Lögmannablaðið - 01.03.2015, Blaðsíða 24
24 LÖGMANNABLAÐIÐ TBL 01/15
Á LÉTTUM NÓTUM
Prúðmannlegt jólasnapsmót
í anda séra Friðriks
FÖSTUDAGINN 19. DESEMBER
2014 mættu vaskir lögmenn í Fram-
heimilið í Safamýri til að keppa á
árlegu jólasnapsmóti LMFÍ í innan-
húsknattspyrnu. Að þessu sinni kepptu
fjögur lið lögmanna en fyrsta skal telja
handhafa Jólasnapsbikarsins og ríkjandi
meistara í utanhúsknappspyrnu, lið
Opus lögmanna. Þá voru lið frá LOGOS
og Cato auk KF Þrumunnar sem hafa
manna lengst haldið út fótboltaiðkun
innan félagsins.
Lið Opus lögmanna þótti sigur-
stranglegt enda ríkjandi meistarar bæði
innanhúss sem utan. Liðið var auk þess
mannað miklum fjölda lögmanna með
Erlend Þór Gunnarsson í fararbroddi.
Hið sigursæla lið LOGOS var skipað
blöndu af ungum og reynslumiklum
leikmönnum. Cato lögmenn þóttu
heldur ekki árennilegir enda liðið
skipað mörgum ungum og efnilegum
leikmönnum. Restina rak svo lið
Þrumunnar en menn höfðu á orði að
mittismál leikmanna hennar hefði aukist
töluvert og ljóst var að meðalaldur var
að nálgast sex tugi.
Dómarar mótsins fylgdu því eftir að
leikmenn færu að settum reglum og var
eftir því tekið hversu leikmenn léku
prúðmannlega. Þá var háttvísi leikmanna
slík að halda mátti að andi séra Friðriks
hafi verið mættur í Framheimilið.
Lið LOGOS og Cato lögmanna
byrjuðu vel meðan lið ríkjandi meistara
Opus lögmanna og lið KF Þrumunnar
hikstuðu í byrjun. Leiknar voru tvær
umferðir og að lokinni fyrri umferð var
ljóst að lið Cato lögmanna ætlaði að selja
sig dýrt. Og það gekk eftir. Liðið herti
tökin og rúllaði að lokum upp mótinu
með sannfærandi hætti. Lið LOGOS
gaf eftir á lokametrunum og hleypti
fram úr sér síungu liði KF Þrumunnar.
Óvænt rak lið Opus lögmanna lestina.
Jólasnapsmeistarar urðu Cato lögmenn. Efr
i röð f. v. : Jóhannes Árnason, Andri
Óttarsson, Hallmundur Albertsson og Arnar I
ngi Ingvarsson. Neðri röð f.v.: Ívar Þór
Jóhannsson, Eyvindur Sólnes og Sverrir B. Pá
lmason.