Vestfirska fréttablaðið - 23.02.1984, Blaðsíða 7

vestíirska
FRETTABLAfllD
Dagný var með námskeið á ísafirði í janúar og þá var viðtalið tekið
Dagný Björk Pjetursdóttir, danskennari:
Travolta bjargaði karlmönnum
Hláturmild og geisl-
andi af lífsgleði birtist
hún okkur og skrifar j
í Pétursdóttir, en
harðneitar að segja
okkur af hverju.__________
Dagný Björk heitir
hún og er Pjetursdótt-
ir af fyrrgreindum
ástæðum, danskenn-
ari að mennt og ný-
lega orðin móðir, en
fæst að auki við ann-
ars konar listsköpun,
sem hún harðbannar
okkur að segja frá.
Sem betur fer hefur
hún frá mörgu öðru að
segja:
„Veistu það að ég var búin
að ákveða það þegar ég var 7
ára að ég ætlaði að verða
danskennari. Þetta var alveg
æðislegur draumur," segir hún
og hlær sínum dillandi hlátri.
„En ég vissi að á ísafirði gæti
ég aldrei lært að verða dans-
kennari og þegar ég flutti suð-
ur, 12 ára, var það náttúrulega
það fyrsta sem ég gerði að fara
í dansskóla. Þá var ég strax
valin f sýningarhóp hjá Heiðari
og síðan þróaðist þetta smátt
og smátt, — 15 ára tók ég
heimsmerki í dansi, sem er al-
þjóðlegt próf, og 16 ára byrjaði
ég síðan að læra.”
EKKERT MÁLAÐ
LÆRA DANSANA
— Hvað er þetta langt nám?
..Fjögur ár.“ segir Dagný á inn-
soginu og kveður námstímann
skiptast í tvo hluta. Eftir tvö ár er
tekið svokallað ballroom-próf,
þar sem prófað er í foxtrot, valsi,
quickstep o.fl„ og siðan svonefnt
latin-próf, sem eru suður-
amerískir dansar. „Fyrstu tvö árin
er maður bara aðstoðarkennari,
en um leið og maður er búinn að
taka annað prófið fer maður að
kenna sjálfstætt. Maður þarf að
skila 36 tímum á viku.“
— Er ekki erfitt að læra alla þessa
dansa? Ég mundi örugglega rugla
þessu öllu saman.
Nú skellihlær Dagný: „Nei,
veistu það, þetta er ekkert mál.
Þetta er bara eins og hvert annað
nám, maður lítur á einhverja bók
og sér þetta alveg fyrir sér.“
— Já, lærir maður dans af bók-
um?
,,Já, maður lærir líka af bókum,
tæknina lærir maður þannig, —
hvort stíga eigi á ská, einn fjórða
til vinstri eða hægri, á hæl eða tá
o.s.frv. Síðan þegar maður er bú-
inn að læra dansinn verður hann
orðinn vani sem maður gleymir
ekki. Þetta er ekki páfagaukalær-
dómur sem maður gleymir strax
eftir próf.“
MAOUR KEMUR EKKI MEÐ
ÁHYGGJURNAR
MEÐ SÉR í VINNUNA
— Nú ert þú búin að kenna
dans í 8 ár, ertu ekkert farin að fá
leið á því?
„Nei,“ segir hún af slíkri á-
kveðni að ekki fer á milli mála að
hún meinar það sem hún segir.
— Er þetta gaman?
„Já, alveg ofsalega skemmti-
legt. En þetta er mjög krefjandi
starf. maður kemur ekki með á-
hyggjurnar með sér í vinnuna. því
þá missir maður bara nemend-
urna. Maður verður að gefa sig
allan í þetta.“
— Verðurðu ekki alltaf að hafa
einhverja brandara á takteinum?
Hún hlær dátt og segir það
ábyggilega sitt um glaðværðina I
tímunum hjá henni. „Maður
reynir náttúrulega að gera eitt-
hvað sniðugt til að lífga uppá
tímana," hlær hún.
RÖDDIN FER ALLTAF
— Er ekki mikið puð að öskra
skipanir allan daginn?
„Þú heyrir hvernig röddin er,“
segir hún kímin (hún er svolítið
hás, en ekki nálægt því jafn slæm
og Páll Heiðar). „Röddin fer allt-
af þegar ég er að kenna svona
marga tíma á dag.“ Síðan fer hún
að telja og kemst uppí 10. „Ég
kenni 10 tíma á dag.“
— Er hægt að lifa af því að kenna
dans?
„Já,“ segir hún og manni finnst
hún gefa í skyn hve ánægjuleg
staðreynd það sé. „En maður tek-
ur áhættu þegar maður starfar
svona sjálfstætt. Sjö mánuði á ári
gengur þetta vel. en á sumrin
þýðir ekkert að standa í þessu. þá
er svo margt annað sem glepur.
Þá hef ég starfað við íþróttir og
útilíf."
GET HEILAÞVEGIÐ
SJÁLFA MIG
— Semurðu dansa?
