Hagskýrslur um utanríkisverslun - 1981, Blaðsíða 29

Verslunarskýrslur 1980
27*
ekki sýnd í þessu yfirliti. — Þess skal getið, að svo nefndar „verktakavörur“ hafa
aldrei verið teknar á skýrslu og því ekki meðtaldar í yfirliti því, sem hér fer á eftir.
Er hér um að ræða tæki (þar með áhöld og verkfæri, svo og fylgi- og varahluti) til
mannvirkjagerðar o. fl., sem fsl. álfélagið hyggst flytja úr landi, þegar þar að
kemur. Ef slíkar vörur eru síðar seldar eða afhentar til innlends aðila, eru þær
teknar í innflutningsskýrslur, en þá ekki sem innflutningur íslenska álfélagsins. —
Innflutningur til þessa fyrirtækis á árinu 1980 nam alls 36 408,5 millj. kr. Þar af
voru 3 475 millj. kr. fjárfestingarvörur, aðallega til uppsetningar hreinsitækja.
Hin 40 ker, sem við bættust í kerskála nr. 2 (þar með urðu kerin í álverinu 320 alls)
voru tekin í notkun í maí 1980.
Ríkisstjórnin gerði á árinu 1975 samning við bandaríska fyrirtækið Union
Carbide Corporation um stofnun hlutafélags til byggingar og rekstrar járnblendi-
verksmiðju á Grundartanga í Skilmannahreppi í Borgarfjarðarsýslu, sbr. lög nr.
10 26. apríl 1975. Voru á því ári hafnar framkvæmdir til undirbúnings mann-
virkjagerð á Grundartanga, en með samningi 9. júlí 1976 gekk bandaríska fyrir-
tækið úr Járnblendifélaginu og framseldi hlutabréf sín í því til ríkisstjórnarinnar.
Var þá framkvæmdum hætt í bili. Jafnframt fóru fram viðræður við Elkem-
Spigerverket A/S í Osló, og leiddu þær til samningsgerðar — sem þó var ekki
endanleg — hinn 8. desember 1976. Gerðist þetta fyrirtæki hluthafi í íslenska
járnblendifélaginu h.f., með 45% hlutafjáreign, á móti 55% hlutafjáreign ríkis-
sjóðs. Sett voru ný Iög, nr. 18 ll.maí 1977, um járnblendiverksmiðju í Hvalfirði,
og um leið var gengið endanlega frá samningi við hinn norska meðeiganda. Vinna
til byggingar mannvirkja á Grundartanga hófst aftur síðla árs 1976. Fyrri ofn
verksmiðjunnar var tekinn í notkun í apríl 1979. Fyrsti útflutningur á kísiljárni
átti sér stað í júlí 1979, til Vestur-Þýskalands.Síðari ofn verksmiðjunnar var
tekinn til starfrækslu í september 1980. Tvo síðustu mánuði 1980 var annar ofn
hennar ekki starfræktur vegna orkuskorts. Árleg framleiðslugeta hvors ofns er
25 000 tonn af kísiljárni (ferrosilikoni). — Frá og með maí 1977 er innflutningur
til járnblendiverksmiðjunnar gerður upp mánaðarlega á sama hátt og það, sem
flutt er inn af Landsvirkjun, íslenska álfélaginu og Kröfluvirk jun. Innflutningur til
járnblendiverksmiðjunnar nam 6 426,2 millj. kr. á árinu 1980. Sömu eða svipað-
ar reglur gilda lögum samkvæmt um niðurfellingu gjalda á innflutningi til íslenska
járnblendifélagsins og gilda um það, sem flutt er inn af fyrr nefndum 3 aðilum,
sem hafa sérstöðu í þessu sambandi.
Hér fer á eftir skýrsla um innflutning 1980 til Landsvirkjunar, Kröfluvirkjunar
og íslenska járnblendifélagsins, og er hann greindur á vörudeildir og eftir löndum.
Fyrst er, fyrir hvern aðila um sig, tilgreind nettóþyngd innflutnings í tonnum,
síðan fob-verðmæti og loks cif-verðmæti, hvort tveggja í millj. kr. Aftan við
„önnur lönd“ er hverju sinni tilgreind tala þeirra, fyrst fyrir Landsvirkjun, síðan
fyrir Kröfluvirkjun og Ioks fyrir íslenska járnblendifélagið.
Aftan við hið sameiginlega yfirlit Landsvirkjunar, Kröfluvirkjunar og íslenska
járnblendifélagsins er sundurgreining á heildarinnflutningi til íslenska álfélagsins
1980. Er sú skýrsla sett upp á sama hátt og skýrslan næst á undan.