Dagblaðið Vísir - DV - 24.11.2008, Blaðsíða 8

Það tekur opinberan starfsmann
sautján ár að vinna sér inn sömu
eftirlaun og ráðherra vinnur sér inn
á tveimur kjörtímabilum, eða átta
árum. Þetta er niðurstaðan af þeim
breytingum sem Geir H. Haarde og
Ingibjörg Sólrún Gísladóttir leggja til
að verði gerðar á eftirlaunalögunum
umdeildu frá 2003.
Ráðherrar og þingmenn verða
áfram með mun betri eftirlaun en
aðrir landsmenn þrátt fyrir breyting-
arnar. Ráðherrar verða með rúmlega
tvöfaldan eftirlaunarétt á við flesta
ríkisstarfsmenn og þingmenn hafa
fjórðungi betri eftirlaun en opinberir
starfsmenn.
Þetta er niðurstaðan af þeim
breytingum sem Geir H. Haarde og
Ingibjörg Sólrún Gísladóttir hafa
náð samkomulagi um að gera á eft-
irlaunalögum þingmanna og ráð-
herra.
Kröfu þjóðarinnar ekki svarað
„Það er klárt mál, að með þessu sé
verið að minnka sérkjör ráðherra og
alþingismanna, en þó er engan veg-
in verið að taka á þeirri kröfu þjóð-
arinnar að þeir deili kjörum með
þjóðinni. Það er algjörlega út í hött
að kynna þetta fyrir þjóðinni nú.
Að þetta frumvarp eigi að viðhalda
sérkjörum þessara ráðamanna um
ókomna tíð, jafnvel þó minni séu,“
segir Gylfi Arnbjörnsson, forseti ASÍ,
um breytingar á eftirlaunafrumvarp-
inu.
„Við hjá ASÍ erum algjörlega and-
snúin þessu. Á landsfundi okkar í
október var sett fram skýr krafa um
að sérréttindi ráðamanna yrðu af-
numin og að óbreyttir launamenn
eigi ekki einir að taka á sig skerðingu
lífeyrisréttinda,“ segir Gylfi og bætir
við. „Þeir eru tilbúnir að lækka sér-
kjör sín en það er engan veginn verið
að taka af þessa mismunun.“
Lækka en hækka líka
DV hefur reiknað út eftirlaun nokk-
urra núverandi og fyrrverandi ráð-
herra. Eftirlaunin lækka frá eftir-
launalögunum sem sett voru árið
2003 og hafa verið afar umdeild alla
tíð síðan. Hins vegar er mjög misjafnt
hvort eftirlaunin hækki eða lækki frá
því sem var samkvæmt lögunum sem
giltu áður en núverandi eftirlaunalög
tóku gildi.
Þeir ráðherrar sem hafa verið til-
tölulega stutt í starfi lækka í eftir-
launum hvort sem er miðað við eftir-
launalögin umdeildu eða lögin sem
þau leystu af hólmi. Eftirlaun þeirra
ráðherra sem hafa verið lengi í starfi
hækka hins vegar frá lögunum sem
giltu á undan eftirlaunalögunum.
Ástæðan fyrir þessu er tvíþætt.
Ráðherrar gátu þar til fyrir tæpum
fimm árum aðeins unnið sér inn
helming ráðherralauna í eftirlaun.
Þessu var breytt í 70 prósent og því
geta eftirlaunin hækkað um 85 þús-
und krónur á mánuði. Þeir sem hafa
þegar verið ráðherrar í átta ár eða
lengur njóta því góðs af þeirri breyt-
ingu. Ráðherralaun bætast ofan á
þingfararkaup og eru í dag 430 þús-
und krónur.
Við útreikningana var miðað við
að ríkisstjórn og ráðherrar sætu út
kjörtímabilið og er það í takt við þær
yfirlýsingar formanna stjórnarflokk-
anna að ekki komi til greina að blása
til þingkosninga. Ráðherrar og þing-
menn hafa rétt á sex mánaða bið-
launum eftir að þeir láta af embætti.
Geir segir skerðinguna
verulega
Þegar Geir H. Haarde forsætisráð-
herra var spurður um það á blaða-
mannafundi á föstudag hversu
miklar lækkanir yrðu á eftirlaunum
ráðherra og þingmanna sagði hann
þetta: „Við nefnum það að það gæti
verið á bilinu 5-15 prósent, mest
hjá þeim sem náttúrlega hafa hæstu
launin. Minna hjá þeim sem eru neð-
ar. En þá erum við að tala um hóp-
inn allan sem er hjá Kjararáði og ekki
eingöngu þingmenn og ráðherra en
við viljum í raun og veru ekki líta svo
á að við getum sagt Kjararáði fyrir
verkum í þessum efnum.
