Dagblaðið Vísir - DV - 11.10.2010, Qupperneq 24

FÆREYJAR LAGÐAR Í LAUGARDALSLAUG
Ísland hafði betur gegn Færeyjum í landskeppni í sundi sem fram fór í
Laugardalslaug um helgina. Hafði Ísland betur með 98 stigum gegn 80.
Ísland varð í 1. sæti í sex einstaklingsgreinum af tólf og vann bæði 4x50
metra boðsund karla og kvenna. Færeyjar unnu 8x50 metra skriðsund
þar sem blönduð lið kepptu. Þau Ragnheiður Ragnarsdóttir og Jakob
Jóhann Sveinsson rökuðu inn flestum FINA-stigum, Ragnheiður fékk
808 stig fyrir 100 metra skriðsund en Jakob 816 stig fyrir 100 metra
bringusund.
JÓN ARNÓR TAPAÐI GEGN BARCELONA
Körfuknattleiksmaðurinn Jón Arnór Stefánsson skoraði fimm stig
fyrir sitt lið Granada þegar það tapaði fyrir Evrópumeisturum
Barcel ona á heimavelli, 85-78, í spænsku úrvalsdeildinni í körfu-
bolta í gær. Jón Arnór lék í þrjátíu og tvær mínútur í leiknum og
hitti úr tveimur af fimm tveggja stiga skotum sínum og öðru af
tveimur vítaskotum. Jón Arnór og félagar hafa nú tapað tveimur
fyrstu leikjunum á tímabilinu. Liðið stóð þó í Börsungum í gær en
munurinn fyrir lokafjórðunginn var aðeins eitt stig.
MOLAR
GAY ANNAR
n Spretthlauparinn Tyson Gay, eini
maðurinn sem hefur unnið hinn
magnaða Usain Bolt á árinu, þurfti
að sætta sig við annað sætið í end-
urkomu sinni í
200 metra hlaup.
Hann hljóp 200
metrana á Pre-
fontaine dem-
anta-mótinu um
helgina á 19,72
og varð rétt á
eftir bronsverð-
launahafanum
frá Ólympíuleikunum, Walter Dix.
Gay hefyr átt við meiðsli að stríða
aftan í læri og réð ekki við hraða Dix
þegar þeir komu út úr beygjunni.
„Þetta var ekki alslæmt en ég var
orðinn mjög þreyttur í endann. Ég
verð bara að slaka meira á til að eiga
meira eftir í endann,“ segir Gay.
ROONEY VILL
VETRARFRÍ
n Wayne Rooney, framherji
Manchester United, vill að enska
úrvalsdeildin taki upp siði hinna
stóru deildanna
í Evrópu og gefi
leikmönnum
frí yfir jólin og
áramótin, eins
konar vetrarfrí.
Í dag er enska
úrvalsdeildin sú
eina sem spilað
er í yfir hátíðarn-
ar. Hann segir að ensk knattspyrna
og enska landsliðið myndi hafa gott
af þessu fríi. Á meðan deildirnar á
Spáni, Ítalíu og Þýskalandi liggja í
dvala yfir hátíðarnar er gríðarlega
mikið álag á leikmönnum ensku úr-
valsdeildarinnar en í kringum jólin
og áramótin eru spilaðir þrír leikir.
VILL ZIDANE
NÆR SÉR
n Jose Mourinho, þjálfari Real
Madrid, vill að franska goðsögnin
Zinedine Zidane verði nær vellinum
hjá liðinu og geri
meira hjá félag-
inu. Í dag starfar
Zidane sem sér-
stakur ráðgjafi
forseta félagsins,
Florentino Per-
ez. „Ég myndi
vilja hafa hann
meira með mér
og minna með forsetanum. Ég efast
nú um að hann vilji verða þjálfari
en ég vil samt hafa hann nálægt
mér,“ segir Jose Mourinho sem tók
við Real Madrid í sumar eftir að
hafa unnið þrennuna með ítalska
félaginu Inter. Zidane er goðsögn í
lifanda lífi hjá Real Madrid en hann
varð á sínum tíma dýrasti knatt-
spyrnumaður heims þegar Real
keypti hann frá Juventus.
