Vestfirska fréttablaðið - 23.02.1984, Blaðsíða 4
vestlirslM
4
isafjarðarkanpstaðor
Bæjarsjóður ísafjarðar
óskar eftir umsjónarmanni í hlutastarf við fé-
lagsmiðstöð unglinga.
Upplýsingar gefur íþrótta- og æskulýðsfull-
trúi á bæjarskrifstofunum í síma 3722.
Leikskólinn við Hlíðarveg
Fólk vantar í afleysingar fyrir og eftir hádegi.
Jafnframt vantar starfsmann frá kl. 15:00 —
17:00.
Upplýsingar í síma 3185.
BÆJA RS TJÓRINN
Til sölu
Fasteignin Bakkavegur 14, Hnífsdal. Grunn-
flötur 210 ferm. og 25 ferm. bjlskúr.
Tilboð óskast og sendist til Halldórs Guð-
mundssonar, Torfnesi, ísafirði, en hann gef-
ur nánari upplýsingar.
Áskilinn er réttur til að þess að taka hvaða til-
boði sem er, eða hafna öllum.
Myndlistarsýning
á hótelinu
Á morgun, föstudag, verður opnuð myndlist-
arsýning á Hótel ísafjörður.
Á sýningunni eru verk íslenskra listamanna
og eru þau til sölu.
Allar upplýsingar veitir Guðrún Halldórsdóttir
á skrifstofu Vestfirska fréttablaðsins í síma
4011, eða heima í síma 3100.
Helgarmatseðill
á hótelinu
FÖSTUDAGUR LAUGARDAGUR
24. FEBRÚAR 25. FEBRÚAR
Rækjukokteill
o
London lamb
eða
Nautabuffsteik
o
ís með heitri
appelsínusósu
Gratineruð
frönsk lauksúpa
o
Blandað kjöt á teini
með kryddhrísgrjónum
eða
Ávaxtafyllt aligæs
með appelsínusósu,
blómkáli og
gljáðum gulrótum
o
Perur „Bella Helena“
HÓTEL ÍSAFJÖRÐUR
Sími 4111
FRETTABLADIÐ
Póllinn hf. á ísafirði:
Fékk heiðursverðlaun úr
Yerðlaunasjóði iðnaðarins
— hefur framleitt um 500 tölvuvogir
Fyrir nokkru fékk Póllinn h.f.
á isafirði heiðursverðlaun úr
Verðlaunasjóði iðnaðarins.
Verðlaunin voru veitt fyrir upp-
finningar og framfarir á sviði
örtölvutækni, sem hagnýttar
hafa verið í þágu atvinnulífs
landsmanna. Tilgangur verð-
verðiaunasjóðsins er að örva
til dáða á sviði iðnaðarmála og
jafnframt að vekja athygli á
þeim afrekum, sem unnin hafa
verið og unnin verða á því
sviði. Sjóðurinn var stofnaður
1976 og er þetta í fyrsta skipti
sem fyrirtæki fær viðurkenn-
ingu, áður hafa verðlaunahafar
alltaf verið einstakiingar. Verð-
launin námu 100 þús. kr.
Öllum ber saman um að Póll-
inn sé vel að þessum verðlaunum
kominn. enda hefur hann verið
frumkvöðull í hönnun á ýmsum
rafeindabúnaði fyrir frystiiðnað-
inn.
UMHVERFISÞEKKINGIN
KOMSÉR VEL
Hlutafélagið Póllinn h.f. var
stofnað 1966 af þremur rafvirkj-
um. útvarpsvirkja og hagfræðingi.
Stofnendur störfuðu allir við
reksturinn. sem í upphafi var al-
mennt rafmagnsverkstæði og út-
varpsviðgerðir.
Vegna staðsetningar fyrirtækis-
ins í gamalgrónum útgerðar- og
fiskiðnaðarbæ voru verkefnin frá
byrjun að stórum hluta nýlagnir
og viðhald rafbúnaðar í frystihús-
um og fiskibátum. Mikil bleyta,
salt og fleiri umhverfisþættir
valda því að haga þarf frágangi
rafbúnaðar með tilliti til þess.
Starfsmenn fyrirtækisins öðluðust
því fljótlega mikla reynslu á þessu
sviði. og má segja að þessi um-
hverfisþekking hafi stuðlað að því
að útvarpsvirki fyrirtækisins hófst
fljótlega eftir stofnun þess handa
við að smíða spennustilla fyrir
rafala í fiskibátum, vegna slæmr-
ar reynslu af innfluttum spennu-
stillum við þessar aðstæður. Þess-
ir nýju spennustillar reyndust vel.
og smíði fleiri hliðstæðra raf-
eindatækja, eins og baujuljós-
blikkara, lekaaðvörunartækja,
hleðslutækja, álagsstýritækja og
veiðiljósablikkara. fylgdi fljótlega
í kjölfarið.
