Hagskýrslur um utanríkisverslun - 1988, Blaðsíða 35

Verslunarskýrslur 1987
33
Tafla VII sýnir verömæti innflutnings í pósti. Mjög lítið er um útflutning í pósti
og því nær eingöngu frá Reykjavík. Póstbögglar, sem sendir eru að gjöf, hvort
heldur hingað til lands eða héðan frá einstaklingum, eru ekki teknir með í
verslunarskýrslur.
í töflu VII kemur fram cif-verðmæti vara, sem fóru um tollvörugeymsluna í
Reykjavík. Tollvörugeymslan hf, sem fékk heimild ráðherra til að reka almenna
tollvörugeymslu í Reykjavík (sbr. lög nr. 47/1960 og reglugerð nr. 56/1961), hóf
starfsemi í ágúst 1964. Aðalhlutverk hennar er að skapa innflytjendum aðstöðu
til að fá, að vissu marki, einstakar vörusendingar tollafgreiddar smám saman
eftir hentugleikum. Að sjálfsögðu eru það aðallega tiltölulega fyrirferðarlitlar
vörur, og vörur með háum tolli, sem færðar eru í tollvörugeymslu. Það skal tekið
fram, að Hagstofan telur allar vörur í vörusendingu fluttar inn, þegar þær eru
færðar í tollvörugeymslu eftir komu þeirra til landsins í farmrými skips eða
flugvélar, eða í pósti, en ekki þegar einstakir hlutar vörusendingar eru
endanlega tollafgreiddir og afhentir innflytjanda. Utan Reykjavíkur eru nú
starfandi þrjár tollvörugeymslur: Almenna tollvörugeymslan hf, Akureyri, frá
júlí 1970, Tollvörugeymsla Suðurnesja hf, Keflavík, frá júní 1976 og
Tollvörugeymslan í Hafnarfirði hf frá júní 1984. Vörur, sem fara um þær, eru
teknar í innflutningsskýrslur á sama hátt og vörur, sem fara um tollvörugeymslu í
Reykjavík.
7. Tollar og önnur gjöld á innflutningi.
Customs duties etc.
Með lögum nr. 65 16. júlí 1975 var lagt 12% svokallað sérstakt vörugjald á
fjölmargar innfluttar vörur og á sömu innlendar vörur að svo miklu leyti sem
þær eru framleiddar innanlands. 1978 skiptist vörugjaldið í 2 gjaldflokka, sem
frá 1. mars 1983 eru 24% og 30%. Vörugjald á innfluttum vörum er reiknað af
tollverði þeirra. Hráefni, helstu rekstrarvörur og ýmsar brýnar neysluvörur eru
undanþegnar gjaldi þessu, en hins vegar er það t. d. yfirleitt tekið af
fjárfestingarvörum. Tekjur af sérstöku vörugjaldi renna óskiptar í ríkissjóð.
Samkvæmt ákvæði laga nr. 77/1980 er lagt vörugjald á sælgæti og gosdrykki.
Gjaldið rennur í ríkissjóð og nemur 7% af tollverði sælgætis og 17% af tollverði
gosdrykkja.
Með lögum nr. 83 18. maí 1978 (sbr. lög nr. 78/1980) var ákveðið, að
innheimta skyldi 3% jöfnunargjald í ríkissjóð af tollverði (cif-verði) innfluttrar
vöru, er tollar hefðu verið lækkaðir af eða felldir niður vegna aðildar íslands að
EFTA og vegna samnings íslands við EBE. Frá 1. janúar 1982 er að auki
innheimt svo nefnt jöfnunarálag á innflutt hús og húshluta og nemur það 12% af
tollverði.
Frá 1. júlí 1985 er innheimt gjald af innfluttu fóðri og hráefni í það, annars
vegar grunngjald 50% af tollverði, þó aldrei hærra en 4 000 kr. á tonn, og hins
vegar sérstakt fóðurgjald, 80% af tollverði. Með bráðabirgðalögum nr. 67 10.
júlí 1987 bættist við svonefnt sérstakt grunngjald sem má nema allt að 4 krónum
af hverju kílói hinnar innfluttu fóðurvöru.
Með lögum nr. 5/1982 var lagt svonefnt tollafgreiðslugjald á innfluttar vörur.
Þetta gjald nemur 1% af tollverði. Undanþegnar gjaldinu eru tollfrjálsar vörur,
vörur sem fara um tollvörugeymslur og póstsendingar, sem afgreiddar eru án
aðflutningsskýrslu.