Fréttablaðið - 17.11.2014, Blaðsíða 13

MÁNUDAGUR 17. nóvember 2014 | SKOÐUN | 13
Kynntar verða hugmyndir um að breyta húsnæðinu
að Furugrund 3 og Þverbrekku 8 úr verslunar- og
þjónustuhúsnæði í íbúðir (að hluta). Þá verða kynntar í
samræmi við 1. mgr. 30. gr. skipulagslaga nr. 123/2010
skipulagslýsingar að breytingu á Aðalskipulagi
Kópavogs 2012-2024 fyrir framangreindar lóðir.
Skipulagslýsing er undanfari að gerð tillögu að
breytingu á aðalskipulaginu.
Athugasemdir og ábendingar við
skipulagslýsingarnar skulu hafa borist skriflega
skipulags- og byggingardeild Umhverfissviðs,
Fannborg 6, 200 Kópavogi eða á tölvupóstfangið
skipulag@kopavogur.is fyrir kl. 15:00 miðvikudaginn
18. desember 2014.
Kynningargögn og skipulagslýsingarnar eru
aðgengilegar á heimasíðu bæjarins: www.kopavogur.
KYNNINGARFUNDUR Í SNÆLANDSSKÓLA
kopavogur.is
Boðað er til kynningarfundar miðvikudaginn 19. nóvember kl. 17:00 í samkomusal Snælandsskóla
Skipulags- og byggingardeild Umhverfissviðs

Auglýsing um tillögu að breytingu á Svæðis-
skipulagi Miðhálendis Íslands 2015, virkjanir á
veituleið Blönduvirkjunar
Skipulagsstofnun auglýsir hér með tillögu að breytingu á Svæðisskipu-
lagi Miðhálendis Íslands 2015, ásamt umhverfisskýrslu, vegna fyrir-
hugaðra virkjana á veituleið Blönduvirkjunar samkvæmt 4. tl. bráða-
birgðaákvæða skipulagslaga nr. 123/2010 og lögum um umhverfismat
áætlana nr. 105/2006. Breytingartillagan er unnin að ósk Húnavatns-
hrepps.
Breytingin tekur aðeins til fyrirhugaðra framkvæmda á veituleið Blöndu-
virkjunar sem áhrif hafa á efni og/eða framsetningu gildandi svæðis-
skipulags. Um er að ræða stöðvarhús Kolkuvirkjunar ásamt að- og
frárennslisskurðum og stöðvarhús Friðmundarvirkjunar ásamt stíflu, lóni
og veituskurðum milli Smalatjarnar og Austara-Friðmundarvatns auk
vega að virkjununum. Að mati Skipulagsstofnunar samræmist
breytingartillagan meginstefnu svæðisskipulagsins en kallar á breytingu
á ákvæðum á skipulagsuppdrætti og í kafla 6.3 og 6.4 í greinargerð.
Breytingartillagan og umhverfisskýrsla verða til sýnis hjá Skipulags-
stofnun að Laugavegi 166 í Reykjavík og á skrifstofu Húnavatnshrepps
á Húnavöllum frá og með mánudeginum 17. nóvember 2014 til og með
þriðjudagsins 30. desember 2014 á skrifstofutíma. Jafnframt verða
gögnin aðgengileg á eftirfarandi vefsíðum: www.skipulagsstofnun.is
og www.hunavatnshreppur.is.
Þeim sem telja sig eiga hagsmuna að gæta er hér með gefinn kostur á
að gera athugasemdir við breytingartillöguna til þriðjudagsins 30.
desember 2014. Athugasemdir skal senda til Skipulagsstofnunar,
Laugavegi 166, 150 Reykjavík eða á netfangið
skipulagsstofnun@skipulagsstofnun.is.
Það er margt sem ég fæ
ekki skilið. Ég fæ til dæmis
ekki skilið af hverju það
ætti að rýra kröfu lækna
um leiðréttingu launa að
þeir eigi svo gott með að
vinna meira. Enda gjald-
fellir slíkt sjónar mið alla
kjarabaráttu allra stétta.
„Finnst þér laun þín of lág?
Fáðu þér bara aukavinnu!“
En barátta lækna snýst ekki
um það sem ég fæ skilið eða
ekki skilið – heldur um það
sem mér finnst Íslendingar eiga
skilið.
Við eigum skilið að hafa okkar
persónulega heimilislækni og
þurfa ekki að bíða í fleiri,
fleiri vikur eftir að hitta
hann.
