Dagblaðið Vísir - DV - 24.10.2008, Síða 18

FÖSTUdagUr 24. OKTÓBEr 200818 Helgarblað
Kolfinna Baldvinsdóttir fer fyrir stórum hópi fólks sem ætlar að mótmæla framgöngu ráðamanna á morg-
un. Gérard Lemarquis segir að ef svipað ástand væri í Frakklandi myndu Frakkar láta í sér heyra á kröft-
ugan hátt til að sýna að þeim sé ofboðið.
„Ég er að verða ær, því þögnin er að
fara með mig í gröfina og ég get ekki
lifað við þessa þögn,“ segir Kolfinna
Baldvinsdóttir, forsprakki mótmæla
sem fara fram á laugardaginn klukk-
an fjögur. „Við fórum að skipuleggja
þverpólítísk mótmæli og rjúfa þögn
ráðamanna, það geta allir tekið þátt
hvort sem þeir eru hægri eða vinstri,“
segir Kolfinna og bendir á að allir
séu sammála um að þögnin sé orðin
ískyggileg.
„Við viljum að ráðamenn finni
fyrir því að við erum til og það renni
blóðið í okkur og göngum frá Aust-
urvelli að ráðherrabústaðnum með
kyndla og gjallarhorn.“ Kolfinna segir
að ansi stór hópur sé kominn í mót-
mælagönguna en á meðal mótmæl-
enda eru Jón Baldvin Hannibalsson,
faðir hennar og fyrrverandi utanrík-
isráðherra, Þorvaldur Gylfason, Páll
Óskar Hjálmtýsson, Daníel Ágúst og
Ómar Ragnarsson. „Miðað við það
sem við erum komin með býst ég við
tugum þúsunda, svo eru líka mót-
mæli á Akureyri, Ísafirði og Seyðis-
firði í bígerð,“ segir Kolfinna.
„Þetta verður tilraun til að sýna að
við höfum rödd og okkur sé ekki skít-
sama og framtíð okkar er í húfi, þetta
verða stór mótmæli,“ segir Kolfinna
og bendir á að hún hafi verið með
mótmæli um síðustu helgi þar sem
um tvö þúsund manns hafi mætt. „Þá
vorum við að mótmæla Davíð Odds-
syni og kröfðumst þess að hann færi
burt. Lögreglan talaði um að fimm
hundruð manns hefðu mætt þá, en
það var ekki rétt það voru um tvö
þúsund manns sem komu og vildu
Davíð burt,“ segir Kolfinna og undir-
strikar að gengið verði frá Austurvelli
klukkan fjögur á morgun og hvetur
alla til að mæta og rjúfa þögn ráða-
manna.
Gérard Lemarquis, frönskukenn-
ari við Menntaskólann í Hamra-
hlíð, segir að Frakkar myndu aldrei
mótmæla eins og Íslendingar gera.
„Svona ástand er óhugsandi í Frakk-
landi, þeir spara í stað þess að eyða
og bankarnir þar eru ekki í neinni
hættu. Frakkar myndu ráðast á tákn
auðvaldsins og ég held að þeir myndu
ráðast á Seðlabankann.“ Hann segir
að Íslendingar skammist sín fyrir að
vera Íslendingar og þori því ekki að
fara út og láta í sér heyra. „Í stað þess
að sýna reiði og mótmæla kröftugt er
eins og Íslendingar skammist sín fyr-
ir ástandið. Það eru ekki þeir sem eru
ábyrgir, heldur útrásarmennirnir,“
segir Gérard og bendir á að Alþjóða-
gjaldeyrissjóðurinn taki lítið mark á
kröfum Íslendinga. „Alþjóðagjald-
eyrissjóðurinn heldur að Íslending-
ar séu mjög passívir og þeir séu þjóð
sem hægt sé að bjóða hvað sem er, ef
fulltrúar sjóðsins hefðu á tilfinning-
unni að það væri mjög heitt í kolun-
um hér myndu þeir taka mið af því,“
segir Gérard að lokum.
Boði LoGason
blaðamaður skrifar bodi@dv.is
MÓTMÆLA ÞREYTANDI
ÞÖGN RÁÐAMANNA
„Ef fulltrúar sjóðsins
hefðu á tilfinningunni
að það væri mjög heitt
í kolunum hér myndu
þeir taka mið af því.“
Vill rjúfa þögnina Kolfinna
Baldvinsdóttir hvetur alla til
að rjúfa þögnina á
laugardaginn.