Dagblaðið Vísir - DV - 11.10.2010, Blaðsíða 20

HVAÐ HEITIR LAGIÐ?
„Það er í kringum 15 senti-
metrana. Það er meðalstærð,
ég var að lesa um það.“
SVAR: GEÐVEIKT FÍNN GAUR - STEINDINN OKKAR.
AÐ ELTA FÓLK OG DREKKA MJÓLK Að elta fólk og drekka
mjólk er heiti á sýningu sem stendur yfir í Hafnarhúsinu og lýkur 24. október. Þetta
er sýning á verkum íslenskra listamanna af ólíkum kynslóðum sem notað hafa húm-
or á einn eða annan hátt. Í verkunum má greina ýmist hárfína kímni, vitsmunalegt
háð, satíru eða rökleysu. „Grunntónn tilverunnar er meinlaust grín,“ sagði Þórbergur
Þórðarson í bók sinni Bréfi til Láru og taldi það til náðargáfu að geta séð alvarlega
hluti í broslegu ljósi. Húmor er flókið, menningar- og félagslega hlaðið fyrirbrigði
sem erfitt er að skilgreina því hann liggur ekki alltaf á yfirborðinu heldur grefur sig
dýpra í meiningu sinni. Sýningarstjóri er Kristín Dagmar Jóhannesdóttir.
20 FÓKUS 11. október 2010 MÁNUDAGUR
PÁLL RÓSINKRANZ
Í SALNUM
Páll Rósinkranz ásamt hljómsveit
heldur tónleika í Salnum 16., 22.
og 23. október kl. 20 þar sem flutt
verða lög af nýrri plötu sem kemur
út í október. Platan samanstendur af
gömlum íslensku perlum sem Páll
hefur sungið við hin ýmsu tækifæri í
gegnum árin. Þá er einnig að finna á
plötunni lög sem afi Páls, Guðni Guð-
mundsson kenndur við Ölduna, söng
gjarnan; Liljuna og fleiri slík lög sem
allir þekkja. Á tónleikunum fær Páll
til sín góða gesti sem taka lagið með
honum og má þar nefna: Magnús Þór
Sigmundsson, Margréti Eir og Jökul
Jörgensson og Gunnar Bjarna Ragn-
arsson.
NÁMSTEFNA
Í KYNJAÐRI
HAGSTJÓRN
Mánudaginn 18. október kl. 9 – 12
verður haldin námstefna í kynj-
aðri hagstjórn og fjárlagagerð á
Hótel Nordica. Á námstefnunni
mun doktor Elisabeth Klatzer,
sérfræðingur í kynjaðri hagstjórn
og fjárlagagerð, miðla af reynslu
sinni. Hún starfar meðal annars
sem ráðgjafi í kynjasamþættingu
hjá austurríska kanslaraembætt-
inu og hefur tekið þátt í fjölmörg-
um tilraunaverkefnum í kynjaðri
hagstjórn og fjárlagagerð, bæði hjá
ríki og sveitarfélögum. Doktorsrit-
gerð hennar í hagfræði fjallaði um
aðferðir og reynslu alþjóðasamfé-
lagsins af kynjaðri hagstjórn.
SKOTTURNAR Á
KJARVALSSTÖÐUM
Fyrstu viðburðir hinnar skipulögðu
dagskrár sem Skotturnar og Lista-
safn Reykjavíkur gangast fyrir á Kjar-
valsstöðum í aðdraganda kvenna-
frídagsins hefjast nú um helgina. Á
laugardaginn kl.12.30 láta trúðarn-
ir og sérfræðingarnir Mr. Klumz og
Plong að sér kveða. Um er að ræða
trúðaatriði með sérfræðingunum Mr.
Klumz og Plong sem kynna nýjustu
niðurstöður úr rannsóknum sínum.
Atriðið fer fram á ensku. Það eru leik-
konurnar Tinna Þorvalds Önnudótt-
ir og Guðbjörg Ása Jóns Huldudóttir
sem bregða sér í hlutverk trúðanna.
Á sunnudaginn kl. 15.00 verður Þóra
Þórisdóttir með fyrirlestur sem snýr
að konum í myndlist og hvernig orð-
ræðan um myndlist þeirra birtist. Á
mánudaginn verða flutt ljóð tileinkuð
Stígamótum.