Vinstri-grænir hafa lagt fram
frumvarp þess efnis að þingmenn,
ráðherrar, hæstaréttadómarar og
forsetar vinni sér inn lífeyrisréttindi
í A-deild lífeyrissjóðs starfsmanna
ríkisins. Geir var spurður út í þetta
á fundinum. Hann sagði þingmenn
og ráðherra borga meira inn í sjóð-
inn, fimm prósent á meðan aðrir
borga fjögur prósent. „Ráðherrarnir
eru þarna með meiri ávinnslu, það
hefur verið svo í áratugi að réttinda-
ávinnsla þeirra hefur verið meiri,
sjálfsagt vegna þess að menn eru
skemur í því starfi heldur en þing-
mennskunni,“ sagði Geir. En segir
skerðinguna verulega mikla, þegar
sex prósent ávinnsla sé færð niður í
fjögur prósent.
Óvissa um Davíð og Halldór
Óvíst er hvaða áhrif breytingarnar
hafa á eftirlaun fyrrverandi forsætis-
ráðherra. Þegar efni hins væntanlega
frumvarps var kynnt sagði Ingibjörg
Sólrún að sérstakt eftirlaunaákvæði
forsætisráðherra félli niður fyrir nú-
verandi, verðandi og fyrrverandi for-
sætisráðherra. Geir sagði hins vegar
að þetta væri ekki afturvirkt fyrir fyrr-
verandi forsætisráðherra. Í frétt á vef
forsætisráðuneytisins segir að sér-
stakur eftirlaunaréttur fyrrverandi
forsætisráðherra falli niður. Ekki er
ljóst af því sem þar stendur hvort það
eigi við um Davíð Oddsson og Hall-
dór Ásgrímsson eða aðeins þá for-
sætisráðherra sem starfa eftir að lög-
in taka gildi eftir mitt næsta ár og fara
síðar á eftirlaun.
Davíð beitti sér fyrir samningu eft-
irlaunalaganna umdeildu. Hann og
Halldór voru báðir forsætisráðherr-
ar eftir að þau lög tóku gildi og njóta
því í dag eftirlaunaréttar samkvæmt
þeim. Eins og þingfararkaupið er í
dag þýðir það að eftirlaun Davíðs
hækkuðu um 407 þúsund krónur á
mánuði og eftirlaun Halldórs um 270
þúsund.
mánudagur 24. nóvember 20088 Fréttir
Davíð
n 471.960 krónur
n 878.566 krónur
n 530.504 krónur
n 878.566 krónur
HallDór
n 608.660 krónur
n 878.566 krónur
n 694.758 krónur
n 878.566 krónur
geir
n 591.799 krónur
n 878.566 krónur
n 694.758 krónur
n 878.566 krónur
ingibjörg
n 291.021 krónur
n 273.542 krónur
n 244.242 krónur
jóHanna
n 291.021 krónur
n 273.542 krónur
n 244.242 krónur
björn
n 547.681 krónur
n 646.987 krónur
n 638.497 krónur
þorgerður
n 359.048 krónur
n 415.250 krónur
n 385.950 krónur
björgvin
n 270.788 krónur
n 259.548 krónur
n 230.248 krónur
eftirlaun
n göMlu lög
n eftirlaunalög
n nÝ lög
n eða nÝ lög
BrynjÓLfur ÞÓr GuðmunDsson
fréttastjóri skrifar: brynjolfur@dv.is
Breytingarnar sem Geir H. Haarde og Ingibjörg sólrún Gísladóttir boða á eftirlaunalögunum breyta því ekki
að þingmenn og ráðherrar hafa áfram mun ríflegri eftirlaunarétt en aðrir landsmenn. Ráðherrana greinir á
um sérstakan eftirlaunarétt forsætisráðherra.
Njóta áfram forréttiNda
Geir H. Haarde og Ingibjörg sólrún Gísladóttir Kynntu á föstudaginn
tillögur til breytinga á umdeildum eftirlaunalögum. miðað við tillögurnar
tekur það opinberan starfsmann sautján ár að vinna sér inn sömu eftirlaun
og ráðherra vinnur sér inn á tveimur kjörtímabilum, eða átta árum.
mynD rÓBErT rEynIsson
1 2 3 4 5 6 7 8 9 10 11 12 13 14 15 16 17 18
80
70
60
50
40
30
20
10
0
Svona Hækkar eftirlaunarétturinn
n ráðHerrar
n þingMenn
n oPinberir StarfSMenn