Dagblaðið Vísir - DV - 29.04.2013, Page 6

6 Fréttir 29. apríl 2013 Mánudagur
„Við erum hundsvekkt“
n Dögun náði engum manni á þing og Margrét Tryggvadóttir yfirgefur pólitíkina í bili
V
ið erum hundsvekkt vegna
þess að við töldum að við
værum með góðan flokk.
Við höfum verið að vanda
okkur, segir Margrét Tryggvadóttir,
oddviti Dögunar í Suðvesturkjör­
dæmi. Flokkurinn náði ekki eyrum
kjósenda í kosningunum og hlaut
3,1 prósent atkvæða og engan
þingmann.
Margrét segir að mikil málefna­
vinna hafi verið unnin í flokknum
og að hópurinn hafi verið lengi
saman. „Við reyndum að safna
saman þeim sem hafa verið að
vinna að umbótum í þessu samfé­
lagi eftir hrun. Við reyndum fram á
síðustu stundu að leggja alla krafta
saman.“ Á henni má því skilja að
hún hefði viljað fá fleiri framboð
til að slást í hópinn. Nokkrir aðilar,
eins og Þorvaldur Gylfason og Lilja
Mósesdóttir, hafi þó klofið sig út úr
flokknum og hún harmar það. „Hjá
Lýðræðisvaktinni var málefna­
legur ágreiningur bara um verð­
trygginguna,“ segir hún. Sundrung
hafi fellt framboðin.
Dögun auglýsti framboð sitt
af nokkrum mætti, meira en sum
hinna nýju framboðanna. Birgitta
Jónsdóttir, kapteinn Pírata, náði
með næstum engum auglýsing­
um, mönnum inn á þing. Margrét
segist gleðjast fyrir hönd Birgittu
og annarra Pírata. Þeim hafi tek­
ist að virkja hóp sem önnur fram­
boð hafi ekki höfðað til. „Þau náðu
vel til hans á netinu. Ég er rosalega
ánægð fyrir þeirra hönd en hefði
viljað sjá Smára inn á þing.“
Margrét segir að vilji sé innan
Dögunar til að halda áfram í póli­
tík. Flokksmenn renni hýru auga
til sveitarstjórnarkosninga á næsta
ári, þar sem vilji sé til þess að bjóða
fram. Sjálf hyggst hún venda kvæði
sínu í kross, þar sem hún náði ekki
kjöri á þing. Hún er menntaður
bókmenntafræðingur og hyggur á
að beina kröftum sínum í þá átt á
næstunni. n
Skiptir um
vettvang Mar-
grét er menntaður
bókmenntafræðingur
og hyggur á starf sem
tengist menntun sinni.
Spáðu nokkuð
rétt fyrir
MMR gerði fjölda skoðanakann­
ana þar sem fylgi stjórnmálaflokka
var kannað í aðdraganda kosn­
inganna um helgina. Samkvæmt
samantekt á vefsíðu fyrirtækis­
ins kemur fram að niðurstöð­
ur síðustu könnunarinnar, sem
birt var 25. apríl síðastliðinn, hafi
reynst nokkuð nákvæmar. Fyrir­
tækið spáði meðal annars réttu
fylgi Sjálfstæðisflokksins upp á
einn aukastaf og ekki munaði
nema 0,1 prósentustigi á spánni
og raunfylgi Samfylkingarinnar.
Að meðal tali reyndist niðurstaða
könnunar MMR 0,67 prósentu­
stigum frá kosningafylgi flokk­
anna. Mesta skekkjan var hjá
Framsókn og Pírötum en MMR
hafði spáð Framsóknarflokknum
tveimur prósentustigum minna
fylgi en raunin varð og Pírötum 2,4
stigum meira.
Íhugar málið
Ólafur Ragnar Grímsson forseti
ætlar að tala við formenn allra
þeirra flokka sem náðu sæti á
Alþingi í kosningum helgarinn­
ar áður en hann ákveður hver
fær stjórnarmyndunarumboð.
Hann ætlar einnig að taka mið af
hefðum, stærð flokka og árangri í
kosningum. Þetta kom fram í máli
hans á Bessastöðum eftir að fundi
hans og Jóhönnu Sigurðardóttir
forsætisráðherra lauk á sunnu­
dag. Óvíst er hvort Bjarni Bene­
diktsson, formaður Sjálfstæðis­
flokksins, eða Sigmundur Davíð
Gunnlaugsson, formaður Fram­
sóknarflokksins, fái umboð til að
mynda nýja ríkisstjórn en þeir
þykja líklegastir. Flokkar þeirra
beggja fengu 19 þingsæti en Sjálf­
stæðisflokkurinn fékk aðeins fleiri
atkvæði. Kosningarnar verða þó
ekki túlkaðar öðruvísi en sem stór­
sigur Framsóknar.
Kæran
breytir engu
Kæra sem barst yfirkjörstjórn í
Reykjavík norður vegna fram­
kvæmd kosninganna mun ekki
hafa áhrif. Kæran fjallar um að
kjörkassar sem notaðir voru
fyrrihluta dags voru ekki innsigl­
aðir heldur aðeins læstir þangað
til þeir voru afhentir yfirkjörstjórn.
