Vestfirska fréttablaðið - 19.07.1984, Blaðsíða 2
I vestfirska
rRETTABLAfllS
I vestlirska ~l
FRETTABLASID
34. tbl. 10. árg. 19. júlí 1984. Vestfirskafréttablaðið kemur út á mánudögum og fimmtudögum kl. 17:30. Ritstjórnarskrifstofa og auglýsingamóttaka
að Hafnarstræti 14 er opin virka daga kl. 10:00 til 12:00 og 13:00 til 17:00 og sunnudaga kl. 13:00 til 17:00. Síminn er4011. Biaðamaður Rúnar
Helgi Vignisson, sími 3325. Fjármál og dreifing: Guðrún Halldórsdóttir. Auglýsingar o.fl. Rúnar Þórisson. Útgefandi og ábyrgðarmaður: Árni
Sigurðsson, Fagraholti 12, ísafirði, sími 3100. Prentun: Prentstofan ísrún hf. ísafirði. Verð í lausasölu kr. 25,00. Auglýsingaverð 130,00 dcm.
Áskriftarverð er lausasöluverð reiknað eftirá, gjalddagar hálfsárslega.
Orðið er laust — Lesendadál ku r
Sóðastimpillinn að mást af
Það er búið að vera í tísku
nokkuð lengi að tala um skítinn
á fsafirði. Nú bendir hins vegar
ýmislegt til þess að sú tíska sé á
undanhaidi. Maður nokkur hó-
aði í blaðamanninn þar sem
hann gekk um götur í síðustu
viku og spurði hvort hann hefði
tekið eftir því hvað bærinn væri
orðinn hreinn. — Ja, jú, það
væri óneitanlega ekki eins mikið
rusl á götunum og oft áður, að
fráskildum glerbrotunum ill-
ræmdu um helgar. Maðurinn
sem hóaði vildi meina að þessi
þrifnaður væri starfsmönnum
bæjarins að þakka. Þeir sýndu
einstaka elju og dugnað við að
hirða upp draslið eftir bæjarbúa,
væru sífellt að. Undir þetta væri
hægt að taka.
Hinu er þó ekki að neita —
svo að maður noti nú orðbragð
pólitíkusa — að víða er enn
pottur brotinn, eins og Jón Á.
Jóhannsson benti á í síðasta
blaði. En opnum svæðum þar
sem drasl er haft til sýnis fækkar
þó stöðugt, enda hefur sunda-
hafnarsvæðið verið tekið undir-
slíka listastarfsemi. Þar skal
vera óbrennanlegt rusl, en af
einhverjum ástæðum logar það
oft glatt, stundum svo neistaflug
leggur yfir olíutankana. Hvað
segir Guðmundur Helgason við
því?
Þrátt fyrir þessa galla er
sjálfsagt að taka undir orð hó-
arans á götunni. Sóðastimpill-
inn er smám saman að mást af.
Slysavarnastarf í Bolungarvík:
Gáfu Markúsarnet
Starf slysavarnasveitanna
í Bolungarvík hefur verið
blómlegt undanfarin ár. Þannig
hefur kvennasveitin verið mjög
dugleg við fjáröflun og keypti
nýlega Markúsarnet á báðar
bryggjurnar. Þær hafa undan-
gengið ár gefið björgunarsveit-
inni Emi yfir 150 þús. kr. og
hefur það fjármagn verið notað
til að kaupa ýmsan björgunar-
búnað. Nýulega gáfu konurnar
sveitinni 50 þús. kr., sem m.a.
voru notuð til kaupa á talstöð.
Einnig gáfu þær 10 þús. í sjóð
sem notaður yrði til að fjár-
magna björgunaræfingar í
fiskiskipum á norðanverðum
Vestfjörðum, en slíkar æfingar
eru nú í bígerð.
Bergljót Jónsdóttir, formaður
kvennasveitarinnar, sagði þær
vera svona vel stæðar vegna
þess að fyrir 2 árum hafi lögum
SVFÍ verið breytt, þannig að nú
ráðstafa deildirnar sjálfar því
sem þær afla, en þurftu áður að
senda % til heildarsamtakanna.
