Vestfirska fréttablaðið - 09.07.1984, Blaðsíða 4
ísafjarðarstrætó:
Breyting áferðum milli Hnífsdalsog ísafjarðar
Samkvæmt talningu í Stræt-
isvögnum ísafjarðar, virðist
nýting á strætisvagninum vera
heldur meiri en gert var ráð fyrir
í upphafi. Hinsvegar er nýtingin
á vissum áætlunartimum ekki
góð. Sérstaklega hefur komið í
ljós, að ekki er þörf fyrir auka-
vagn frá Hnífsdal á morgnana
og verða þær ferðir því felldar
niður frá og með miðvikudegin-
um 11. júli.
Að öðru leyti hefur nýtingin á
vagninum milli Hnífsdals og
Isafjarðar verið góð og er fyrir-
hugað að í stað niðurfellingar á
þessum aukaferðum, verði
komið á viðbótarferðum milli
Hnífsdals og ísafjarðar (Sjá
nánar auglýsingu í blaðinu).
Að sögn Reynis Adolfssonar
formanns undirbúningsnefnd-
ar, þá hefur þessi tilraunaakstur
tekist alveg ágætlega fram að
þessu. Þörfin væri töluverð og
greinilegt væri að fólk kynni að
meta þessa þjónustu.
Sjóstangaveiðimótið um helgina:
Fékk krekju í gegnum fingurinn
— en hélt áfram keppni þegar búið var að fjarlægja hana — Páll A. Pálsson íslandsmeistari
Skúli gerir sprautuna klára
Islandsmeistarinn, Páll A. Pálsson
Á föstudag og laugardag fór
fram á ísafirði, eða öllu heldur
úti í Djúpi, sjóstangaveiðimót
sem Sportbátafélagið Sæfari
gekkst fyrir. Sautján þátttak-
endur mættu til leiks og var farið
á fjórum bátum frá ísafirði og
Bolungarvík. Fyrri daginn var
dorgað út af Aðalvíkinni. en
þann seinni héldu menn sig útaf
Stigahlíð og Deild.
Það slys varð klukkan 10:45 á
föstudag um borð í Gunnari
Sigurðssyni að veiðarinn Pétur
Steingrímsson frá Vestmanna-
eyjum fékk krekju í gegnum
einn fingurinn, alveg uppfyrir
agnhald. Var hraðbáturinn
Garpur þegar sendur af stað frá
ísafirði með Skúla Bjarnason
lækni og fékk blm. V.f. að fljóta
með. Sjúklingurinn fór yfir í
Guðnýju, sem var á leið í land
með bát í slefi, og mættust bát-
amir rétt fyrir innan Ritinn.
Pétur stökk þá snaggaralega á
milli báta með krókinn í fingr-
inum og var þegar í stað
sprautaður af Skúla. Síðan var
keyrt uppundir Ritinn svo Skúli
gæti betur gert að sárum. Þar
tók hann upp verkfæratöng og
klippti framan af krekjunni, dró
síðan endann útúr fingri Péturs.
Enn var þó of mikill veltingur til
þess að Skúli gæti búið al-
mennilega um fingurinn, svo
spanað var uppundir Straum-
nes og þar fékk Pétur þær um-
Svo er að ná krekjunni út
jiokkio ynr i uunnar mgurösson
með fingurinn útí loftið
Og í fingurinn skal hún
Það var góður afli meðan við fylgdumst með
Kolla fékk stærsta fiskinn
Kvennasveit ísafjarðar og karlasveit Akureyrar unnu sveitakeppnina
búðir
sem hann þurfti. Varð
mönnum að orði að líklega
fengi Pétur aldrei stærri fisk en
þennan.
Pétur var ekkert á því að
leggja árar í bát þrátt fyrir þetta
óhapp og var nú spýttað að
Gunnari Sigurðssyni þar sem
Pétur stökk aftur um borð og
tók til við veiðarnar. Hann
hafði þegar fengið hálfan kassa.
Og hér koma svo helstu úrslit.
íslandsmeistaratign hlaut Páll
A. Pálsson, Akureyri, og hlaut
hann Theodorsbikarinn að
launum. Páll fékk flest stig úr
mótunum á Akureyri, Vest-
mannaeyjum og hér.
I sveitakeppni karla bar sveit
Akureyrar sigur úr býtum, fisk-
aði 1506,8 kg. Kvennasveit ísa-
fjarðar var eina kvennasveitin
og halaði hún 826,5 kg. uppúr
hafinu.
Mestan samanlagðan afla
fengu Páll A. Pálsson, Akureyri,
523,3 kg. og Jósefína Gísladótt-
ir, ísafirði, 341,9 kg.
Af körlum veiddi Jóhann Al-
exandersson, Isafirði, flestar
tegundir, 5, en Kolbrún Hall-
dórsdóttir, ísafirði, stóð sig best
kvenna að því leyti, veiddi 3
tegundir.
