Dagblaðið Vísir - DV - 08.09.2008, Blaðsíða 8

mánudagur 8. september 20088 Fréttir
Samkvæmt Kóraninum snýst heil-
agt stríð fyrst og fremst um innri
baráttu og um það að berjast við hið
slæma hið innra. Í öðru lagi má grípa
til vopna í sjálfsvörn en í heiminum
eins og hann er í dag er heilagt stríð
hvergi réttlætanlegt. Þetta kom fram
í ræðu Mirza Masroor Ahmad Sahib
á ráðstefnu ahmadiyya-múslima í
Þýskalandi á dögunum. Hann er kal-
ífi íslamskrar hreyfingar sem nefnist
Ahmadiyya.
Abdul Shakoor Aslam Khan er
sérfræðingur í óhefðbundnum lækn-
ingum og meðlimur Ahmadiyya-
hreyfingarinnar. Hann kom til
Íslands í sumar og bauð níu Íslend-
ingum á árlega ráðstefnu Ahmadiyya
í Mannheim í Þýskalandi um sein-
ustu helgi.
Hittust á Shalimar
Meðal Íslendinganna sem þáðu
boðið á ráðstefnuna í Mannheim
var Gísli Hvanndal Ólafsson, 23 ára
kennari og rithöfundur.
„Ég hitti tvo menn á veitinga-
staðnum Shalimar. Þeir spurðu mig
hvort þeir mættu gefa mér bók um
íslam og ég þáði það með þökkum,
við ræddum heillengi um íslam og ég
sagði þeim frá umræðunni sem hef-
ur spunnist hér á Íslandi undanfarið,
það endaði með því að doktor Khan
bauð mér til Þýskalands,“ segir Gísli
um upphaf Þýskalandsfararinnar.
Hann segir Khan og félaga hafa lagt
mikla áherslu á fjölbreytta umræðu
um íslam og það hafi honum líkað.
Gísli er meðal annars einn þeirra
rithöfunda sem skrifuðu bókina Ís-
lam með afslætti sem Nýhil gaf út
í janúar. Gísli segir að vel hafi farið
á með þeim og að lokum hafi þeir
ákveðið að Gísli gæti boðið fleira fólki
með til Þýskalands á ráðstefnu Ah-
madiyya. Það varð úr og níu manns
heimsóttu ráðstefnuna í Mannheim
um seinustu helgi.
Kalífinn almennilegur
„Það var tekið mjög vel á móti
okkur, eiginlega of vel, við vorum
bara eins og opinberir gestir þarna
og máttum ekki draga upp veskin
fyrir einum einasta hlut,“ segir Gísli
þegar hann er spurður um hvern-
ig tekið hafi verið á móti hópnum.
Hann segir menn hafa fylgt íslensku
gestunum eftir til að aðstoða en þeir
hafi verið einkar þægilegir, brosmild-
ir og hjálpsamir.
Þegar Gísli er spurður um það
hvað hafi staðið upp úr á ráðstefn-
unni er hann ekki lengi að svara:
„Það var bara kalífinn í alla staði,
sérstaklega eftir að við hittum hann
og spjölluðum við hann. Við höfðum
séð allan múgæsinginn í kringum
hann á ráðstefnunni en á lokadeg-
inum hittum við hann og sáum hvað
þetta var hversdagslegur og almenni-
legur maður.“ Hópurinn fékk að tala
við kalífann í meira en hálftíma en
Khan hafði á orði að óalgengt væri að
hann gæfi fólki svo mikinn tíma.
Ást fyrir alla
„Ég held að Ahmadiyya sé besta
leiðin til þess að breiða út boðskap
kærleika í gegnum íslam, annars
væri ég ekki að taka þátt í þessu,“
segir síðhærður og brosandi maður
að nafni Adeel Hussein. Hann er 24
ára, fæddur í Pakistan en fluttist til
Þýskalands fjögurra ára að aldri.
Adeel Hussein er einn af þýð-
endum bókar um kalífann Mirza
Masroor Ahmad Sahib. Hann segist
reyna að koma á ráðstefnuna hvert
einasta ár enda hafi hann alla tíð
verið ahmadi.
Hussein segist berjast með penn-
ann að vopni fyrir friði í heiminum
og hann tekur fram að einkunnar-
orð hreyfingarinnar séu „Ást fyrir
alla, hatur fyrir engan“. Hann segir
vini sína vera kristna jafnt sem trú-
lausa en það skipti hann minnstu
máli, trúin hjálpi honum fyrst og
fremst að verða betri maður. Að lok-
um segist hann vonast til þess að
blaðamaður DV finni Jesú Krist.
