Dagblaðið Vísir - DV - 24.11.2008, Blaðsíða 20

mánudagur 24. nóvember 200820 Fókus
Hallgrímur Helgason er kominn
aftur til Reykjavíkur í nýjustu bók
sinni, 10 ráð til að hætta að drepa
fólk og byrja að vaska upp, borgar-
innar sem hann brá svo mögnuð-
um spegli upp að í 101 Reykjavík
um miðjan tíunda áratug síðustu
aldar. Hann fór upp í sveit og út fyr-
ir landsteinana í Höfundi Íslands,
fór alla leið út fyrir sólkerfið og nið-
ur til helvítis í Herra Alheimi, og var
svo kominn norður á Sauðárkrók í
Roklandi. En nú er sögusviðið sum-
sé aftur höfuðborg eyjunnar okkar
köldu og sviptivindasömu, en í stað
íslenskrar, drykkfelldar liðleskju er
söguhetjan króatískur, drykkfelldur
leigumorðingi.
Tomislav Bokšic, kallaður Toxic,
unir hag sínum vel sem afar metn-
aðarfullur leigumorðingi króat-
ísku mafíunnar í New York. Feril-
skráin skartar sextíu og sjö líkum
þegar ekki eru taldir með þeir tug-
ir karla, kvenna og barna sem her-
maðurinn fyrrverandi drap í Balk-
anstríðinu. En þegar Toxic drepur
mann sem hann hefði betur látið
ógert sér hann sig knúinn til að flýja
land. Fyrir „röð tilviljana“, svo hlut-
irnar séu örlítið einfaldaðir, end-
ar hann í flugvél á leið til Íslands. Í
Leifsstöð taka á móti honum hjón
sem reka kristilegu sjónvarpsstöð-
ina Amen en þau halda að Toxic sé
amerískur sjónvarpsprestur, kom-
inn til að predika á þeirra himn-
esku öldum ljósvakans. Þar sem
Toxic hafði sent þann prest á fund
almættisins fyrir aldur fram, og vill
fresta því í lengstu lög að upp kom-
ist um ódæðið, ákveður hann að
leika hlutverk guðsmannsins. Nag-
andi samviskubit sökum starfa nýj-
asta fórnarlambsins hefur líka sitt
að segja, nokkuð sem drápsvélin
króatíska á ekki að venjast.
Og þrátt fyrir að hafa lifað tím-
ana tvenna er margt af því sem
Toxic upplifir á íslenskri grundu
eitthvað sem hann á alls ekki að
venjast. Góðærisstandardinn á
fatnaði og bílaeign landsmanna
kemur Toxic sérkennilega fyrir
sjónir, allir bílar eru glænýir að sjá,
annar hver þeirra er jeppi og kon-
ur gjarnan undir stýri. Konur sem
allar líta út fyrir að vera dætur eða
eiginkonur milljónamæringa með
Prada-sólgleraugu, Barbie-hár og
Air Bag-varir. Það er líka fátt sem
undirbýr mann markvisst fyrir pre-
dikun í beinni sjónvarpsútsend-
ingu, mann sem hefur ekki lesið
neitt að ráði í Biblíunni. Ofan á felu-
leik og glímu Toxics við að aðlagast
framandi aðstæðum útlendings í
ókunnu samfélagi bætist ást, losti
og tilvistarkreppa. Þrátt fyrir létt-
leikandi andrúmsloft bókarinnar
lætur hið síðastnefnda mann leiða
hugann á stöku stað að því hversu
mikil áþján hlýtur að fylgja því að
vinna við að myrða fólk og þurfa að
leika skjöldum tveim, þremur eða
þaðan af fleirum. Vangaveltan um
tilgangsleysi og þann skaða sem
stríðsátök valda á þeim sem upplifa
þann hrylling á eigin skinni og sál
bankar ennfremur upp á við lestur
bókarinnar.
