Dagblaðið Vísir - DV - 02.06.2010, Side 16

16 MIÐVIKUDAGUR 2. júní 2010 FRÉTTIR
Mörg hundruð manns hafa látið líf-
ið í hitabylgju á Norður Indlandi
undanfarna daga. Hitinn hefur far-
ið upp í 50 gráður á sumum stöð-
um og samkvæmt mælingum mun
þetta vera heitasta sumar á Norð-
ur-Indlandi frá því mælingar hófust
undir lok nítjándu aldar. Búist er við
áframhaldandi mannfalli, þar sem
hitinn verður áfram gríðarlega hár í
landinu. Meira en 100 manns létust
af völdum hitans í Gujarat-fylkinu
í síðustu viku, þar sem hitinn náði
mest 48,5°C í skugga. Í Maharashtra
hafa 90 manns látist og í Rajasthan
haf 35 manns látist. Í nokkrum öðr-
um fylkjum hefur verið mikið álag á
sjúkrahúsum vegna hitabylgjunnar.
Um 300 manns á dag hafa lagst inn á
spítala vegna ofhitnunar og tengdra
veikinda. Indverskir embættismenn
hafa sagt þessar tölur gefa aðeins
mynd af broti af vandamálinu, því
miklu fleiri liggi fárveikir af völdum
hitans, en eigi ekki möguleika á því
að fá læknisþjónustu.
Bændur hafa einnig orðið fyr-
ir miklum búsifjum, þar sem hita-
bylgjan hefur drepið stóran hluta bú-
stofnsins á sumum býlum. „Vegna
hitans hafa vötn þornað upp og fyrir
vikið hafa mörg dýr drepis af ofþorn-
un,“ segir Neeraj Srivastava, sem berst
fyrir því að vernda lífríkið á þessum
svæðium. Eftir þurrkinn á síðasta ári
eru indverskir bændur orðnir lang-
eygir eftir því að monsún-rigninga-
tímabilið hefjist. Þá ná bændur að
veita vatni á flest tún á svæðinu.
Óvenju heitt hefur verið á Ind-
landi síðustu mánuði, þannig var
meðalhiti í mars og apríl hærri en
hann hafði verið á þessum árstíma í
hundrað ár. valgeir@dv.is
Heitasta sumar á Norður-Indlandi frá því mælingar hófust:
Hundruð deyja í hitabylgju
Flúði út í skóginn
Hin 29 ára gamla Rochom P’ngieng,
sem fannst árið 2007 í frumskógum
Kambódíu eftir að hafa hafist þar
við frá árinu 1989, er flúin aftur út
í skóg. P’ngieng var átta ára þegar
hún, ásamt systur sinni, týndist í
frumskóginum í Ratanakkiri-héraði,
um 650 kílómetra norðaustur af höf-
uðborginni Phnom Penh.
P’ngieng fannst fyrir tilviljun árið
2007 og var komið aftur í hendur
fjölskyldu sinnar. Ekkert hefur spurst
til systur hennar. Allar tilraunir til að
láta hana aðlagast samfélagi manna
að nýju mistókust hins vegar; hún
gat ekki lært að tala, vildi frekar
skríða en ganga og neitaði að ganga
í fötum.
150 vinir er
hámarkið
Bandarískur prófessor sem rannsak-
að hefur hegðun fullorðins fólks á
Facebook segir að hver manneskja
hafi þröskuld þannig að hún geti að-
eins átt 150 vinasambönd sem eitt-
hvað vit er í. Ef maður á fleiri vini er
ekki hægt að sinna þeim.
Fjölmargir Facebook-notendur
safna mörg hundruð vinum á sam-
skiptasíðunni og sumir hafa jafnvel
sprengt skalann og eignast 5 þúsund
vini. En 150 vinir mun sem sagt vera
raunverulegt hámark.
Mátti ekki fara inn
í lofthelgi
Flugvél mexíkósks flugfélags á leið
frá París til Mexíkó þurfti að hætta
við að lenda í Mexíkó eftir að vélinni
var bannað að fljúga inn fyrir banda-
ríska flughelgi. Ástæðan var að um
borð í flugvélinni var maður sem var
eftirlýstur af bandarískum stjórn-
völdum. Flugvélin þurfti að lenda
í Kanada þar sem lögreglumenn
handtóku hinn eftirlýsta. Flugvél-
in gat svo loksins haldið leið sinni
áfram og lent í Mexíkó.
Lásaboga-
mannætan
Lögreglan í Bradford í Bretlandi
hefur fundið verkfæratösku skammt
frá þeim stað þar sem líkamsleifar
þriggja vændiskvenna fundust
nýlega. Stephen Griffiths, fertugur
nemi í afbrotafræðum, er grunaður
um að hafa orðið konunum að bana.
Hann er sagður vera mikill aðdáandi
fjöldamorðingjans Jack the Ripper
og hefur uppnefnt sjálfan sig
„crossbow cannibal,“ sem útleggst
lásabogamannætan.
Indland Hitinn hefur valdið miklum skaða
síðustu vikur.
FÓLKI BLÆÐIR ÚT Í SJÚKRABÍLUM
Ísraelsk stjórnvöld hafa haldið
Gaza-svæðinu í gíslingu og verða
árásir þeirra á íbúa á svæðinu sí-
fellt svæsnari. Ástandið þar er
afar bágborið og árás Ísraelshers á
skipalestina sem var á leið til Gaza
hefur vakið gríðarlega hörð við-
brögð alþjóðasamfélagsins.