Bergljót Jónsdóttir,
formaður kvennasveitarinnar
Björgunarsveitin Ernir hefur
verið virkasta sveitin við Djúp
undanfarið, var t.d. með æfing-
ar mánaðarlega í vetur. Þá
héldu þeir björgunarsveitar-
menn námskeið í hjálp í við-
lögum fyrir 9. bekk grunnskól-
ans. Jóni Guðbjartssyni, for-
manni, taldist til að meðlimir
sveitarinnar hefðu skilað 1800
vinnustundum frá áramótum.
Aðstaða björgunarsveitar-
innar hefur líka batnað eftir að
hún keypti viðbótarhúsnæði af
Orkubúi Vestfjarða. Farið
verður í að standsetja það að
innan í haust, en á næstunni
verður það múrað að utan.
f september munu svo 5
björgunarsveitarmenn frá Vest-
fjörðum, þar af 3 af norður-
svæðinu, halda til Aberdeen í
Skotlandi í æfingabúðir. Munu
þeir þar fá 10 daga skólun í sjó-
björgun. Síðan er hugmyndin
að þeir miðli öðrum björgunar-
sveitarmönnum af visku sinni
þegar þeir koma heim. Á næsta
ári er fyrirhugað að senda menn
á landbjörgunarnámskeið.
Semsagt, mikið líf með
slysavamafólki.
Hef séð mikinn áhuga
— segir Jón Guðjónsson, formaður HVÍ
HVÍ, Héraðssamband Vest-
ur-ísafjarðarsýslu, mun halda
þijú unglingamót á sínu svæði í
sumar, að sögn Jóns Guðjóns-
sonar formanns. HVÍ er sam-
nefnari fyrir ungmennafélögin
á svæðinu, en þau eru 6, 3 í
kauptúnum og 3 í sveitarfé-
lögum.
í ár mun íþróttafólk frá
Héraðssambandinu auk þess
taka þátt í landsmóti UMFf í
Njarðvík og Keflavík 13. — 15.
júlí. Einnig var sent lið
til þátttöku í meistaramóti ís-
lands 28. og 29. júlí. HVÍ er í 3.
deild bikarkeppni FRÍ og mun
fara til keppni 18. ágúst. Mótið
fer nú fram að Reykjaskóla-
völlum í Húnavatnssýslu. Þess
má geta, að HVÍ borgar % af
ferðakostnaði fyrir 14 ára og
eldri, en félögin lA. Yngri en 14
ára fara alfarið á kostnað HVÍ.
Sambandið beitir sér einkum
í frjálsum íþróttum, enda erfitt
að ná saman liði til hópíþrótta í
svo strjálbýlum sveitum.
Aðspurður um aðstöðu sam-
bandsins sagði Jón Guðjónsson
að hún væri frekar léleg. „HVf á
Jón Guðjónsson,
formaður HVÍ
völl að Núpi sem hefur verið í
niðurníðslu og við höfum ekki
haft bolmagn til að laga. Við
ætlum þó að reyna að lagfæra
hann í sumar, þannig að hægt
verði að halda þar héraðsmót,
en það er á stefnuskrá síðast í
ágúst.“
Jón hefur verið formaður
síðan 1973. „Ég hef séð mikinn
áhuga,“ sagði Jón, „en fram-
farir eru ekki, vegna þess að fé-
lögin hafa ekki getað lagt mikið
í þjálfun og hún hefur slitnað
mjög í sundur. Þar koma skól-
amir inn í því fæstir skólar á
svæðinu hafa íþróttakennslu.
En við höfum samt sem áður átt
ágætis einstaklinga sem hafa
staðið sig ágætlega í skólum þar
sem þeir hafa fengið að njóta
sín.“
HVÍ rekur sumarbúðir að
Núpi ásamt Æskulýðsfélagi
vestfirskra safnaða. „Það þarf
að gylla fyrir krökkunum eitt-
hvað annað en
sjoppugluggana,“ sagði Jón.
„En ég geri mér grein fyrir að
hægt er að fara út í öfgar í
íþróttum eins og öðru,“ sagði
Jón Guðjónsson, formaður
HVÍ.
Smáauglýsingar
AA FUNDIR
Kl. 21:00 á þriðjudagskvöld-
um og kl. 11:00 á sunnu-
dögum að Aðalstræti 42,
Hæstakaupstaðarhúsinu.
Sími3411.
AA deildin.
AL ANON
fyrir aðstandendur fólks,
sem á við áfengisvandamál
að stríða, eru kl. 21:00 á
mánudagskvöldum að Aðal-
stræti 42, Hæstakaupstaðar-
húsinu.