Flesta fiska veiddi Páll A.
Pálsson, A, 512. Jósefína Gísla-
dóttir, I, sigraði svo í kvenna-
flokki, fékk 320 fiska.
Aflahæsti bátur pr. veiði-
mann varð Páll Helgi, Bolung-
arvík, með 193,1 kg. pr. mann.
Þyngsta þorskinn (8,35 kg.)
veiddi Kolbrún Halldórsdóttir.
Þyngstu ýsuna (2,75 kg.) veiddi
Reynir Brynjólfsson, A, ufsann
(2,4 kg.) Birgir Valdimarsson, I,
karfann (0,35) Reynir Bryn-
jólfsson, A, steinbítinn (3.45)
Pétur Steingrímsson, V, og
þyngstu lúðuna (0,7 kg.) veiddi
Jóhann Alexandersson.
Öll verðlaun gaf íshúsfélag
Bolungarvíkur, nema sveita-
bikarana, þá gaf Ishúsfélag ís-
firðinga.
Deildarkeppnin:
ÍBÍ og KS gerðu jafntefli
Á laugardaginn keppti ÍBÍ við
KS frá Siglufirði í deildar-
keppninni. Leiknum lauk með
jafntefli, 0:0 og var hann fremur
tíðindalaus. Þrátt fyrir nokkra
golu á laugardaginn, tókst ekki
að blása lífi í knattspyrnuna.
I fyrri hálfleik léku ísfirðing-
ar undan vindi. Sóttu þeir allan
tímann en sköpuðu sér engin
tækifæri. Seinni hálfleikur var
heldur tilþrifameiri og áttu ís-
firðingar nokkur ágætisfæri en
tókst ekki að skora. Helstu færi í
leiknum áttu Guðmundur
Magnússon, Helgi Indriðason
og Guðmundur Jóhannsson.
KS mátti vel við jafntefli una.
Þeir voru greinilega lakara lið
leeksins. Þetta er fyrsta stigið
sem þeir fá á útivelli í sumar.
Næsti leikur ÍBÍ í deildar-
keppninni verður á miðviku-
daginn við Skallagrím frá
vestfirska 1
FRETTABLADID
á mánudegi
Ívestíirska
hefur
heyrt
AÐ þegar þaö einhverju sinni
barst í tal að alþingismenn-
irnir Kjartan og Karvel væru á
fundarferð saman hefði eftir-
farandi hrokkið út úr gömlum
manni: Tarsan og Karvel! All-
an andskotann er hann Karv-
el nú farinn að draga með sér!
AÐ kvennalistakonum hafi á
ferð sinni um Vestfirði fyrir
skömmu verið boðið tii kaffi-
drykkju í húsi einu í nálægum
firði. Sáu þær strax að hund-
ur mundi vera á þeim bæ og
sýttu það mjög að hann skyldi
ekki vera við. En þegar þær
voru að tygja sig til brottfarar
kom sonur húsfreyjunnar
heim með hundinn og hváði
þá aiþingiskonan Kristín
Halldórsdóttir: Hva, hvers
vegna fórstu út með hund-
inn, af hverju leyfðirðu hon-
um ekki að vera inni hjá okk-
ur? — Ég vildi ekki láta spilla
tíkinni, sagði stráksi þá. Fylgir
sögunni að þetta hfi hlægt
konurnar...
AÐ litla ísland hafi afrekað
það að komast inní umfjöllun
Newsweek um Evrópu-
keppnina í knattspyrnu. Þar
er rakin raunasaga franska
landsliðsins undanfarinn
áratug og m.a. sagt:,, Sér-
staklega niðurlægjandi tap
fyrir íslandi — sem hefur að-
eins um 200.000 íbúa og
engin atvinnumannalið —
varð til þess á áttunda ára-
tugnum að gripið var til rótt-
tækra aðgerða: Leikmenn-
irnir voru settir í sérstök þör-
ungaböð og súrefnismeð-
ferð”. — Nú eru Frakkar
orðnir Evrópumeistarar og
spurning hvort það er ekki að
einhverju leyti íslendingum
að þakka...
AÐ gárungarnir heföu viljað
kalla strætókompaní ísfirö-
inga Strætisvagna ísafjarðar
og nágrennis. Það hefði verið
skammstafað SVÍN...
AÐ um 300 manns hafi verið
á sumarhátíð norður í Flæð-
areyri um helgina. Heyrum
við að hátíðin hafi farið vel
fram...
Borgarnesi. Það er heimaleikur.
Til nokkurs baga hefur verið,
aa þrír leikmenn ÍBÍ hafa verið
frá keppni. Þeir Atli Einarsson,
Atli Jóhannesson og Guðjón
Reynisson. Guðjón hyggst
byrja að æfa aftur í næstu viku.
Einnig stendur til að Jón
Björnsson og Rúnar Guð-
mundsson fari að æfa aftur með
liðinu.