Ástarsagan um John og Yoko er löng og falleg framhaldssaga. Líf Yoko sl. 30 ár hefur snú-
ist um að halda minningu Lennons
á lofti, einkum með því að viðhalda
ástar- og friðarboðskapnum sem
þau helguðu sig á sjöunda og áttunda
áratug síðustu aldar. Í ljósi landfræði-
legrar stöðu, hreinleika og endur-
nýjanlegrar orku lá beint við að gera
Ísland að landi friðarsúlunnar sem
John hafði látið sig dreyma um, Ima-
gine Peace Tower.
Sjötíu ára afmæli Johns Lennons,
9. október, var haldið hátíðlegt hér
um nýliðna helgi, jafnhliða afmæli
sonarins Seans sem varð 35 ára
þennan sama dag.
Herlegheitin hófust sl. föstu-
dag með frumsýningu kvikmyndar
Ara Alexanders um ástir og drauma
Johns og Yoko sem m.a. hlutgerðust
í friðarsúlunni. Myndin er í alla staði
einstaklega vel heppnuð. Vafalítið
besta verk Ara til þessa og snertir við
fólki með þeim hætti að engum ætti
að koma á óvart þó við tæki sigur-
ganga milli kvikmyndahátíða heims-
ins.
Á laugardag voru svo Lennon
Ono-friðarverðlaunin afhent í
Höfða, þá tendruð friðarsúlan og síð-
ar um kvöldið var blásið til veglegra
afmælistónleika Plastic Ono Band í
Háskólabíói.
Tónleikarnir hófust með mynd-
brotum á fortjaldi sem vörpuðu
ljósi á listferil Yoko sem vissulega er
merkur og í raun ástæða tengingar-
innar við Ísland. Það var sýning verka
hennar og félaga hennar í Fluxus-
hópnum sem komið var á fót á Kjar-
valsstöðum skömmu fyrir aldamót
sem markaði upphafið að Íslandsæv-
intýri hennar, forvitni og áhuga sem
vaxið hefur í sanna ástríðu og kemur
Íslandi nú vissulega til góða. Yoko var
t.a.m. fyrsta manneskjan sem bauð
fram krafta sína í vel heppnaðri vit-
undarvakningu Inspired by Iceland
fyrr á þessu ári sem miðaðist að því
að hámarka jákvæða umfjöllun um
Ísland í kjölfar eldgossins í Eyjafjalla-
jökli. Ár eftir ár kemur hún hingað
með fjölmennu föruneyti og leggur
gott með sér. Skemmst er að minnast
óvæntrar innkomu hennar og Seans
á Lennon-tónleikum íslenskra tón-
listarmanna í Listasafni Reykjavíkur
í fyrra.
Þá lék Sean á trommur en í
Plastic Ono Band leikur hann mest
á bassa, en einnig á gítar og píanó.
Það sem kom hvað mest á óvart í
Háskólabíói þetta kvöld var hversu
snjall hljóðfæraleikari hann er orð-
inn og virtist ekkert gefa eftir því
stórskotaliði í Plastic Ono Band
sem hann stýrði af festu á sviðinu.
Þar var saman kominn rjóminn af
bandarískum og japönskum hljóð-
færaleikurum sem mögnuðu upp
ótrúlegan seið, gjörólíkan öllu því
sem hér hefur áður heyrst.
Tónleikarnir hófust á því að Yoko
gægðist fram undan sviðstjöldum
og myndaði rifu sem hleypti fram
bláhvítri ljóssúlu líkri þeirri sem
tendruð hafði verið í Viðey fyrr um
daginn.
Í gjörningslegum a capella ein-
söng opnaði Yoko tónleikana og
lagði línur um hvers vænta mætti.
Í frábærri blöndu nýs og eldra efn-
is blönduðu listfengum myndskeið-
um var farið með troðfullan sal Há-
skólabíós í ferðlag sem seint mun
gleymast. Rútubílstjórinn var Sean
og fararstjórinn Yoko með rútubíls-
hljóðnemann tengdan í gegnum
bergmálstæki og hljóðsarpa. Vart
mátti á milli sjá hvort þeirra væri
þrek- og úthaldsbetra á tónleikun-
um, hálffertugur sonurinn í viðvar-
andi hopp- og stökkatriðum eða
mamman að nálgast áttrætt sem
bersýnilega stundar sína frúarleik-
fimi af stakri samviskusemi.