Við eigum skilið að
skattpeningar okkar nýt-
ist í byggingu og rekstur
nýs Landspítala en ekki
í að greiða hverri nefnd-
inni á fætur annarri.
Við eigum skilið að
geta treyst því að lækn-
irinn okkar sé ekki
örþreyttur eftir óhóflega
vinnu.
Við eigum skilið heilbrigðiskerfi
sem við erum stolt af.
Í mínum huga er málið einfalt.
Við eigum skilið heilbrigðiskerfi
sem ljúft er að leita til og gott er að
vinna í. Ég held að allir séu sam-
mála um það. Það sem ég fæ þó
ekki skilið er að stjórnmálamenn
komist upp með slíkt tómlæti
þegar heilbrigðiskerfinu blæðir út
eða virðast beinlínis hunsa aðvör-
unarorðin meðvitað.
Því mér þykir of vænt um heil-
brigðiskerfið til að láta stjórn-
málamennina brjóta það niður.
Slíkt eigum við sannarlega ekki
skilið!
Skilið …
Þegar Búsáhaldabyltingin stóð sem
hæst fannst mörgum sem þátttak-
endur í henni sýndu alþingi óvirð-
ingu. Þarna stóð fólkið og framdi
háreysti, reyndi að ná eyrum þing-
manna sem vildu fá að vera í friði
við að ræða hugðarefni sín, vín-
sölu í verslunum – linnti ekki látum
fyrr en boðað hafði verið til kosn-
inga á ný og helstu hrunkvöðlum
komið frá … Sem gekk nú svona og
svona. Og fór nú eins og það fór.
Fólkið þarna fyrir utan var
með öðrum orðum að reyna að fá
þingmenn til þess að ræða það að
efnahags- og bankakerfi landsins
hafði hrunið vegna gáleysislegs
framferðis eigenda bankanna. Því
fannst – með réttu eða röngu – að
þingmenn sinntu ekki vinnu sinni
með því að vilja ræða það. Það
taldi sig eiga kröfu á því: og þarna
mætti það fólkið með pott og sleif
og takt – og þrá eftir virðingar-
verðu alþingi.
Dixi
Um daginn sýndi forsætisráðherra
landsins alþingi Íslendinga meiri
vanvirðingu en því var nokkru
sinni sýnt í gjörvallri búsáhalda-
byltingunni. Það gerði hann með
framgöngu sinni – eða öllu heldur
útgöngu – við umræður um stærsta
mál hans, svonefnda skuldaleið-
réttingu – þar sem hann hafði
sjálfur framsögu, og hafði lýst því
hversu mjög hann hefði hlakkað til
þessa mikla gleðidags, þegar málið
kæmi loks til kasta þingsins. Hann
yfirgaf þingsalinn þegar hann
sjálfur hafði talað, gekk út: dixi
(eins og Sesar sagði: ég hef talað).
Sú skýring var seinna gefin á fjar-
veru ráðherrans að hann hefði
þurft að fara á fund hjá ASÍ, en sá
fundur hófst ekki fyrr en klukkan
17.00. Hann yfirgaf alþingi hins
vegar klukkan 16.00.
Á daginn kom að hann hafði
bara hlakkað til að heyra sjálfan
sig tala. Að öðru leyti hafði hann
ekki áhuga á að ræða það. Hann
gat ekki afborið að þurfa að sitja
í klukkutíma og hlýða á fulltrúa
andstæðra sjónarmiða ræða það,
rétt eins og honum er um megn að
ræða við aðra sjónvarpsmenn en
þá sem fara með fyrirfram sam-
þykktar spurningar. Með útgöngu
sinni ýtti hann undir það sjón-
armið að umræður á alþingi séu
málamyndagjörningur, formið
eitt, bara kjaftæði, og fyrir neðan
virðingu alvöru-ráðamanns að
sitja undir slíku. Með fjarvistum
sínum gróf hann frekar undan
virðingu alþingis en fólkið í búsá-
haldabyltingunni: Það var að reyna
að fá þingmenn til að sinna vinnu
sinni; hann gaf til kynna að vinna
þingmanna væri þarflaus. Þeir
væru ekki til annars nýtir en að
ræða vínsölu í verslunum.
Ekki það: hann hefur umboð
þjóðarinnar, svona eins og flokk-
ur með tuttugu og eitthvað pró-
senta fylgi hefur, og enn minna
samkvæmt könnunum, og vinstri
menn hver í sinni sérfylkingu.
Svona virkar þingræðið: þing-
meirihluti ræður og ráðherrar sem
njóta trausts þingmeirihluta hafa
umboð til þess að taka ákvarðanir
um mikilsverð málefni.