„Já, og það finnst mér alveg
ofsalega gaman. Ég get alveg
heilaþvegið sjálfa mig við að
semja dans. en þá þarf ég mikinn
tíma og ferskt loft.“
— En er ekki erfitt að búa til
verulega frumlegan dans nú þeg-
ar til eru svo ótalmörg spor?
„Það er mjög margt fólk núorð-
ið sem setur upp prógrömm. en
ég sníð hins vegar oftast mína
dansa fyrir ákveðinn hóp. Þá
þekki ég krakkana og hreyfingar
þeirra. Ég er t.d. með einn slíkan
hóp hérna núna, hóp sem við
stofnuðum í haust og getum von-
andi haldið áfram með næsta
haust.“
— Er ekki gaman að horfa á eigin
dans?
„Jú, manni getur liðið alveg
ofsaiega vel.“ og þetta segir hún
af mikilli innlifun. „Þá sér maður
virkilegan árangur."
ALDREI GETAÐ
SKÁKAÐ KELLINGUNNI
— Hvernig ferðu að því að halda
þér við, staðna ekki?
„Ég fer til útlanda á sumrin. —
I fyrsta skipti fór ég til Bandaríkj-
anna og var í tímum hjá sextugri
kellingu og hef aldrei getað leikið
eftir það sem hún gerði.“
— Þú verður kannski á toppnum
um sextugt?
„Já, miðað við hana, hún var
alveg svakalega góð.“
Dagný segist síðan undanfarin
ár hafa farið til Kaupmannahafn-
ar á sumarnámskeið og komið
heim með nýjustu dansana. Þar
bauðst henni m.a. að fara í tíma
hjá Danmerkurmeistaranum til
að læra dansa úr Flashdance, en
afþakkaði boðið þar sem hún
taldi það ekki nýtast sér við
kennslu. Þá sagði hún að nú væri
jafnvel hægt að spara sér utan-
landsferðir með því að nota
vídeo.
TRAVOLTABJARGAÐI
KARLMÖNNUM
— Hvernig gengur að fá stráka í
dansinn?
„John Travolta bjargaði karl-
mönnum, þá fengu þeir trú á að
þeir gætu þetta líka. Það þurfti
einhverja svona stjörnu til að
koma þeim í skilning um það.”
LIST EÐA ÍÞRÓTT?
— Hvort er dansinn list eða í-
þrótt?
Dagný tekur sér umhugsunar-
tíma. „Ætli hann sé ekki bara
hvort tveggja. En þegar sett er
upp sýning þá nálgast hann frekar
list.“
Síðan segir hún að jassballett-
inn, sem nú sé í tísku, sé millistig
ÍFASTEÍGNA-'
j VIÐSKIPTI
| ÍSAFJÖRÐUR:
| 2 herb. íbúðir:
I Túngata 3, efri hæð
I Stekkjargata 40
3 herb. íbúðir:
I Aðalstræti 8, suðurendi
I Fjarðarstræti 51, efri hæð
I Fjarðarstræti 38, 1. hæð
j Fjarðarstræti 39, n. e.
I Hlíðarvegur 7, 1. h. t. v.
I Stórholt 7, 2. hæð
j Sundstræti 27, e. h., n. e.
I 4 herb. íbúðir:
j Hlíðarvegur 45, e. h. t. h.
. Hjallavegur 8, neðri hæð
I Mjailargata 6, e. h., s. e.
I Silfurgata 11,3. hæð
I Einbýlishús/Raðhús:
■ Fagraholt 9, einbýlishús
I Hafraholt 18, raðhús
I Lyngholt 8, einbýlishús
[ Hafraholt 8, raðhús
Urðarvegur 56, raðhús
BOLUNGARVÍK:
Einbýlishús:
Hjallastræti 39
Holtabrún 7
Holtabrún 2
Höfðastígur 12
Skólastígur 7
Traðarstígur 5
Traðarland 8
Völusteinsstræti 13
Vitastígur 8
Hringið eða lítið inn.
Verið velkomin.
Tryggvi
Guðmundsson
Hrannargötu 2,
ísafirði, sími 3940
milli fimleika og dans. „Þar þarf
maður að nota allan líkamann."
Á HEIMA HÉRNA
— Þú kemur alltaf aftur og aftur
á ísafjörð, hvernig í ósköpunum
stendur á því?
„Ég á heima hérna, er Isfirð-
ingur í húð og hár, þó ég eigi
lögheimili í Kópavogi.“
— Ertu kannski að hugsa um að
flytja hingað?
„Já, mig langar að flytja hingað
næsta haust og hafa námskeið í 6
— 8 vikur. — Þó ég hafi búið
hérna sem krakki veit ég í raun
ekki hvað það er að búa hérna
sem fullorðin, ég kem og ég fer.
En mér er alltaf ofsalega vel tek-
ið.“
Svo hló hún.
FRAMTALSAÐSTOÐ
Pantið tíma í síma 7570 og 7569 á kvöldin.
Fyrirtækjaþjónustan
Bolungarvík
Bókhaldsstofa — Rekstrarráðgjöf
Grundarstíg 5 — Pósthólf 210