Upplýsingar veittar í síma 3411
á sama tíma.
BAHA’TRUIN
Upplýsingar um Bahá’itrúna
eru sendar skriflega, ef ósk-
að er. Utanáskrift: Pósthólf
172,400 ísafjörður. Opið hús
að Sundstræti 14, sími 4071
öll fimmtudagskvöld frá kl.
21:00 til 23:0.
ÓSKA EFTIR
herbergi eða íbúð til leigu.
Upplýsingar í síma 4000.
TIL LEIGU
skrifstofuhúsnæði, ca. 20 m2
ásamt forstofu og snyrtingu
á jarðhæð, Hrannargötu 8,
ísafirði. Laus frá 15. ágúst
n.k.
Upplýsingar gefur Sigurður Sig-
urðsson í síma 95-4287 og
Brynjólfur Sigurðsson í síma
91-73322.
BARNGÓÐ STÚLKA
óskast til að gæta þriggja ára
stúlku hluta úr degi (eftir
samkomulagi). Búseta ná-
lægt Fjarðarstræti æskileg.
Upplýsingar í síma 4404.
TIL SÖLU
Volvo 242, árgerð 1973, ekinn
100 þús. km. Vel með farinn,
í toppstandi. Til greina koma
skipti á dýrari bíl.
Upplýsingar í síma 7316.
DAGMAMMA ÓSKAST
eftir hádegi, fyrir þriggja ára
strák.
Katrín, sími 4351.
TIL SÖLU
vörubíll, M. Benz 1513, ár-
gerð 1973.
Upplýsingar í síma 6105.
TIL SÖLU
Haglabyssa, Remington
Wingmaster, model 870,
pumpa, taska, ól og belti
fylgir. Einnig Sako cal. 243
með þungu hlaupi og Wever
K8 sjónauka, poki fylgir.
Byssurnar eru báðar sem
nýjar.
Upplýsingar í síma 4660 eftir
kl. 19:00.
AUGLÝST ER EFTIR
brjóstgóðu fólki sem vill taka
að sér tveggja mánaða
kettling.
Upplýsingar í síma 4182 á
kvöldin.
TAPAÐ
Þríhjól tapaðist frá Hlíðarvegi
22, aðfararnótt sunnudags.
Hjólið er grátt, svart og rautt
að lit. Finnandi vinsamlega
hringi í síma 3572.
HESTAR TIL SÖLU
Brúnstjörnóttur klárhestur,
harðduglegur töltari, ættaður
frá Skörðugili.
Bleikálóttur klárhestur með
tölti.
Brúnn alhliða hestwr undan
Penna 702.
Upplýsingar veitir Steinar, sími
3610 og Valur, sími 4375.
ÍBÚÐ ÓSKAST
Ungt, barnlaust og reglusamt
par óskar eftir frekar lítilli
íbúð á leigu frá 1. ágúst eða
síðar.
Upplýsingar í síma 6255.
ER EINHVER SEM VILL
passa mig? Ég ertveggja ára
og heiti Ingólfur og mig vant-
ar pössun allan daginn strax.
Upplýsingar (Gamla bakaríinu,
Erla, og í síma 4545 á kvöldin.
TIL SÖLU
rækjutroll og hlerar fyrir 10 til
14 tonna bát og einnig fiski-
troll.
Upplýsingar í síma 94-8247 eft-
ir kl. 19:00.
HERBERGI ÓSKAST
Nemi í iðnskólanum óskar
eftir herbergi fram að ára-
mótum. Reglusemi og reglu-
legum greiðslum heitið.
Upplýsingar í síma 7669.
TIL SÖLU
Nýlegt tveggja manna rúm er
til sölu.
Upplýsingar í síma 4146 kl.
20:00 — 21:00 á kvöldin.
TIL SÖLU
BMW 318 1, árgerð 1981.
Skipti möguleg á Daihatsu
Charade, árgerð 1980 —
1983.
Upplýsingar í síma 3939.
TIL SÖLU
Ford Escort, árgerð 1974. Bíll
í góðu lagi.
Upplýsingar í síma 3961.
TIL LEIGU
er lítið einbýlishús (3 — 4
herb.) að Seljalandsvegi 46.
Leigutími er eitt ár. Losnar
frá og með 3. september
1984.
Nánari upplýsingar í síma4329
eftir kl. 7 á kvöldin.