Vestfirska fréttablaðið - 12.07.1984, Side 6

vestlirska I
rRETTABLADID
Ur heimspressunni
Þegar Carla Becker kemur
heim úr vinnu og opnar stofu-
dyrnar liggur maður hennar
undir teppi uppi í sófa og grúfir
höfuðið í fiðurkodda. Og þó
hann liggi þar ekki — koddi og
teppi hverfa ekki lengur úr stof-
unni. Um daginn hefur Georg
Becker nokkrum sinnum hringt
á skrifstofuna til konu sinnar:
Hvað hún sé að gera, hvenær
nákvæmlega hún komi heim,
hvenær hún eldi kvöldmatinn.
Hann hefur verið atvinnulaus
í eitt ár, 45 áragamall verk-
fræðingur. Hún, 41 árs, var áður
heimavinnandi: „Ég hef verið
gift í 19 ár, strákurinn er 18 ára.
Ég var aðeins húsmóðir.“
Þangað til hún fór að stúdera og
fékk síðan skrifstofustarf fyrir
fjórum árum: „Þannig varð ég
sjálfstæðari og upplitsdjarfari.“
Síðan hann varð atvinnulaus
hefur hann gert henni lífið leitt.
Georg er orðinn þunglyndur og
sakar hana um að hugsa of lítið
um sig.
Aðalvandamálið er afbrýði-
semi: „Hann hugsar ekki um
annað allan daginn og fylgist
með hverju spori mínu. Seinki
mér eitthvert kvöldið er fjand-
inn laus, eða þá hann grætur.“
Hún er löngu hætt að hafa á-
nægju af að koma heim. „Ég var
jú húsmóðir,“ segir hún sorg-
bitin, „en núna er ég einfaldlega
öðruvísi. Aftur í sama farið?
Það vil ég ekki og það get ég
ekki.“
Hún ætlar að fara fram á
skilnað. Atvinnuleysið hefur
eyðilagt 18 ára hjúskap.
Carla Becker er aðeins ein
þeirra mörgu kvenna sem eiga
atvinnulausan mann og taka út
fyrir það: minni peningar, þess
vegna meira basl og áhyggjur;
minna kjöt, en fleiri snafsar;
færri vinir, en fleiri rifrildi —
þetta færir atvinnuleysið mörg-
um fjölskyldum. Vísindamenn í
Númberg hafa fundið út að
aðgerðaleysið hefur í mörgum
tilfellum miklu afdrifaríkari af-
leiðingar, sálfræðilega og fé-
lagslega, en peningaleysið, segir
m.a. í grein vestur-þýska blaðs-
ins Die Zeit.
BÍLASÝNING13. OG14. JULI
KL. 12:00—17:00Á BIFREIÐAVERKSTÆÐIKAUPFÉLAGSINS, GRÆNAGARÐI
Opel Ascona
Opel Corsa
Isuzu Trooper
4x4 benzín
Isuzu KBD 47
4X4 diesel pickup
A THUGIÐ GREIÐSLUKJÖRIN HJÁ OKKUR. TÖKUM JAFNVEL ELDRIBÍLA UPPÍÞÁ NÝJU
KAUPFÉLAG ÍSFIRÐINGA, ÍSAFIRÐI
Aðalfundur sýslunefndar V-ísafjarðarsýslu:
Fagnar auknum útboð-
um Vegagerðarinnar
Aðalfundur sýslunefndar
Vestur-ísafjarðarsýslu var
haldinn á Isafirði dagana 7. —
8. júní s.l. Sýslunefndin sam-
þykkti ályktun þar sem því var
fagnað að Vegagerðin væri far-
in að nota útboð í ríkari mæli en
verið hefur. Jafnframt lýsti
nefndin yfir ánægju sinni með
arðsemisathugun V egagerðar-
innar á brú yfir Dýrafjörð og
skoraði á þingmenn kjördæm-
isins að beita sér fyrir fjárveit-
ingu til undirbúningsfram-
kvæmda. Nefndin telur brýna
nauðsyn bera til að flýtt verði
athugunum á hagkvæmni jarð-
gangnagerðar á Vestfjörðum og
bendir í því sambandi á nauð-
syn þess að sækja verkkunnáttu
á þessu sviði til Færeyinga og
Norðmanna. Þá telur sýslu-
nefndin algjörlega óviðunandi
að engin fjárframlög séu ætluð
til nýbyggingar á stofnbrautinni
Vatnsfjörður — Þingeyri næstu
10 árin.
