Akureyri - 16.07.2015, Qupperneq 6

6 5. árgangur 27. tölublað 16. júlí 2015
VILTU SEGJA SKOÐUN ÞÍNA?
Akureyri vikublað óskar eftir að komast í samband við bæjarbúa sem
sjaldan eða aldrei hafa veitt viðtöl en væru til í að segja skoðun sína í
blaðinu eða veita stutt viðtöl. Vinsamlegast sendið okkur tölvu-
póst á bjornthorlaksson@gmail.com eða hringið í síma 862 0856.
LOF OG LAST VIKUNNAR
LOF fá þeir sem héldu utan um N1-
mótið um á dögunum, skrifar kona sem
sendi blaðinu bréf með þökkum fyrir
„frábærar móttökur“ á Akureyri, þar
sem hún var gestkomandi með fjölskyldu
vegna íþróttaviðburða. „Það er meira en
að segja það að láta allt ganga smurt fyrir
sig – og einkum framan af þegar rigndi og
var kalt. Skipuleggjendur fá 10 frá mér og
mínum,“ skrifar konan...
„Mig langar aðeins að deila upplifun
minni af veitingahúsinu Bautanum og
LASTA hann,“ segir í bréfi frá til
blaðsins frá konu. „Lenti semsagt í því um
daginn að ég var ekki sátt eftir að hafa
fundið hár í eftirrétti á Bautanum. Eftir
að hafa bent á þetta er sagt hratt við mig
að ég fái nýjan nema hvað þær koma
svona mínútu seinna með líklega sama
eftirréttinn (vel bráðinn ísinn) nema bara
öðruvísi skreyttan. Ekki var þetta nú skárra
því að ísinn var svo gamall sem ég fékk.
Þegar ég benti á þetta við þjónustufólkið
þegar ég ætlaði að borga máltíðina þá
varð þjónustukonan mjög dónaleg við mig
og ásakaði mig um lygar. Ég þurfti að
greiða fullt verð fyrir eftirréttinn! Alls ekki
sátt með þetta, það kostar ekkert að vera
kurteis,“ skrifar konan...
„LAST fá starfsmenn Þjóðskrár Akureyr-
ar og starfsmenn skrifstofu Sýslumanns á
Akureyri fyrir að meina móður með þriggja
ára gamalt barn um salernisaðstöðu fyrir
barnið,“ segir í bréf til blaðsins frá konu.
„Eftir að hafa verið send milli hæða var ég
beðin að fara annað. Skýringarnar voru þær
að ,,svona væri þetta bara” og að salernis-
aðstaða væri inni við kaffiaðstöðu starfs-
manna. Eru ekki lög í landinu sem segja
að í opinberum stofnunum og verslunum
eigi að vera salernisaðstaða fyrir almenn-
ing?“ Spyr konan. Bætir svo við: LOF fá
starfsmenn Kristjánsbakarís fyrir að hleypa
þessari sömu móður hikstalaust á salerni
með barnið áður en piss kom í brók!“
LOF fá Norðlendingar fyrir langlundar-
geð og að taka því með stillingu þótt ekki
stefni í að sumarið 2015 verði í hópi þeirra
veðursælustu, segir karl á Eyrinni. Hann
bendir á að þegar veðrið leiki ekki við
borgarbúa „væli þeir og skæli“ í hverjum
einasta sjónvarpsfréttatíma eins og karlinn
orðar það...
AKUREYRI VIKUBLAÐ 27. TÖLUBLAÐ, 5. ÁRGANGUR 2015
ÚTGEFANDI Fótspor ehf. ÁBYRGÐARMAÐUR Ámundi Ámundason 824 2466, amundi @ fotspor.is.
FRAMKVÆMDASTJÓRI Ámundi Steinar Ámundason, as @ fotspor.is.
AUGLÝSINGASTJÓRI Ámundi Steinar Ámundason, as @ fotspor.is. 578-1193.
RITSTJÓRI Björn Þorláksson, bjornthorlaksson@gmail.com, 862 0856 MYNDIR Björn Þorláksson, Völundur Jónsson og fleiri.
UMBROT Völundur Jónsson PRENTUN Ísafoldarprentsmiðja - Svansmerkt prentun. DREIFING
14.500 EINTÖK ÓKEYPIS – UM ALLT NORÐURLAND
Getum við lært af
Korsíkubúum?
Á Korsíku er rekin umfangsmikil ferðaþjónusta en aðallega hluta ársins. Heimamenn líta á túrisma
sem bögg og mein og hafa sjálfstæði sitt í huga, að fórna
ekki eigin lífsgæðum í þágu þjónustu við ferðamenn.
Íbúar á Korsíku njóta þess tíma best þegar fáir eða
engir ferðamenn eru á ferli. Þeir líta á háönnina sem
vertíð, fórnarkostnað þess að afla nægra tekna til að
geta lifað sæmilegu lífi á ársgrunni. Fæstum þar í eynni
dettur í hug að veðsetja eigin innviði með hagsmuni
erlendra gesta í huga, sem e.t.v. hafa þann eina áhuga
að koma til eyjunnar, taka myndir og hverfa svo aftur
á brott.
Ólíkt höfumst við að. Á Íslandi stefnir nú sumpart
í að einkaaðilar hyggist leggja til að græða sem mest
fá af ferðamönnum á sem skemmtum tíma. Allt er lagt
undir nema ríkisféð sem þyrfti að leggja fram til að
styrkja þá innviði sem þarf að styrkja og varða vernd
náttúru og sómasamlega þjónustu og upplýsingagjöf,
svo sem salernisaðstöðu, víða um land, merkta göngu-
stíga sem verja landið, leiðbeina fólki, bæta umgengni.