Fljótlega eftir stofnun fyrirtæk-
isins hófust einnig miklir upp-
gangstímar í útgerð og fisk-
vinnslu. og fóru umsvif fyrirtæk-
isins ört vaxandi. Eftir 10 ár frá
stofnun þess hafi starfsmanna-
fjöldinn þrefaldast og húsnæðið.
sem keypt var við stofnun þess.
orðið of þröngt fyrir starfsemina.
Ráðist var í byggingu myndarlegs
verkstæðishúss, sem tekið var í
notkun árið I977.
Um svipað leyti var einnig ráð-
inn til fyrirtækisins rafeinda-
tæknifræðingur til að vinna að
frekari þróun rafeindatækja.
Eitt af fyrstu verkefnum hans
var að smíða innvigtunarvog fyrir
Hraðfrystihúsið Norðurtanga h.f.,
og lauk því verki á miðju árinu
1978.
f fyrirtækinu var þá mörkuð sú
stefna að það skyldi leggja sig
eftir hinni nýju örtölvutækni.
Keypt var örtölvuþróunarkerfi,
og hafin þróun tölvuvoga fyrir
frystihús, og var þar byggt á þeirri
reynslu sem fékkst af smíði inn-
vigtunarvogarinnar og þeirri trú
að umhverfisþekking fyrirtækis-
ins myndi nýtast vel við þróun
voganna og leiða til þess að þær
hefðu ýmsa kosti í þessu sérstaka
umhverfi. umfram fjöldafram-
leiddar erlendar vogir, sem ekki
væru þróaðar með sérþarfir ís-
lenskra frystihúsa í huga.
AFKASTAGETAN 250 — 300
VOGIRÁÁRI
Alls hafa nú verið framleiddar
um 500 vogir og er afkastagetan
orðin 250 — 300 vogir á ári.
Vogirnar hafa verið seldar út um
allt land, og árið 1981 hófst út-
flutningur á Póls-vogum til Fær-
eyja. Vogirnar hafa fengið mjög
góðar viðtökur í Færeyjum og er
markaðshlutdeild Pólsins nú svip-
uð þar og á íslandi. Þá er fyrir-
tækið búið að fá löggildingu í
Danmörku og á Grænlandi og
löggilding í Noregi er á döfinni.
en þaðan hafa þegar borist pant-
anir. Þeir Pólsmenn telja sig eiga
góða möguleika á að ná árangri í
útflutningi til annarra landa, svo
sem Noregs. Grænlands. Dan-
merkur, Kanada og Bandaríkj-
anna, svo eitthvað sé nefnt.
STÖÐUG ÞRÓUN
Að sögn Ásgeirs Erlings Gunn-
arssonar, framkvæmdastjóra, er
nú helsti vaxtarbroddur fyrirtæk-
isins í forritun. Unnið er að þróun
vogaeftirlitskerfis, sem tengt er
yfir 100 vogum og getur gefið
margskonar upplýsingar um gang
framleiðslunnar. Það getur t.d.
sýnt hráefnisnýtingu í flökunar-
samstæðu og gefur þannig verk-
stjóra möguleika á að fyigjast
með hvort eitthvað fer úrskeiðis
við flökunina. Þá eykur það einn-
ig hraða og nákvæmni við bónus-
útreikning, því hægt er að reikna
út bónusinn í lok hverrar lotu.
Þá er Reykjavíkurdeild Pólsins
að senda frá sér sérstakan útgerð-
arpakka. í honum verða forrit
fyrir fjárhags- og viðskiptabók-
hald, launaútreikning. einnig
aflaskiptaforrit, og ýmislegt ann-
að varðandi það sem útgerðin
þarf að skila af sér.
Alls starfa nú um 50 manns hjá
fyrirtækinu. þar af 15 við fram-
leiðslu rafeinda- og tölvubúnaðar.
Lætur nærri að starfsmannafjöldi
fyrirtækisins hafi tífaldast frá
stofnun þess.
Vestfirska fréttablaðið óskar
Pólnum til hamingju með heið-
ursverðlaunin.
Öm Ingólfsson, Hálfdán Ingólfsson og Ásgeir Erling Gunnarsson innanum vogir og tölvur