Gerðir kirkjuþings - 1993, Síða 99

FJÖLSKYLDUÞJÓNUSTA KIRKJUNNAR
Laugavegi 13,101 Reykjavik s. 62 36 00
ÁRSSKÝRSLA TIL HÉRAÐSFUNDA OG KIRKJURÁÐS 1993.
Líknarbiónusta.
Fjölskylduþjónusta kirkjunnar hefur nú formlega starfað á annað ár og enda þótt
það sé skammur tími verður að telja að hún hafi fest rætur í kirkjulífi þjóðarinnar og
eigi eftir að þjóna fjölskyldum um ókomin ár. Það sést best á viðtökunum og þeirri
augljósu þörf sem hún mætir. Nú þegar þetta er ritað í byrjun haustmánaða 1993
hafa frá áramótum 200 fjölskyldur verið skráðar niður hjá okkur og er það töluverð
aukning frá því í fyrra er fjölskyldur alls þess árs voru um 250. Fleiri hafa haft
samband og ekki verið skráðar. Þá hafa heldur ekki allar skráðar fjölskyldur komið
til viðtala hjá okkur af ýmsum ástæðum. í byrjun september biðu um 20 fjölskyldur
eftir að komast að og er biðtíminn um fjórar til sex vikur eftir fyrsta viðtali en það
gerist oft eftir sumarleyfi, yfirleitt er biðtíminn styttri.
Eins og í fyrra höfðu flestar fjölskyldur samband við okkur beint, þ.e. án beinnar
milligöngu annarra, en æ fleiri koma með tilvísun frá sóknarprestum. Aðrir
tilvísunaraðilar eru félagsmálastofnanir sveitarfélganna sem ekki getað annað þess
háttar viðtölum og einnig ber á því að stofnanir eða einstaklingar sem stunda
fjölskylduráðgjöf vísi til okkar af sömu ástæðum, en einnig vegna gjalds okkar sem
er kr. 1000 að jafnaði fyrir viðtal, sem er lægra en hjá öðrum. í vaxandi atvinnuleysi
hefur borið á því í að fjölskyldur óski eftir að gjaldið falli niður. Af þeim 395 viðtölum
er fram fóru frá áramótum til 1. sep. voru 47 án gjaldtöku eða u.þ.b. eitt af hverjum
níu. Viðtalsdagar voru alls 145 eða um þrjú viðtöl á dag.
All nokkuð er að viðtölum sé frestað á síðustu stundu, falla niður vegna veikinda,
eða fólkið mætir ekki og lætur ekki vita. Þannig var um 135 viðtal þessa átta fyrstu
mánuði ársins 1993. En hvort það er mikið eða lítið er erfitt að meta. Ein skýringin
gæti verið sú að gjaldið er það lítið eða ekkert að fólki finnist það ekki eins mikið
mál þótt það mæti ekki. Hins vegar finnst okkur það sjálfsagt og gleðilegt að
tilkynna þeim sem nefna hversu ódýr þjónusta okkar er á það að kirkjurnar greiða
kostnaðinn niður ef svo má segja. Efalítið gera margir sér ekki grein fyrir þesssu og
reikna með að þetta sé þjónusta sem hið opinbera greiði alfarið, en eins og
kunngut er kemur um 25% rekstrarins frá Dóms- og kirkjumálaráðuneytinu í formi
launagreiðslna.
Bættur fjárhagur sókna og kirkjusjóða gerði það að verkum að þessi þjónusta fór af
stað og það er gleðilegt að geta bent á hana þegar svo áberandi er hversu stór
hluti fjárins hjá söfnuðum fer í að reisa kirkjur og safnaðarheimili. Mér finnst
peningunum til FÞK vel varið og fyrr en varir kemur fram í hugann sagan um
miskunnsama samverjann. Þar var hlynnt að hinum særða og ekki til sparað þótt
eitthvert fé yrði að láta af hendi rakna allt í þágu líknar og miskunnar.
Fjölskylduþjónusta kirkjunnar vill vera slíkt gistihús þeirra sem þurfa aðhlynningar
við og aðstoðar í oft hörðum heimi. Kirkjan er að störfum á báðum stöðum bæði
sem sá sem ber hinn særða á örmum sér og eins sá er veitir honum skjól. Gistihús
er til lítils ef enginn kemur og særðir koma tæplega nema þeir séu studdir og
5.10.1993
94
A