SJÖUNDI TITILL NADALS
n Spánverjinn Rafael Nadal sem er
efstur á heimslistanum í tennis fór
létt með Frakkann Gael Monfils í
úrslitum opna
japanska móts-
ins um helgina.
Hafði Spánverj-
inn sigur í tveim-
ur settum, 6-1 og
7-5. Þetta var sjö-
undi titill Nadals
á árinu en hann
hefur hreinlega
farið á kostum á tímabilinu. „Ég vil
enda tímabilið vel og halda áfram
að vinan titla. Það er erfitt að halda
áfram að vinna. Þess vegna nýt ég
þessara stunda því ég veit að þær
verða ekki endalausar,“ segir Nadal
sem hefur unnið sextíu og sex leiki
og tapað aðeins átta á árinu.
24 SPORT UMSJÓN: TÓMAS ÞÓR ÞÓRÐARSON tomas@dv.is 11. október 2010 MÁNUDAGUR
Enginn komst í hálfkvisti
við félagana á Red Bull,
Sebastian Vettel og
Mark Webber, í Japans-
kappakstrinum í gær.
Vettel vann en með því
jók Webber forskot sitt
í keppninni um heims-
meistaratitilinn. Maður
dagsins var heimamað-
urinn Kamui Kobayashi
sem fór upp um sjö sæti
og landaði góðum punkt-
um fyrir Sauber.
RED BULL
DAGUR Á
SUZUKA
Þegar þrjár keppnir eru eftir af
Formúlu 1 tímabilinu eru Red
Bull-menn í góðum málum. Mark
Webber leiðir stigakeppnina en
hann hefur fjórtán stiga forskot á
liðsfélaga sinn, Sebastian Vettel,
sem hampaði sigri á Suzuka-braut-
inni í Japan um helgina. Webb-
er varð annar en Fernando Alonso
á Ferrari varð þriðji. Með góðum
úrslitum í síðustu þremur keppn-
unum gæti Red Bull hæglega átt
fyrsta og annan mann í keppni öku-
manna og þá er liðið vel á veg kom-
ið með að landa titlinum í stiga-
keppni bílasmiða. Heimamaðurinn
Kamui Kobayashi sýndi heldur bet-
ur sparihliðarnar á Suzuka í gær og
landaði sjöunda sæti eftir að hafa
hafið leik í því fjórtánda.
„Bílarnir okkar elska svona
brautir“
Sebastian Vettel var á ráspól fyrir
keppnina en það hefur gagnast
honum lítið undanfarna mánuði.
Hefur hann átt hverja afleita byrj-
una á eftir annarri en á Suzuka
gerði hann engin mistök og leiddi
frá upphafi til enda. Þetta var aðeins
fyrsti sigur Vettels í tæpa fjóra mán-
uði en þrátt fyrir það er hann kom-
inn í annað sætið í stigakeppninni,
aðeins fjórtán stigum á eftir Webber
þegar sjötíu og fimm stig eru eftir í
pottinum.
„Þessi braut er alveg einstök.
Aðdáendurnir eru alveg ótrúlegir
hérna og ég gæti ekki verið ánægð-
ari með að landa mínum öðrum
sigri á Suzuka. Þetta var var indæll
sunnudagur. Að hafa tímatökuna og
keppnina á sama degi er einstakt og
að verða fyrstur í báðum er magn-
að. Ég vil bara þakka liðinu fyrir allt
því að allir hafa unnið af hörku við
bílinn. Við erum búnir að bæta við
ýmsum uppfærslum hér og þar sem
gerðu bílinn enn betri. Bíllinn okk-
ar elskar svona brautir eins og sást
í dag og ég er gífurlega stoltur af
þessum sigri,“ sagði Vettel sigurreif-
ur eftir keppnina.
