Dagblaðið Vísir - DV - 11.07.2008, Blaðsíða 6
föstudagur 11. júlí 20086 Fréttir DV
Sandkorn
n Mótmælin fyrir utan dóms-
málaráðuneytið í vikunni hafa
trekkt að marga þekkta og áhrifa-
mikla menn í samfélaginu. Tón-
listarmaðurinn Hörður Torfason
hefur farið
fyrir mót-
mælunum,
en þetta er
ekki í fyrsta
skipti sem
hann lætur
pólitískar
skoðanir sín-
ar í ljós. Þá
tóku þingmennirnir Jón Magn-
ússon, Steingrímur J. Sigfússon
og Bjarni Harðarson einnig þátt í
mótmælunum. Varaþingmaður-
inn Mörður Árnason var einnig
á staðnum, sem og ritstjórinn
Sigurjón M. Egilsson, sem brýnt
hefur mótmælendur áfram í vik-
unni á vef Mannlífs.
n Vefmiðillinn eyjan.is hefur
misst mikinn liðsstyrk. Magn-
ús Sveinn
Helgason,
sem hefur
farið ham-
förum um
fáránleika
bandarískra
stjórnmála
undir nafn-
inu Free-
dom fries, hefur lagt upp laup-
ana. Magnús, sem búsettur er
í Bandaríkjunum, hefur notið
mikilla vinsælda fyrir vandað og
fyndið pólitískt blogg. Magnús
segir frá því að hann sé að hefja
störf á Markaðnum og það gangi
ekki að skrifa á síðum tveggja
fjölmiðla, sem eru í samkeppni
við hvor annan. Þetta er slæmur
tími fyrir Eyjuna, því gósentíð í
bandarískum stjórnmálum er
fram undan.
n Anna Kristinsdóttir, fyrrver-
andi borgarfulltrúi Framsóknar-
flokksins, er nýr mannréttinda-
stjóri Reykjavíkurborgar. Athygli
vakti að borgarráð skyldi sam-
þykkja ráðningu Önnu einróma
á fundinum. Anna var metin
hæfust úr hópi tuttugu og þriggja
umsækjenda um starfið. Það
er ekki sjálfgefið að borgarráð
samþykki slíkar mannaráðningar
einróma, sérstaklega þar sem um
fyrrverandi stjórnmálamann er
að ræða. Stuðningur borgarráðs
hlytur því að gefa Önnu byr undir
báða vængi.
Taka á Latabæjarvítamín af markaði vegna þess að þau innihalda aspartam og önn-
ur sætuefni auk bragðaukandi efna. Enn er hægt að nálgast vítamínin í búðum. Ekki
fékkst uppgefið hversu mikið magn aspartams eða annarra sætuefna væri að finna í
Latabæjarvítamínum.
Íþróttaálfurinn hætt-
ur að selja aspartam
„Í kjölfar umræðu í apríl um að vít-
amínin hjá okkur innihéldu aspartam
ákváðum við að taka þau af mark-
aði. Við riftum framleiðslusamningi
við Icepharma og nú er verið að at-
huga hvort framleidd verða vítamín
án þessara aukaefna,“ segir Guðmund-
ur Haukur Magnason, framkvæmda-
stjóri sölusviðs Latabæjar. „Verslanir
geta selt þau vítamín sem þær eru með
núna. Þegar þessi vara fór upphaflega á
markað var þekking á sætuefnum ekki
eins yfirgripsmikil og umdeild og hún
er í dag. Við höfum tekið þá ákvörðun
að sætuefni verði framvegis ekki í vör-
um frá Latabæ,“ segir Guðmundur.
Er innihaldið leyndarmál?
Latabæjarvítamín innihalda sætu-
efni eins og aspartam, xylitol og sorb-
itol. Að auki er að finna bragðaukandi
efni en ekki er tilgreint í innihaldslýs-
ingunni hver þau eru nákvæmlega.
Vafi hefur leikið á því hvaða auka-
verkanir aspartam geti haft en sé þess
neytt í mjög miklu magni getur það
valdið krabbameini. Ic-
epharma er dreifing-
araðili Latabæjarvít-
amínanna og þegar
samband var haft við
þá til að fá nákvæmlega
hve mikið magn aspartams
er í vítamínunum fengust ekki
þær upplýsingar. Guðmundur
hjá Latabæ gat heldur ekki gefið
upp þær tölur. Starfsmaður Ice-
pharma sagði að uppskriftir væru
trúnaðarmál en það er skylda að
tilgreina virk efni í innihaldslýs-
ingu. Þó er ekki skylda að gefa
upp hvað varan inniheldur mik-
ið af sætuefnum og bindiefn-
um. Icepharma fullyrti þó að
sætuefnin væru í mjög litlu
magni.
Óþarfi að taka
inn vítamín
Ingibjörg Gunnars-
dóttir, dósent í matvæla- og
næringafræðideild við Háskóla Ís-
lands, segist ekkert geta sagt til um
hvort það sé slæmt eða gott að asp-
artam sé að finna í Latabæjarvítamín-
unum. „Það er nú reyndar almennt tal-
að um það að fólk þurfi ekki að taka inn
vítamín sé ráðlegg-
ingum um mat-
aræði fylgt. Hins
vegar þarf að taka
inn lýsi,“ segir Ingi-
björg. Í júní á síðasta ári
voru birtar niðurstöð-
ur nýrrar rannsóknar á
aspartami og krabba-
meini í tilraunarottum.
Matvælaöryggisstofnun
Evrópu (EFSA) er að leggja
mat á framkvæmd og
niðurstöðu rannsóknar-
innar til þess að ákvarða
hvort breyta þurfi þeim
skammti af aspartami sem
nú er miðað við að sé í lagi
að neyta.
Dagleg neysla
„Það eru sett efri mörk
um aspartamneyslu hjá
Matvælaeftirlitstofnun Evrópu. Það
magn af aspartami sem hættulaust
er að neyta á dag miðað við að ekki
valdi heilsutjóni er 40 milligrömm
af aspartami á kíló á dag,“ segir Ingi-
björg. „Ef þetta magn er yfirfært yfir
á sykurlausan gosdrykk eru það um
það bil fjórir og hálfur lítri á dag
miðað við fullorðinn einstakling en
börn þola minna magn. Þetta dag-
lega neyslugildi er það magn sem
fólk getur neytt daglega alla ævi án
hættu á skaðlegum áhrifum,“ segir
Ingibjörg. Hún bætir þó við að þessi
mörk séu byggð á niðurstöðum um
myndun á krabbameini.
Ekki til rannsóknir
Spurð um aspartammagn í vítam-
íntöflum segir Ingibjörg að magn-
ið í þeim sé væntanlega mjög lítið.
„Í dag er ekki nægjanlega mikið vit-
að um hugsanleg skaðleg áhrif asp-
artams með tilliti til annarra þátta en
krabbameins, svo sem höfuðverk eða
liðverki. Það eru ekki til rannsókn-
ir sem styðja þetta en það er heldur
ekki hægt að rengja fólk sem held-
ur því fram að það finni fyrir óþæg-
indum eftir neyslu aspartams,“ segir
Ingibjörg.
„Við höfum tekið þá
ákvörðun að sætuefni
verði framvegis ekki í
vörum frá Latabæ.“
ástrún friðbjörnsDÓttir
blaðamaður skrifar astrun@dv.is
Íþróttaálfurinn
Álfurinn er hættur
á aspartami.
Umdeild bætiefni latabæjar-
vítamínum er stefnt að börnum
en innihalda aspartam.