hann seg-
ir því miður brögð hafa verið að því
að fyrirtækin hafi staðið að siðlausum
uppgjörum á bifreiðum sem þau hafi
leyst til sín.
Hann segist einnig vita til þess að
fyrirtækin hafi leyst bílana til sín og
selt án þess að gera nokkuð við
þá. Skuldarar hafi ekki feng-
ið að njóta góðs af sölu-
andvirðinu. Spurður um
muninn á hefðbundinni
bifreiðaskoðun og kostn-
aðarmatsskoðun segir
Runólfur að í hefðbund-
inni skoðun sé öryggis-
búnaður bílsins fyrst og
fremst skoðaður auk þess
sem fylgst sé með meng-
un og slitflötum. Í ástands-
skoðun sé farið yfir lakk-
skemmdir og annað slíkt sem
komi einnig að útliti bílsins.
„Það er hins vegar bara eðli-
legt að á tólf ára gömlum
bíl séu skemmdir á
lakki; tæring, lít-
ilsháttar beygl-
ur eða rispur.
Það á ekki að
draga verðið
niður enda
er bíllinn
BALDUR GUÐMUNDSSON
blaðamaður skrifar: baldur@dv.is
MISSTI BÍLINN EN FÆR
EKKERT UPP Í SKULDINA
Avant sótti bíl Kristínar Maríu Erlingsdóttur á dögunum eftir að
hún hafði ekki greitt af myntkörfuláni í tvö ár. Ástandsskoðun á
vegum Avant leiðir í ljós að viðgerðarkostnaður nemur 700 þús-
und krónum. Í febrúar rann bíllinn án athugasemda í gegnum
hefðbundna skoðun.
Sams konar bíll Kristín keypti árið 2007
níu ára gamlan Avensis á 460 þúsund. Hún
er nú bíllaus og skuldar 1,5 milljónir króna.
Skoðunarvottorð og uppgjör
Þarna sést að jafnvel þó bifreiðin hafi
fengið fullnaðarskoðun 1. febrúar telur
Aðalskoðun, fyrir hönd Avant, að gera
þurfi við bílinn fyrir 710 þúsund krónur.
Segir uppgjörin hafa batnað Runólfur
Ólafsson hjá FÍB segir að fjármögnunarfyrir-
tækin hafi staðið fyrir siðlausum uppgjörum
á bifreiðum sem þau hafi leyst til sín.