Palestínskur læknir sagði í við-
tali við fjölmiðla að mörg dæmi
væru um að sjúkrabílum væri
ekki hleypt í gegnum landamæra-
stöðvar við aðskilnaðarmúr Ísra-
elsmanna og að fólki hefði blætt
út í sjúkrabílum þrátt fyrir að ein-
faldar aðgerðir hefðu getað bjarg-
að þeim, hinum megin við landa-
mærin. Einnig væru dæmi um að
óléttar konur neyddust til að fæða
börn sín í sjúkrabílum við landa-
mærastöðvarnar og þær hefðu
dáið vegna skorts á læknisþjón-
ustu.
Gert til að skerða lífsgæði
Einar Teitur Björnsson, lækna-
nemi og sölustjóri  félagsins Ís-
land-Palestína, lýsir þessum að-
gerðum Ísraela á Gaza sem kúgun
og segir að þær virðist gerðar í
þeim tilgangi að berja niður at-
vinnumöguleika innan landa-
mæranna. Einnig segir hann að
aðgerðirnar séu liður í því að
svipta fólk í Palestínu lífsgæðun-
um. Einar Teitur telur brýnt að
hefja aðgerðir gegn ísraelskum
stjórnvöldum og gagnrýnir þá af-
stöðu Össurar Skarphéðinsson-
ar að það að slíta stjórnmálasam-
bandi við Ísrael kæmi illa niður á
Palestínumönnum sjálfum. Hann
segir það vera mikilvægara fyrir
fólk á Gaza-svæðinu að hefja bein-
ar aðgerðir en að halda áfram að
versla með vörur og vera í stjórn-
málasambandi við Ísrael.
Stefán Ágúst Hafsteinsson,
læknanemi og sjálfboðaliði á
Gaza-svæðinu, segir landamæra-
stöðvunum sem Ísraelsmenn
stjórna lokað án fyrirvara án nokk-
urs tilefnis. Einnig sé öll umferð út
fyrir landamæri Palestínu stöðvuð
og á þar jafnt við um sjúkrabíla og
aðra neyðarbíla.
Báðir segja þeir að nú sé mik-
ilvægara en nokkurn tíma áður
að fordæma ekki bara árásirnar
heldur hefja beinar aðgerðir til að
hjálpa Palestínu að tryggja sjálf-
stæði sitt.
Öryggisráðið fordæmir ekki
aðgerðirnar
Neyðarfundur í öryggisráði Sam-
einuðu þjóðanna var haldinn
12 tímum eftir árás Ísraelshers á
skipalest með hjálpargögn til Pal-
estínu. 19 manns létust í árásinni,
en bardaginn um borð var afar
ójafn leikur þar sem skipverjar
vörðust þungvopnuðum ísraelsk-
um hermönnum með bareflum.
Í ályktun öryggisráðsins var Ís-
rael þó hvorki fordæmt né þess
krafist með beinum orðum að her-
kvínni við Gaza yrði aflétt. Þetta
eru mikil viðbrigði frá fyrstu til-
lögu að ályktun ráðsins. Almenn-
ingur í Ísrael virðist taka fréttun-
um um árásina með mismunandi
hætti og segja margir pistlahöf-
undar dagblaða í Ísrael árásina
eiga fullan rétt á sér.
Ísraelar hafa undanfarið stjórn-
að öllum landamærum að Palest-
ínu og haft því umsjón bæði með
þeim hjálparstarfsmönnum sem
hafa viljað leggja Palestínu lið
og þeim Palestínumönnum sem
þurfa að sækja vinnu utan landa-
mæranna. Nú hafa þó Egyptar
opnað aftur landamærastöð sína
í Rafah og er Palestínumönnum
frjálst að fara þar um enn sem
komið er. Egyptar lokuðu Rafah-
landamærastöðinni fyrir þrem-
ur árum, eftir að Hamas-samtök-
in náðu völdum á Gaza-svæðinu,
en þau styðja stjórnarandstöðuna
í Egyptalandi.
Lokaðir inni í eigin landi
Ísraelar hafa byggt aðskilnaðar-
múr á landamærunum að Palest-
ínu og eru á nokkrum stöðum á
múrnum landamærastöðvar þar
sem Palestínumenn geta farið í
gegn með sérstöku leyfi. Aðskiln-
aðarmúrinn hefur verið gagn-
rýndur af Sameinuðu þjóðunum
og gaf Alþjóðadómstóllinn í Haag
ráðgefandi dóm um að múrinn
væri ólöglegur, og að fjarlægja ætti
múrinn strax. Samt sem áður hafa
ísraelsk stjórnvöld haldið áfram
að byggja upp múrinn og er vel yfir
helmingur múrsins tilbúinn.
Deilur á milli Ísraels og Palestínu eru ekki nýjar af nálinni.
Ísraelar halda íbúum á Gaza í gíslingu. Sjálfboðaliðar á Gaza-
svæðinu segja þó aðeins brot af þeim árásum sem gerðar eru á
svæðinu hafa komist í kastljós alþjóðasamfélagsins. Íslenskur
sjálfboðaliði segir að aðgerðir Ísraelshers séu margar þess eðlis
að vera gerðar í þeim eina tilgangi að gera Palestínumönnum
lífið erfiðara.
AÐALSTEINN KJARTANSSON
blaðamaður skrifar: adalsteinn@dv.is
Algengt er að fólki blæði út í
sjúkrabílum vegna þess
að sjúkrabílunum er
haldið föstum á landa-
mærastöðvum.
Minningarathöfn Börn í Palestínu votta virðingu sína fyrir þeim sem féllu í árásum
Ísraelshers á skipalest með hjálpargögnum.