Úr einu víginu í annað
Og nú höfum við fengið ómetan-
lega innsýn í starfshætti og sið-
ferði á þeim stöðum þar sem
teknar eru ákvarðanir um mikils-
verð málefni. Gísli Freyr Valdórs-
son mætti í Kastljós og játaði loks
að hafa sent frægt minnisblað úr
innan ríkisráðuneytinu með við-
bótum frá – tja – hverjum? Það
kom ekki fram. Gísli kom vel og
drengilega fyrir í viðtalinu en
sagði þó ekki allan sannleikann,
frekar en fyrri daginn: hann neit-
aði því að upplýsingar frá sak-
sóknara hefðu orðið til þess að
hann ákvað að létta á hjarta sínu,
en sagði að samviskubitið hefði
um síðir orðið sér um megn. Sú
saga entist hálfan sólarhring. Dag-
inn eftir kom í ljós í Fréttablaðinu
(sem staðið hefur sig vel í þessu
máli með nýjum ritstjórum) að
lögmaður Gísla hefði fengið upp-
lýsingar um óyggjandi sannanir
fyrir sekt hans og þar með væri
leikurinn tapaður. Gísli gafst sem
sé ekki upp fyrr en í fulla hnef-
ana. Við höfum horft á hann – og
yfirmann hans – hrekjast úr einu
víginu í annað, en aldrei gefist
upp, aldrei gefið upp annað en það
sem blasti við, neita, neita, neita,
aldrei, aldrei, aldrei segja satt.
Og úr því að Gísli sagði ekki satt
í játningu sinni, hví skyldum við
þá trúa honum þegar hann lætur
sem hann hafi einn staðið í þessu
stímabraki öllu?
Ekki það: hún hefur umboð.
Hanna Birna hefur þingmeiri-
hluta á bak við sig. Forsætis-
ráðherrann talar um hana sem
„fórnar lamb í málinu“ sem hlýtur
að vera Íslandsmet í óskammfeilni
án atrennu. Nema Hanna Birna
sjálf eigi metið þegar hún sagði
að komandi álit umboðsmanns
alþingis um hana skipti engu
máli – jájá, örugglega einhverjar
athugasemdir og við þurfum öll að
læra af þessu. En afsögn? Ekki að
ræða það.
En annað vildi hún ræða við
útvalda menn. Sjálfur innan-
ríkisráðherra, yfirmaður dóms-
mála í landinu, hafði þráfaldlega
samband við lögreglustjórann í
Reykjavík til þess að ræða við
hann um lögreglurannsókn á
ráðuneyti sínu sem nú hefur leitt
til þess að játning liggur fyrir,
reyndar vegna gagna í tölvu sem
hún gerði alveg sérstakar athuga-
semdir við að gerð væri upptæk.
Á lagamáli heitir þetta að reyna
að hindra framgang réttvís innar.
Í þingræðisríki er það tilefni
afsagnar. Annað þarf naumast að
ræða.
Ekki að ræða það
Í DAG
Guðmundur Andri
Thorsson
rithöfundur
HEILBRIGÐISMÁL
Eyjólfur
Þorkelsson
verðandi heimilis-
læknir
➜ Á lagamáli heitir þetta
að reyna að hindra fram-
gang réttvísinnar.
➜ Við eigum skilið heil-
brigðiskerfi sem við erum
stolt af.
AF NETINU
Tónlistarskólinn
Sá sem sættir sig
við það að börn alist
upp án tónlistar
hefur ekki hugmynd
um hvað raunveru-
lega felst í hugtakinu
„menntun“. Tónlistarkennarar róa
lífróður þessa dagana vegna þess
að virði þeirra er einskis metið.
Það er einskis metið vegna þess
að þótt tónlist sé öllu hugsandi
fólki grunnþörf– þá telst hún ekki
í lagaflækjuumhverfi sveitar-
stjórna grunnþjónusta.
Ef stjórnmálamenn vakna
ekki og reka af sér slyðruorðið
og hætta sér til að skríða undan
borðunum og konfrontera excel-
skrílinn sem heldur skólakerfinu
í gíslingu fer að verða full ástæða
til að auka við mótmælin á
landinu og færa þau nær ráð-
húsunum.
http://blog.pressan.is/ragnarthor
Ragnar Þór Pétursson
Liggurðu á skoðunum
þínum? Það er algjör
óþarfi . Sendu greinina
þína á greinar@visir.is
og við komum henni á
framfæri hið snarasta.