Úthugsaðar skiptingar inn og
út af sviði gerðu dýnamíkina eft-
irminnilega, allt frá hráu rokki yfir
í ljúfan japanskan söng um Hir-
oshima með klassískum píanótil-
brigðum Seans, þaðan yfir í japanskt
teknóskotið tölvupopp og svo endað
í sýrudjassi í anda Miles Davis. Þeir
sem upplifðu spunatónleika Wayne
Shorter-kvartettsins í sama húsi fyrir
tveimur árum fengu á köflum ámóta
tilfinningu þetta kvöld; það gat allt
gerst og megnið af því sem heyrð-
ist var vel utan og ofan hins hefð-
bundna, skreytt munúðarfullum
stunum söngkonunnar í bland við
austurlenska píkuskræki og effekta-
leikfimi. Hvergi var klisju að heyra,
öll nálgun var fersk og meira í anda
gjörnings en popptónlistar. Tromp-
etleikarinn Michael Leonhart gaf
hljóðmyndinni á köflum e.k. Bitches
Brew-blæ
og átti stjörnuleik þetta kvöld
ásamt bandaríska gítarleikaranum
Nels Cline úr hljómsveitinni Wilco
sem er mörgum gítarleikurum fyr-
irmynd, m.a. íslensku djassgítarleik-
urunum Eðvarði Lárussyni og Hilm-
ari Jenssyni.
Japönsku sveitirnar Yellow Mag-
ic Orchestra, Cibo Matto og Cornel-
ius lögðu til sína bestu menn í tilefni
dagsins, m.a. þá Haruomi Hosono,
Yuka Honda, Keigo Oyamada og
Yuko Aragi.
Sérstaka athygli vakti kröftugur
trommuleikur hinnar síðastnefndu
sem gefur gellum eins Fog Sheilu
E ekkert eftir og minnir okkur á að
fleiri konur mættu að ósekju taka sér
stöðu við trommusett og ljá hljóm-
sveitum samtímans kvenlegan hryn-
þokka :) Sá fjölþætti tæknibúnaður
sem flestir hljóðfæraleikararnir virt-
ust búa yfir átti vissulega sinn þátt
í að skapa þá frumlegu hljóðmynd
sem einkenndi tónleikana alla.
Kunnugleg lög eins og Walking
on Thin Ice og D Train hljómuðu
hér mun betur en í frumútgáfunum
og hið lágstemmda Higa Noboru
virtist ætla að verða lokalag tónleik-
anna en dúndrandi uppklapp fram-
kallaði þrjú aukalög.
Breski ofurpródúsentinn Mark
Ronson (Amy Winehouse o.fl.) steig
á svið í tveimur lögum, þ.m.t. loka-
lagi kvöldsins, Give Peace a Chance.
Á þeim lokapunkti sameinuðust
Yoko og John (Gnarr) þeim Ringó
og Sean og 1000 tónleikagestum í
einu frægasta fjöldasöngslagi allra
tíma. Sean bauð borgarstjórann í
Reykjavík sérstaklega velkominn á
svið og sagði hann svalasta borg-
arstjóra heims. Ringó stýrði fjölda-
söng úr sal og loks var borin inn
risastór 35 kerta afmælisterta fyrir
hljómsveitarstjórann. Þegar hann
hafði blásið á kertin var kveikt í sal
og gestir svifu út á bleiku skýi, upp-
lýstu af heimsljósi friðarsúlunnar.
Frábærir tónleikar að baki. Lokaorð
Seans Lennons voru: Hittumst að
ári! Svar okkar er: Komið fagnandi!
Jakob Frímann Magnússon
PLASTIC ONO BAND
Háskólabíó 9. október
TÓNLEIKAR
HVÍLÍK
VEISLA!
M
Y
N
D
EG
G
ER
T JÓ
H
A
N
N
ESSO
N
Frábærir tónleikar
„Lokaorð Seans Lennons
voru: Hittumst að ári! Svar
okkar er: Komið fagnandi!“