Í samtali við RÚV segir Katrín
Theodórsdóttir, formaður yfir­
kjörstjórnar í Reykjavík norður, að
ekki sé kveðið á um það í lögum
að kjörkassar skuli vera innsiglaðir
á kjörstað. Í kjördæminu voru þó
sex atkvæði sem skiluðu sér ekki
í talningu miðað við kjörsókn en
Katrín segir að hugsanlega liggi
sú villa í því hvernig kjörsókn var
skráð eða að einhverjir kjósend­
ur hafi ekki skilað kjörseðli sínum
í kjörkassann. Farið verður betur
yfir það mál.
n Þrír flokkar náðu 2,5 prósenta fylgi sem er skilyrði fyrir fjárframlagi
Þ
rír flokkar sem ekki ná kjöri
á Alþingi koma að líkind­
um til með að fá peninga úr
ríkissjóði til að fjármagna
starfsemi sína. Flokkarn­
ir sem um ræðir náðu allir 2,5 pró­
senta fylgi eða meira án þess þó að
rjúfa fimm prósenta múrinn eða ná
inn kjördæmakjörnum manni.
Dögun fær mest
Dögun, Flokkur heimilanna og Lýð­
ræðisvaktin eru flokkarnir sem fá
peninga frá ríkinu án þess að ná inn
manni. Þó skal tekið fram að DV
hefur ekki fengið staðfest að Lýð­
ræðisvaktin hafi náð 2,5 prósenta
markinu. Hugsanlegt er að nokkur
atkvæði hafi vantað upp á. Reglur
um námundun eða fjölda aukastafa
gæti ráðið úrslitum um hvort flokk­
urinn fær fjárframlag. Hafi Lýð­
ræðisvaktin ekki náð máli fá hinir
flokkarnir svolítið meira.
Samkvæmt fjárlögum fyrir 2013
er reiknað með 289,9 milljón­
um króna í framlög til stjórnmála­
flokka á árinu sem skiptist á milli
flokkanna í samræmi við atkvæða­
magn. Litlu flokkarnir sem ekki eru
með þingmann geta því átt von á
nokkrum milljónum á næstu fjórum
árum en samkvæmt útreikningum
DV fengju flokkarnir samtals 25,7
milljónir króna árlega úr ríkissjóði.
Dögun fengi mest þessara þriggja
flokka en flokkurinn fékk 3,1 pró­
sent greiddra atkvæða á landsvísu
í kosningunum á laugardag. Flokk­
urinn fengi því rúmar níu milljónir
króna í árlegt framlag til að standa
straum af eigin kostnaði. Flokkur
heimilanna fengi litlu minna, níu
milljónir, fyrir sín þrjú prósent at­
kvæða. Lýðræðisvaktin gæti fengið
7,4 milljónir árlega.
Framsókn fær miklu meira
Framsóknarflokkurinn kemur til
með að fá umtalsvert meira fé úr
ríkissjóði en hann jók verulega við
fylgi sitt. Flokkurinn hefur átt í fjár­
hagsvandræðum upp á síðkastið og
verður því viðbótarframlagið úr rík­
issjóði líklega vel þegið þar á bæ.
Flokkurinn stóð uppi með 24 pró­
sent atkvæða en það þýðir framlag
upp á 73 milljónir króna sé mið­
að við heildarframlög í ár. Sjálf­
stæðisflokkurinn fær aðeins meira
en Framsóknarflokkurinn en er
þó langt frá þeim upphæðum sem
hann fékk þegar styrkur hans var
sem mestur.
Stjórnarflokkarnir tveir, Samfylk­
ing og Vinstri grænir, fá á sama tíma
aðeins hluta þess fjár sem flokkarnir
fengu frá ríkissjóði eftir hrunið. Fylgi
Samfylkingarinnar helmingaðist og
endaði í 12,9 prósentum á landsvísu
en það tryggir flokknum ekki nema
38,5 milljónir á ári. Vinstri grænir
enduðu í 10,9 prósentum sem þýð­
ir um það bil 32,6 milljónir í árleg
framlög, miðað við framlög í ár.
Fleiri geta átt von á milljónum
Í lögum um fjármál stjórnmála­
flokka er einnig gert ráð fyrir því
að flokkar sem bjóða fram í öllum
kjördæmum geti sótt um styrki til
að geta staðið straum af kostnaðin­
um við kosningabaráttuna. Styrkirn­
ir eru að hámarki þrjár milljónir á
hvert framboð en í ár voru ellefu
framboð sem buðu fram í öllum
kjördæmum.
Ef allir sækja um styrk og fá há­
marksstyrk þýðir það að 33 milljón­
ir fara frá ríkinu til stjórnmálaflokk­
anna vegna kosningabaráttunnar.
Styrkurinn er háður þeim skilyrð­
um að sótt sé um hann eigi síðar en
þremur mánuðum eftir kosningar
og að afrit af reikningum fyrir kostn­
aði sem styrknum er ætlað að mæta,
fylgi umsókninni. Tvö framboð sem
ekki eiga rétt á öðrum greiðslum frá
ríkinu geta sótt um þennan styrk. n
Aðalsteinn Kjartansson
blaðamaður skrifar adalsteinn@dv.is
Fá peninga Allir flokkar
sem bjóða fram í öllum sex
kjördæmum landsins geta
sótt um þriggja milljóna
króna styrk til að greiða
niður kosningabaráttuna.
MynD SigTryggur Ari
Árleg framlög
til flokkanna
Svona skiptast peningar á milli
flokkanna sé tekið mið af framlögum
til stjórnmálaflokka í fjárlögum 2013.
Flokkarnir fá hlutfall í samræmi við at-
kvæðafjölda. Tölurnar eru námundaðar.
Sjálfstæðisflokkur 80 milljónir
Framsóknarflokkur 73 milljónir
Samfylking 39 milljónir
Vinstri grænir 32 milljónir
Björt framtíð 25 milljónir
Píratar 15 milljónir
Dögun 9 milljónir
Flokkur heimilanna 9 milljónir
Lýðræðisvaktin 7 milljónir*
Fá milljónir án þess
að eiga þingmann