Lögmannablaðið - 01.12.2004, Page 28

28 4 / 2 0 0 4
vakti að sex dómarar sitja í hverjum dómi og
ræður atkvæði formanns ef atkvæði falla jöfn. Þá
vakti það nokkra athygli að þriðjungur hæstarétt-
ardómara eru konur.
Að lokinni fræðandi göngu um sali Hæstaréttar
var haldið til skrifstofu lögmannafélags Róm-
verja. Þar eru haldin námskeið og nefndir félags-
ins hafa þar starfsaðstöðu. Þar er einnig sérútbúið
herbergi þar sem lögmenn geta hlýtt á uppkvaðn-
ingu dóma í beinni útsendingu. Mun það vera
notað í miklum mæli. Þá eru á bókasafni þeirra
um 3.000 bækur, sú elsta frá 1850.
Á þessari skrifstofu lukum við góðu dagsverki
með fínum veitingum kollega okkar. Greinarhöf-
undur getur ekki borið þessa ferð við aðrar náms-
ferðir LMFÍ á erlenda grundu en telur engu að
síður að gestgjafar okkar hafi staðið sig vel og
gert góða ferð betri.
Það var mikil gleði á rómverska veitingastaðnum
þar sem hópurinn borðaði á fimmtudagskvöldinu.
Hér sjást þau Arnfríður Einarsdóttir, Vala
Valtýsdóttir og Benedikt Ólafsson.
Það fór vel á með rómverskum og íslenskum lög-
mönnum. Á myndinni eru Marco Valerio Santonoc-
ito, Börkur Hrafnsson, Bragi Björnsson og Sturla
Friðriksson.