En það er fyrst og fremst gam-
an að fylgjast með ævintýrum
króatíska mafíósans á hinu nýr-
íka Íslandi, Íslandi gærdagsins, og
í hinu þversagnakennda þjóðfélagi
og absúrd borgarlandslagi Reykja-
víkur með sinn bland-í-poka arki-
tektúr. Hallgrímur er auðvitað með
fyndnari rithöfundum þjóðarinnar
og ádeiluauga hans er glöggara en
greindustu manna sem kemur hon-
um hér vel sem fyrr. En Hallgrím-
ur hefur áður verið fyndnari, hann
hefur áður verið beittari og hann
hefur áður skrifað fallegri, svalari
og safaríkari texta. Bækur hans eru
allar yfir meðallagi. Sumar langt
yfir því og hreinlega frábærar. Ef
maður vissi ekki að Hallgrímur sat
við lyklaborðið myndi þessi lesandi
án efa vera mun sáttari við þessa
prýðilegu bók. En maður hefur ein-
faldlega meiri væntingar til rithöf-
undar með þá hæfileika og ferilskrá
sem Hallgrímur státar af.
Kristján Hrafn Guðmundsson
á m á n u d e g i
góður með
morgunkaffinu
Útvarpsþátturinn Kvika er send-
ur út á Rás1 á laugardagsmorgnum
klukkan kortér yfir tíu og endurflutt-
ur á mánudagskvöldum. Þátturinn
er í umsjón Sigríðar Pétursdóttur og
er helgaður kvikmyndum. Síðastlið-
inn laugardagsmorgun hóf Sigríður
leikinn á umfjöllun um Friðrik Þór
kvikmyndagerðarmann í tilefni af
heiðursverðlaunum Eddunnar sem
honum voru veitt helgina áður. Í
stað þess að rekja feril Friðriks Þórs,
sem margoft hefur verið rakinn, las
Sigríður brot úr greininni Skrítna
Ísland eftir Huldar Breiðfjörð sem
birtist í bókinni Heimur kvikmynd-
anna. Las Sigríður upp áhugaverð-
an bút úr greininni sem fjallaði um
Börn náttúrunnar, myndina sem
færði Friðriki tilnefningu til Óskars-
verðlaunanna árið 1992.
Inn á milli umfjallana spilar Sigríður
lög tengd kvikmyndum og spilaði
meðal annars lag eftir Hilmar Örn
Hilmarsson úr Börnum nátturnar,
Billie Holiday og Marlene Dietrich.
Í tilefni af þrjátíu ára afmæli Íslenska
kvikmyndasafnsins voru sýndar tvær
hátíðarsýningar á Fjalla -Eyvindi og
eftir að hafa spilað gamla perlu úr
safni Ríkisútvarpsins frá 1950 þar
sem Ólafur Björnsson flutti erindi
um upphaf kvikmyndasýninga þuldi
Sigríður upp nokkra fróðleiksmola
um Fjalla-Eyvind. Þættinum lauk
svo á nútímalegu nótunum með
broti úr kvikmyndinni Nick and
Norah Infinite Playlist sem væntan-
leg er í kvikmyndahús landsins.
Kvika er vel unninn og góður þáttur
fyrir allt áhugafólk um kvikmyndir
og Sigríður er með einstaklega ljúfa
og góða útvarpsrödd. Þáttur í hæfi-
legri lengd sem vel er hægt að vakna
með á laugardagsmorgnum með
morgunkaffinu.
Krista Hall
toppmenn
Bandarísku sakamálaþættirnir
Law&Order hafa haldið dampi og
vinsældum í áraraðir. Plottin eru
oft ágætlega pæld og fantagóðir og
þekktir leikarar eiga það til að setja
hressilegan svip á stöku þátt. Þá eru
aðalpersónurnar flestar ákaflega
geðþekkar og lítið út á leikarana að
setja. Undanfarin ár hefur þó hinn
krumpaði Jerry Orbach verið lang-
fremstur meðal jafningja í hlutverki
hinnar lífsreyndu og alkóhólíseruðu
löggu Lennie Briscoe. Orbach tók
því miður upp á því að deyja árið
2004 og hálfpartinn átti ég nú von á
því að leiðir myndi skilja með mér
og Law&Order þegar Lennie-laus-
ir þættir færu að berast til landsins.
Hann skildi eftir sig vandfyllt skarð.
Framleiðendur þáttanna fundu þó
sem betur fer eina manninn sem
getur leyst Lennie af með sóma og
nú má ég helst ekki missa af þætti
bara til þess að sjá erkitöffarann
Dennis Farina fara á kostum viku-
lega. Í honum fannst alvöru töffari
sem stenst samanburð við Briscoe
og Law&Order er borgið í bili.
Þórarinn Þórarinsson
tilvistarkreppu
morðingi í
Margir biðu óþreyjufullir eftir
nýjasta leiknum í Bond-seríunni.
