Dagblaðið Vísir - DV - 18.08.2008, Page 4

mánudagur 18. ágúst 20084 Fréttir
Ramses reynir að halda í bjartsýnina þrátt fyrir mótvind:
Ramses segist vera sveltur
„Þeir ætla að færa mig í aðrar flótta-
mannabúðir á morgun, þar fæ ég bara
að borða kvöldmat og get ég verið þar
um nætur,“ segir Keníumaðurinn Paul
Ramses. Hann segist engan pening
eiga og því muni vera erfitt að komast
yfir mat og drykk. Á Ítalíu eru margir
flóttamenn og segir Ramses að stjórn-
völdum sé alveg sama hvernig farið
sé með hann og annað fólk í svipaðri
aðstöðu. „Öllum er sama um okkur
hérna, við verðum að reyna að finna
einhvern mat yfir daginn en það verð-
ur erfitt,“ segir Ramses og bætir því við
að verið sé að pína hann andlega úti í
Róm. Ramses segist sofa með allar sín-
ar eigur í fanginu, af ótta við að þeim
verði annars stolið. Hann segir flótta-
fólkið á Ítalíu í þannig aðstöðu að það
geri hvað sem er til þess að komast yfir
pening eða mat. Ramses segir erfitt að
hugsa um hvernig það verði að ráfa
matarlaus um götur Rómar en hann er
jákvæður þrátt fyrir allt saman. „Ég á þó
fjölskyldu og það er gott, þannig að ég
verð að reyna að vera jákvæður,“ segir
Ramses. Rosemary kona Ramses sem
búsett er á Íslandi hefur haft samband
reglulega og segir hann að í þeim sam-
tölum fyllist hann von um að fá að sjá
fjölskyldu sína á nýjan leik. Þegar hann
er spurður hvort hann muni betla sér
fyrir mat segist hann aldrei hafa betlað
og það muni hann aldrei gera. „Ég ætla
frekar að fasta, ég gerði það áður þegar
fjölskyldan mín var fátæk,“ segir Ram-
ses. Að lokum vill hann óska íslensku
þjóðinni til hamingju með gott gengi
handboltalandsliðsins á Ólympíuleik-
unum í Peking. jonbjarki@dv.is
Tómt borð Keníumaðurinn Paul
ramses verður sendur á nýtt
flóttamannaheimili á morgun.
„Samankomin í dómsal voru dóm-
ari frá Kaliforníu sem hefur það
orðspor að enginn vaði yfir hann,
fyrrverandi hæstaréttardómari frá
Indlandi og helsti sérfræðingur
Bandaríkjanna í framsalskröfum.
Þar að auki sat sakborningurinn í
sæti sínu, vellauðugur erfingi, með
axlasítt hár, grunaður um stórfellt
alþjóðlegt peningaþvætti. Með-
al áhorfenda í dómsal, voru svo
móðir hans og tvær systur henn-
ar. Allar þrjár voru klæddar í ná-
kvæmlega eins buxnadragt og í
samskonar hlébarðaskóm.“ Þannig
lýsir bandarískur blaðamaður, The
Recorder, andrúmsloftinu í dómsal
í San Francisco, þegar mál Gunn-
ars Stefáns Wathne var loksins tek-
ið fyrir í síðustu viku.
Gunnar Stefán var ákærður árið
2005 fyrir aðkomu að peningaþvætti
sem teygði anga sína til Moskvu og
háskóla í Kaliforníu. Hann var eft-
irlýstur af Interpol, eftir að hann fór
frá Bandaríkjunum og eftir tvö ár á
flótta, var hann handtekinn í sept-
ember á síðasta ári í Nýju-Delí á
Indlandi. Bandaríkjastjórn fór fram
á að hann yrði framseldur, en hann
féllst sjálfviljugur á að snúa aftur til
Bandaríkjanna í byrjun árs.
Rifust um lögmæti
peningaþvættis
Saksóknarar og verjendur körp-
uðu um það hvort vísa skyldi mál-
inu frá. Verjendur Gunnars Stef-
áns, fóru fram á að fallið yrði frá
ákærunni á þeim forsendum að
meint brot hans hefðu ekki ver-
ið ólögleg á Indlandi þegar þau
áttu sér stað. Samkvæmt indversk-
um lögum á ekki að framselja sak-
borninga, nema athæfið sem þeir
eru grunaðir um, sé ólöglegt í báð-
um löndum. Ákæruvaldið benti
hins vegar á að peningaþvætti væri
ólöglegt á Indlandi og það er það
sem skiptir máli í bandarísku rétt-
arkerfi. Verjendur Gunnars fengu
Yogesh Kubar Sabharwal, fyrrver-
andi hæstaréttadómara á Indlandi,
sem staðhæfði að athæfi Gunnars
hefði ekki verið ólöglegt í lok tí-
unda áratugarnins og samkvæmt
því hefðu Bandaríkin aldrei getað
gert lögmæta framsalskröfu vegna
Gunnar Stefán.