Meira umburðarlyndi
„Ég var í babtistakirkju hér í
Þýskalandi en þegar mér var sagt
að ég mætti ekki eiga íslamska vini
sagði ég mig úr henni,“ segir Þjóð-
verjinn Mannfred sem hefur snúist
til Ahmadiyya-trúar. Honum finnst
sér hafa verið stillt upp við vegg þar
sem hann hafi orðið að velja á milli
íslam og kristni, en honum líkaði
ekki að kirkjan réði hvaða vini hann
mætti eiga.
Mannfred segir marga kristna
einstaklinga með fordóma gagnvart
múslimum, á meðan múslimar umb-
eri kristni og virði hana. Hann segir
framtíðina bjarta fyrir þá Pakistana
sem flust hafa til Þýskalands síð-
ustu áratugi. „Á sínum tíma fóru þeir
best menntuðu og ríku til Englands á
meðan hinir komu hingað til Þýska-
lands, en nú hefur þetta fólk unnið
sig upp í samfélaginu og menntað sig
hér þannig að önnur kynslóð Pakist-
ana er á mjög góðri leið.“
Með múhameðshatt
„Nei, ekki ennþá, það er kannski
meira þannig að ég hafi færst lengra
frá því heldur en hitt, en ég á hins
vegar svona múhameðshatt núna,“
segir Bragi Páll Sigurðarson og hlær
þegar hann er spurður að því hvort
hann hafi tekið upp trú ahmadi-
múslima. Hann segir þá skoðun
sem hann hafi myndað sér áður að
miklu leyti komna frá fjölmiðlum og
því hafi verið gott að fara á samkom-
una og upplifa hlutina raunveru-
lega. Hann segir þó að hann hafi
orðið eilítið fráhverfur íslamstrú eft-
ir að hafa farið á ráðstefnuna.
„Ef þetta hefði verið ráðstefna hjá
mormónum eða hindúum hefði það
eflaust haft sömu áhrif á mig, það er
erfitt fyrir vantrúaða einstaklinga að
taka upp trú,“ segir Bragi. Hann seg-
ist þó sjaldan hafa hitt eins umburð-
arlynt og ástkært fólk, sem væri jafn-
gjafmilt á tíma sinn og peninga. Að
hans mati hafi þeir þó verið aðeins
of sparsamir á að opna sig fyrir nýj-
um hugmyndum eins og til dæmis
varðandi það kvenfrelsi sem ríkir á
Vesturlöndum.
Deild á Íslandi
Meðlimir hópsins kalla sig ahm-
adi-múslima og þá er að finna í 190
löndum. Óvíst er hversu margir
ahmadi-múslimarnir eru, en nefnd-
ar hafa verið tölur frá 20 og upp í 200
milljónir. Múslimar sem aðhyllast
almenna túlkun á Kóraninum eru
flestir andvígir túlkun Ahmadiyya
vegna þess að þar er því haldið fram
að nýr spámaður hafi komið fram, en
almennt líta múslimar svo á að Múh-
ameð sé seinasti spámaðurinn.
Margir múslimar hafa for-
dæmt hreyfinguna og hafa ahmadi-
múslimar meðal annars verið fang-
elsaðir og drepnir í Pakistan en þar
er trúin ólögleg og ekki viðurkennd
sem íslömsk trú.
Ahmadiyya-hreyfingin er upp-
runnin frá Mirza Ghulam Ahmad
en hann kom fram seint á nítjándu
öld og sagðist hafa uppfyllt spádóm-
inn um endurkomu Messíasar. Khan
ætlar að setja upp Ahmadiyya-deild
hér á landi. Hann segist vera ánægð-
ur með ráðstefnuna og að hann
hlakki til að koma til Íslands í haust
og kynna trúna fyrir Íslendingum.
Bragi og Pakistanarnir áður en
ráðstefnan hófst nýttu Khan og
félagar tímann vel og kynntu
Þýskaland fyrir Íslendingunum.
Jón BJarKi MagnúSSon
blaðamaður skrifar: jonbjarki@dv.is
„Ég var í babtistakirkju hér í Þýskalandi en �egar
mér var sagt að ég mætti ekki eiga íslamska vini
sagði ég mig úr henni.“
KALÍFINN
VILL NEMA
LAND HÉR
abdul Shakoor aslam Khan ætlar að setja upp Ahmadiyya-deild á Íslandi. Níu Íslendingar voru á ráð-
stefnu ahmadi-múslima í Mannheim á dögunum. Íslendingarnir eru sammála um það að ráðstefnan hafi
verið áhugaverð en enginn hefur þó játað á sig trú Ahmadiyya. Kalífi hreyfingarinnar sagði heilagt stríð
snúast um innri baráttu og að það væri ekkert sem réttlætti sjálfsvígsárásir í heiminum í dag.
Khan og Íslendingarnir Khan fór með
Íslendingana í ferð um nærliggjandi svæði þar
sem hann sýndi þeim meðal annars forna
mosku sem byggð var fyrir 800 árum.