Nefndin telur útlit fyrir að í
nokkrum sjávarplássum muni á
komandi vetri verða auð hús,
þar sem fólksflótti sé fyrirsjá-
anlegur, verði ekki brugðist
skjótt við til úrbóta.
Mikið var rætt um riðuveiki
þá sem vart hefur orðið í fjórð-
ungnum. Fundurinn lýsti yfir
fylgi við þá stefnu að riðuveiki
skuli útrýmt á Vestfjörðum með
öllum tiltækum ráðum. Þá lýsti
fundurinn yfir áhyggjum sínum
vegna aukinnar útbreiðslu
veikinnar og stuðnings við fyr-
irhugaðar niðurskurðaraðgerð-
ir í Barðastrandarsýslu og Ósi
og Laugabóli í Vestur-Isafjarð-
arsýslu.
Frá sumarhátíðinni á Flæðareyri
10 ára afmæli
Úra- og skartgripaverslun Ax-
els Eiríkssonar er 10 ára um þess-
ar mundir. Af því tilefni verður
efnt til úrasýningar í versluninni
vikuna 16.—21. júlí. Sýnd verða
margskonar úr frá Seiko. Einnig
verða hin þekktu Rolex úr til
sýnis, en þau eru öll gulli slegin
og kosta allt upp í 80 þús. kr.
Jafnframt verður gefinn 20% af-
sláttur af Seiko úrum og 10% af-
sláttur af öðrum vörum verslun-
arinnar.
Úra- og skartgripaverslun Ax-
els Eiríkssonar hefur lagt mikla
áherslu á viðgerð kvartz úra og
Axel reyndar fyrsti úrsmiður á
íslandi sem hafði tæki til slíkra
viðgerða. Þá sér verslunin um
viðgerð og breytingar á skart-
gripum, áletranir og viðgerðir á
stærri klukkum.
Sama fólkið hefur starfað í
versluninni frá upphafi. Verslun-
arstjóri hefur verið Elín Tryggva-
dóttir.
Um síðustu helgi var haldin
mikil sumarhátíð á Flæðareyri og
sóttu hana um 300 hundruð
manns. Var þar mikil tjaldborg
eins og sjá má. Margt var gert sér
til dundurs eins og gerist og
gengur á slíkum hátíðum, m.a.
dansað frammá rauða nótt og
voru aðstæður hinar þokkaleg-
ustu til þess, a.m.k af hálfu sólar-
innar.
BÆJARFÓGETINN Á ÍSAFIRÐI
SÝSLUMAÐURINN I' ÍSAFJARÐARSÝSLU
Nauðungaruppboð
Opinbert uppboð á lausafjarmunum verður
haldið við húsnæði bifreiðaeftirlitsins á
Skeiði, laugardaginn 21. júlí n.k. kl. 14:00
og verður síðan framhaldið á þeim stöðum
sem hlutina er að finna. Uppboðið verður að
kröfu innheimtumanns ríkissjóðs, ýmissa
lögmanna o.fl.
Uppboðsbeiðnir, studdar fjárnámum, lög-
tökum eða öðrum lögmætum uppboðs-
heimildum, liggja fyrir um sölu á eftirtöldum
lausfjármunum sem boðnir verða upp, hafi
skuldarar eigi greitt kröfuhöfunum eða við
þá samið og þeir afturkallað uppboðsbeiðnir
sínar. Bifreiðarnar: í-587, í-639, í-829,
í-850, í-1284, í-1362, í-1745, í-4263, í-
4274, í-4519, í-4535.
Ennfremur: Sjónvörp, videotæki,
hljómtækjasamstæða, þvottavél, ísskápur,
bækur og fleira.
Húsgögn svo sem, hillusamstæða, borð-
stofuborð, eldhúsborð og sófasett.
Innréttingar verslunarinnar Hamraborgar
ásamt frystikistum, kælivélum og ísvélum.
Kvikmyndasýningarvél félagsheimilis Flat-
eyrar.
Uppboðsskilmálar liggja frammi á skrifstofu
embættisins og á uppboðsstað.
Ávísanir ekki teknar gildar nema með sam-
þykki uppboðshaldara.
Greiðsla við hamarshögg.
Bæjarfógetinn á ísafiröi.
Sýslumaðurinn í ísafjarðarsýslu.