Rússneskar pyntingar
Verjendur Gunnars létu ekki
þar við sitja, þeir sökuðu banda-
ríska útsendara um að hafa brotið
reglur með því að hafa ekki greint
dómaranum frá því að sönnunar-
gagna gegn Gunnari hafi verið afl-
að með yfirheyrslum rússneskra
lögreglumanna, en lögregluofbeldi
og pyntingar eru algengar þar í
landi. Blaðamaður bandaríska við-
skiptadagblaðsins, Wall Street Jo-
urnal, var fenginn í vitnastúku til
þess að ræða um harðneskjulegar
yfirheyrsluaðferðir rússneskra lög-
reglumanna og ótta almennings
við lögreglumenn.
Krefjast fljótrar afgreiðslu
Gunnar Stefán fór til Moskvu eft-
ir að ákæran gegn honum var birt
árið 2005. Enginn framsalssamn-
ingur er í gildi á milli Bandaríkjanna
og Rússlands. Verjendur Gunnars
kröfðust þess að málið fengi skjóta
afgreiðslu þar sem tíminn frá því
hann var ákærður og þar til mál-
ið var tekið fyrir, væri óásættanleg-
ur. Það sé að hluta til bandarískum
stjórnvöldum að kenna. Saksókn-
arar mótmæltu því hins vegar og
sögðu ástæðuna fyrir töfinni vera að
Gunnar flutti til Moskvu, þaðan sem
ekki var hægt að framselja hann.
Bandarísk yfirvöld hafi þvert á móti
gert allt til þess að koma höndum
yfir Gunnar, meðal annars með því
að láta Interpol lýsa eftir honum um
allan heim.
valGEIR ÖRN RaGNaRSSON
blaðamaður skrifar: valur@dv.is
RÉTTARHÖLDIN HAFIN
YFIR GUNNARI WATHNE
Gunnar Stefán
Wathne mætti fyrir
dómara í síðustu viku.
„Blaðamaður banda-
ríska viðskiptadag-
blaðsins, Wall Street
Journal, var fenginn í
vitnastúku til þess að
ræða um harðneskju-
legar yfirheyrsluað-
ferðir rússneskra lög-
reglumanna og ótta
almennings við lög-
reglumenn.“
Frávísunarkrafa vegna ákæru gegn Gunnari Stefáni Wathne var tekin fyrir í dómsal í
San Francisco í síðustu viku. Verjendur Gunnars sögðu peningaþvætti ekki hafa verið
ólöglegt á Indlandi í lok tíunda áratugarins og því hefðu Bandaríkin aldrei átt að fá hann
framseldan. Gunnar Stefán mætti sjálfur í dómsal ásamt móður sinni og systrum hennar.
Þær vöktu athygli fyrir að vera allar klæddar í samskonar buxnadragt og hlébarðaskóm.
Ormsteiti
á Egilsstöðum
Hátíðin Ormsteiti fór vel
fram á Egilsstöðum um helgina.
Hverfin skiptu sér niður í flokka
og klæddust einkennislit og far-
ið var í skrúðgöngu. Mjög góð
mæting var í skrúðgönguna og
telur lögreglan á Egilsstöðum að
60 til 70 prósent bæjarbúa hafi
tekið þátt í henni og segir að allt
hafi gengið vel. Hátíðin stendur
frá 15. til 24. ágúst og er dagskrá-
in fjölbreytt og fyrir alla aldurs-
hópa. Lögreglan segir að einn
hafi verið tekinn fyrir hraðakstur
og keyrði viðkomandi á 149 kíló-
metra hraða.
Bílvelta við Voga
Tvennt var flutt á slysadeild
Sjúkrahússins í Keflavík eftir að
bíll fór út af veginum á Vatns-
leysuströnd austan við Voga í
gærmorgun. Lögreglunni barst
tilkynning um atvikið rétt upp
úr klukkan sjö og fór beint á
staðinn. Tveir voru í bílnum
og voru þeir fluttir samstundis
með sjúkrabíl til Keflavíkur til
aðhlynningar. Samkvæmt Lög-
reglunni á Suðurnesjum var ekki
um alvarleg meiðsl að ræða.
Lögregla telur atvikið eingöngu
vera óhapp.
InnlendarFréttIr
ritstjorn@dv.is
Kona féll af baki
Kona féll af hestbaki í sveit-
inni norðan við Skagaströnd
um miðjan dag í gær. Að sögn
lögreglunnar á Blönduósi gat
hún sig lítið hreyft eftir fallið og
var flutt með sjúkrabíl á Sjúkra-
hús Blönduóss. Lögregla telur
áverka hennar ekki hafa verið
mjög alvarlega en hún kenndi
til í mjöðminni. Hún var með
fullri meðvitund á leið á sjúkra-
húsið. Í umdæmi lögreglunn-
ar á Blönduósi var einn mað-
ur tekinn ölvaður við akstur á
leið sinni frá Kántríhátíðinni á
Skagaströnd.
Heimasmíðaðri
flugvél hlekktist
á í lendingu
Heimasmíðaðri erlendri
flugvél hlekktist á í lendingu við
millilendingu á Reykjavíkurflug-
velli á föstudagskvöld. Flugvélin,
sem átti leið hér um, var á leið til
Bandaríkjanna en fresta varð för
vegna óhappsins. Flugmanninn,
sem er eigandi og smiður flug-
vélarinnar, sakaði ekki. Rann-
sóknarnefnd flugslysa var látin
vita af atvikinu.