Bölvun á Massa
Mikill darraðardans varð í ræsing-
unni þar sem Rússinn ungi Vitaly
Petrov reyndi glannalegan fram-
úrakstur og snarsnéri sjálfum sér
á næsta vegg. Eins missti Felipe
Massa á Ferrari allt grip þegar hann
reyndi að taka fram úr í ræsingunni
en hann hóf leik tólfti eftir að hafa
ekki komist í þriðju tímatökuna.
Massa snérist einnig, beint á Vitan-
tonio Liuzzi, ökumann Force India,
en báðir féllu úr leik með stór-
skemmda bíla. Einnig þurfti Nico
Hulkenberg á Williams að hætta
keppni í fyrsta hring með bilaðan
bíl.
„Það hvíldi bölvun á mér í dag,“
sagði Massa svekktur eftir keppn-
ina. „Ég komst ekki í tímatöku þrjú
vegna umferðar í brautinni og
þess vegna þurfti ég að byrja svona
aftarlega. Svo í keppninni náði ég
ekki að komast í gegnum fyrstu
tvær beygjurnar. Í ræsingunni átti
Nico Rosberg svo vont start að ég
ætlaði að taka fram úr honum. Þá
var Sutil mættur á sama stað þannig
ég beygði til hægri. En um leið og ég
gerði það var ég kominn upp á gras-
ið og kantinn. Þá tók bíllinn bara
völdin og ég endaði með því að taka
Liuzzi úr leik. Þetta er algjör synd
því Fernando sýndi í keppninni
hversu góður Ferrari-bíllinn var í
dag,“ sagði Massa.
Heimamaðurinn stal senunni
Maður dagsins á Suzuka var án
efa Kamui Kobayashi á Sauber
sem sýndi snilldartilþrif á heima-
velli. Hann hóf leik fjórtándi en
með mögnuðum framúrakstri alla
keppnina endaði hann leik í sjö-
unda sæti og náði í virkilega góð stig
fyrir Sauber-liðið. Kobayashi tók
fram úr Jamie Alguersuari tvisvar,
Rubens Barrichello og Nick Heid-
feld, allt á sama staðnum þar sem
hann einfaldlega gerði grín að and-
stæðingum sínum.
„Ég gerði mitt besta og er meira
en ánægður með árangurinn,“ sagði
hinn hógværi Japani. „Þetta var frá-
bær keppni fyrir liðið okkar og ég er
mjög ánægður fyrir hönd japönsku
stuðningsmannanna sem fengu að
sjá magnaðan kappakstur. Þetta er í
annað skiptið sem báðir bílar klárar
í stigasæti og fyrir mér er það sem
skiptir öllu,“ sagði maður dagins,
Kamui Kobayashi.
TÓMAS ÞÓR ÞÓRÐARSON
blaðamaður skrifar: tomas@dv.is
STAÐAN
STIGAKEPPNI ÖKUMANNA
Ökumaður Lið Stig
1. Mark Webber Red Bull 220
2. Sebastian Vettel Red Bull 206
3. Fernando
Alonso
Ferrari 204
4. Lewis Hamilton McLaren 192
5. Jenson Button McLaren 189
6. Felipe Massa Ferrari 128
7. Nico Rosberg Mercedes 121
8. Robert Kubica Renault 114
9. Michael
Schumacher
Mercedes 54
10. Adrian Sutil Force India 47
STIGAKEPPNI BÍLASMIÐA
Lið Stig
1. Red Bull 426
2. McLaren 381
3. Ferrari 332
4. Mercedes 175
5. Renault 133
6. Force India 60
7. Williams 58
8. Sauber 38
9. Toro Rosso 13
10. Hispania 0
11. Lotus 0
12. Virgin 0
Í lykilstöðu Red Bull-menn eru með allt í hendi sér.
Fór á kostum Heimamaðurinn
Kamui Kobayashi tók fram úr
hverjum bílnum á fætur öðrum og
endaði í sjöunda sæti. MYNDIR REUTERS