Varla er til sú sveitarstjórn þessa dagana sem ekki
fær vikulega erindi inn á borð til sín um ný mannvirki
sem eiga að þjóna ferðamönnum. Í Reykjavík hefur
risið deila um hvort fornfræg hús eigi að víkja fyrir
ferðamannabúðum, hótelum, fleiri veitingahúsum og
öðru ámóta. Þá er ekki minnst á þá skerðingu sem
stóraukinn ferðamannastraumur hefur í för með sér
fyrir daglegt líf okkar íbúanna sem sitjum uppi með
sjálf okkur og landið, getum ekkert flúið.
Sumpart felast mikil verðmæti í fámenni á Íslandi,
við erum eitt örfárra byggilegra landa í heiminum sem
ekki er sligað af of miklum mannfjölda. Eða þannig
var það fyrir ferðamannabombuna. Nú eru tímarnir
að breytast. Við horfum ekki til þess að ferðamanna-
straumur sé tímabundinn fórnarkostnaður á bak við
lífsgæði sem duga allt árið – líkt og þeir á Korsíku
gera – heldur virðist nú draumur margra að veðsetja
mestallt landið erlendum gestum allt árið um kring.
Íbúar til sjávar og sveita, sem áður vörðu friðsælum
sumarkvöldum við garðyrkju og dund úti við, eru nú
uppteknir við að svara spurningum vegfarenda sem
teygja sig æ lengra inn í íbúðabyggðir á ferðum um
landið. Hluti miðbæjarins í Reykjavík er þannig að
varla sjást aðrir á ferli en erlendir ferðamenn. Þeir hafa
verið meira en velkomnir hingað til en að einblína á
fjölda þeirra og vilja helst tvöfalda hann frá ári til árs,
mun koma niður á lífsgæðum okkar heimamannanna,
þótt sumir fái silfur í vasann í staðinn.
Ef til vill gætum við margt lært af íbúum Korsíku.
Erum við til í að fórna kyrrðinni, auðlegðinni sem felst
í að hafa allt ómanngerða plássið i kringum okkur,
erum við til í að fórna því sem einmitt á mestan þátt
í að laða fólk hingað til landsins?
Björn Þorláksson
Umbótum á bráðamóttöku að ljúka
Loks sér fyrir endann á einu stærsta
umbreytingarverkefni í húsnæði
Sjúkrahússins á Akureyri en það er
endurbygging bráðamóttökunnar sem
lýkur nú í vikunni. Þetta kemur fram
hjá Bjarna Jónassyni, forstjóra spítal-
ans. „Markmiðið með breytingunum er
að koma til móts við þá miklu fjölgun
sem orðið hefur í komum á móttökuna
auk þess að bæta vinnuaðstöðu, öryggi
sjúklinga og starfsmanna,“ segir Bjarni.
Fyrri hluta ársins voru komur um
8.100 en á sama tímabili árið 2010
voru þær um 6.300 sem er um 30%
aukning á fimm árum. Endurbætt
húsnæði gerir einnig kleift að koma
á breyttu verklagi. „Móttaka sjúk-
linga sem koma á bráðamóttöku og í
myndgreiningu verður sameinuð og
sjúklingar á bráðamóttöku fara allir
í gegnum forgangsflokkun sem felst
í því að meta sjúklinga á fljótan og
kerfisbundinn hátt. Þannig er betur
hægt að stjórna starfseminni og koma
í veg fyrir langan biðtíma. Ennfremur
er verið að skoða með hvaða hætti er
best að bæta frekar þjónustu lækna
við bráðamóttökuna. Eins og frekast
hefur verið unnt var framkvæmdum
hagað þannig að óþægindi væru í lág-
marki. Þrátt fyrir það hefur allt þetta
breytingarferli reynt á þolrifin. Með
útsjónarsemi, jákvæðni og þrautsegju
hefur þjónusta við sjúklinga gengið
án mikillar röskunar. Það gerist ekki
nema með frábæru starfsfólki,“ segir
Bjarni.
MFS: Hrun í gerviliðaaðgerðum
Í pistli sem bjarni ritar á heimasíðu
spítalans segir að starfsemistölur jan-
úar til júní beri mikil merki verkfalla
heilbrigðisstétta á tímabilinu. Almenn-
um rannsóknum fækkaði um 17,4%,
komum vegna áhættumeðgöngu fækk-
aði um 24%. Skurðaðgerðir eru 11,3%
færri en fyrstu sex mánuði í fyrra, þar
af fækkaði bæklunaraðgerðum um
17,4% og gerviliðaaðgerðum um 46,6%.
Þá fækkaði legudögum legudeilda um
5,2%, þrátt fyrir um 10% fjölgun legu-
daga á lyflækningadeild. Í allt voru
1,5% fleiri sjúklingar á legudeildum.
Komum á dagdeildir fækkaði lítillega
eða um 1,0% og fæðingar eru 1% fleiri
en á sama tímabili í fyrra.
„Nú er sumarleyfistímabilið að ná
hámarki. Það hefur eins og áður ver-
ið mikið að gera og álag á deildum oft
á tíðum mjög mikið og þá reynt á. Við
höfum notið góðs af því góða fólki sem
hefur komið inn í sumarafleysingar
og unnið gott starf með góðum stuðn-
ingi frá reyndari starfsmönnum,“ segir
Bjarni. a
Nýju landi lýst. Anton Freyr Birgisson leiðsögumaður ræðir við Harrison Schmitt, sem markaði nýjustu spor mannkyns á yfirborð tunglsins.
Myndin er tekin í Holuhrauni en geimfarinn ræddi meðal annars mikilvægi íslandsdvalarinnar forðum þegar undirbúningur fyrir tunglferðir
stóð sem hæst. Helga Kvam