Gerðir kirkjuþings - 1993, Side 188

15
IV. Nýting jarðarinnar.
Land Skálholtsjarðar mun vera rúmir 1.300 ha, mest allt grasi vaxið og gott land. Búskap-
ur hefur verið rekinn með miklum myndarbrag í Skálholti undanfama áratugi. Fyrir nokkr-
um árum var þó sauðfjárbúskap hætt. Hins vegar hefur kúabúskapur haldist og jafnframt
hefur bóndinn haldið nokkur hross. Á fardögum 1993 urðu ábúendaskipti á staðnum. Með
tilliti til þess fjölþætta hlutverks sem Skálholtsstað er ætlað samkvæmt tillögum nefndar-
innar verður að hafa fleiri atriði í huga en landbúnað þegar fjallað er um nýtingu jarðar-
innar, svo sem meginhlutverk staðarins, land undir frekari byggingar á staðnum, fer^a-
mannaþjónustu o.fl.
Nefndin telur að eftirtaldir kostir geti komið til álita við nýtingu jarðarinnar:
Skógrækt.
Nefndin leggur til að allt að 300 ha af landi Skálholtsjarðar verði teknir til nytjaskógrækt-
ar og leitað verði í þeim efnum faglegrar ráðgjafar Skógræktar ríkisins. Lagt er til að
gerður verði samningur við Skógræktina um ræktun nytjaskógar skv. IY. kafla laga nr.
3/1955, um skógrækt, sbr. lög nr. 76/1984, um breytingu á þeim lögum. Skálholtsjörð er
vel fallin til skógræktar og má ætla að þar geti vaxið upp nytjaskógur er stundir líða.
Vísir að slíkri nytjaskógrækt hófst í Skálholti 1992 fyrir atbeina Björns Erlendssonar bónda
að höfðu samráði við Skálhoitsnefnd og að fenginni ráðgjöf skógfræðings.
Nefndin leggur áherslu á að hið fyrsta verði gengið frá öllum formsatriðum og aflað nauð-
synlegra heimilda til ræktunar nytjaskógar í Skálholti og settar reglur um meðferð hans
og umhirðu. Jafnframt telur nefndin að í framtíðinni mætti ráða sérstakan starfsmann eða
skógarbónda til að annast umhirðu og ræktun nytjaskógar í Skálholti og hafa einnig með
höndum aðra umhirðu jarðarinnar sem ekki fellur undir ábúð og nytjar Skálholtsbónda eða
þeirra sem hafa tómstundabúskap með höndum.
Búfjárhald.
Ogerlegt er að segja til um þróun þeirra mála í framtíðinni. Haldi samdráttur í landbún-
aði áfram kann að orka tvímælis að búíjárhald verði í Skálholti með þeim hætti sem ver-
ið hefur. Hins vegar þarf að tryggja að hin miklu og góðu tún jarðarinnar verði nýtt og
mannvirkjum haldið við. Ekki verði ráðstafað til þessa hefðbundna búskapar meira land-
rými en sannanlega er þörf fyrir. Eðlilegt er að fastir starfsmenn staðarins á hverjum tíma
fái eitthvert landrými til nota vegna tómstundabúskapar. Þróun í öðrum greinum búskap-
ar verður að taka mið af almennri þróun í þeim efnum á næstu árum og áhugasviða bónd-
ans á staðnum.
183