Leikurinn heitir það sama og kvik-
myndin sem kom út fyrir stuttu;
Quantum of Solace. Það sem þykir
skrítið við nafngiftina er að aðeins
lítill hluti af leiknum gerist í sjálfri
Quantum of Solace-myndinni.
Leikurinn er aðallega gerður úr
atriðum úr Casino Royal og mætti
því halda að leikurinn ætti upp-
runalega að heita það. Saga leiks-
ins er því ekki upp á marga fiska
sem ætti þó að vera hans sterkasta
hlið. Þetta er James Bond!
Leikurinn keyrir á Call of Duty
4-vélinni sem gerði ótrúlega góða
hluti í Modern Warfare-leiknum
sem kom út í fyrra og því bjuggust
menn við algjöru meistaraverki
þegar það var tilkynnt. Sumir
urðu fyrir vonbrigðum en aðrir
eru sáttir. Enginn virðist þó í skýj-
unum yfir leiknum. Þess má geta
að þetta er fyrsti Bond-leikurinn
sem kemur út á þriðju persónu-
leikjatölvur og sá fyrsti sem inni-
heldur bæði útlit og rödd Daniels
Craig.
Leikurinn er fyrstu persónu-
skotleikur sem á það til að detta í
þriðju persónu þegar Bond skýlir
sér á bak við hluti. Þá skín graf-
íkvél leiksins en Daniel Craig er
nokkuð líkur sjálfum sér í leikn-
um. Önnur grafík í leiknum, um-
hverfi og sprengingar eru viðun-
andi en þó ekkert til að hrópa:
„Váá sástu þetta springa!“
Spilunin nýtir sér snilli úr öðr-
um leikjum eins og God of War þar
sem maður verður að ýta á ákveð-
inn takka sem birtist á skjánum til
að til dæmis drepa einhvern eða
opna lás. Ef ekki er ýtt á réttan
takka þarf að byrja allt upp á nýtt.
Stærsti galli leiksins er lengdin.
Hann er einfaldlega allt of stuttur.
Á meðan leikir í dag eru í kring-
um 15 til 20 klukkutímar í spilun er
Bond aðeins 5 klukkutímar í spil-
un. Mjög mikilvægt er að tjúnna
upp erfiðleikastigið svo þú klárir
hann ekki fyrir hádegi (fyrir þá
sem spila á morgnana?)
Fjölspilunin (multiplayer) bæt-
ir þó aðeins upp fyrir stuttan leik
því netspilunin getur verið ansi
skemmtileg. Henni er skipt upp í
þrjá hluta meðal annars er hægt
að keppa í „allir á móti öllum“ þar
sem stig fást fyrir að drepa og sá
sem nær fyrst 100 stigum vinnur.
Í heildina litið er Quantum of
Solace góð tilraun sem tekst þó
ekki. Leikurinn er allt of stuttur og
þrátt fyrir skemmtilega netspilunin
endist hún ekki lengi. Aðdáendur
James Bond-leikjanna ættu ekki að
láta leikinn framhjá sér fara en fyrir
okkur hin er gott að spara pening-
inn fyrir eitthvað aðeins betra.
Atli Már Gylfason
bond í styttri kantinum
1. Guðni ÁGústsson sagði af sér þingmennsku á dögunum og fór af
landi brott. Hvert?
2. nýtt íslenskt leikrit var frumsýnt í HafnarfjarðarleikHúsinu um
helgina. Hvað heitir það?
3. Hópur rússneskra milljarðamærinGa dvaldist á Íslandi í síðustu
viku eins og dv greindi frá. Hvar gistu þeir?
1. Kanaríeyja, 2. Steinar í djúpinu, 3. 101 Hótel við Hverfisgötu
tölvuleikir
James Bond:
Quantum of solace
Tegund: Fyrstu persónu-skotleikur
Spilast á: X360-PS3
bækur
10 ráð til að
hætta að drepa fólk og ByrJa
að vaska upp

Höfundur: Hallgrímur Helgason
Útgefandi: JPv
Hallgrímur Helgason Saga
höfundarins um mafíósann og
leigumorðingjann Toxic er
skemmtileg að mati gagnrýn-
anda. en honum finnst
Hallgrímur áður hafa gert
töluvert betur.
útvarp
kvika

Rás1, Laugardagar kl.10.15
SJÓNvarp
law&order

Skjár Einn, laugardagar kl.21.50