Vestfirska fréttablaðið - 12.10.1988, Blaðsíða 4
4
Isatjarðarkaupstaður
Kvöldskólinn á Isafirði auglýsir:
Kennsla er að hefjast ef næg þátttaka fæst.
Eftirfarandi námsgreinar verða í boði:
• íslenska - stafsetning og frágangur ritaðs
máls.
• íslenska fyrir útlendinga.
• Bókfærsla.
• Ritvinnsla á tölvu.
• Enska.
• Franska.
• Látbragðsleikur - leikræn tjáning.
• Sund.
Upplýsingar gefur Valdís Stefánsdóttir í síma
3767 (vinna) eða 4698 (heima).
Forstöðumaður.
BÆJARFÓGETINN Á ÍSAFIRÐI
SÝSLUMAÐURINN í ÍSAFJARÐARSÝSLU
SETA I OSKIPTU BUI
Árið 1985 var erfðalögum breytt á þann veg,
að annað hjóna eða bæði geta ávallt mælt
svo fyrir í erfðaskrá, að það þeirra sem
lengur lifir, skuli hafa heimild til að sitja í
óskiptu búi með niðjum beggja, hvort sem
þeir eru fjárráða eða ófjárráða.
Dómsmálaráðuneytið hefur nú látið gera
eyðublöð til þess að auðvelda hjónum, öðru
eða báðum, gerð erfðaskrár í ofangreindu til-
viki. Þessi eyðublöð liggja frammi á skrifstofu
embættisins, og eru þar veittar nánari upp-
lýsingar.
28. september 1988
Bæjarfógetirm á ísafirði
Sýslumaðurinn í ísafjarðarsýslu
PéturKr. Hafstein.
1 lÚMiæöisstofnun rikisins
TÆKNIDEILD
Sími 696900
Útboð
Stjórn verkamannabústaða í Bolungarvík óskar
eftirtilboðum í byggingu fjögurra íbúða í tveimur
parhúsum, byggðum úr steinsteypu. Verk nr.
U.19.01, úr teikningasafni tæknideildar Hús-
næðisstofnunar ríkisins.
Brúttóflatarmál hvers húss 190 m2
Brúttórúmmál hvers húss 733 m3
Húsin verða byggð við Bakkastíg 6 og 8 í Bol-
ungarvík og skal skila fullfrágengnum skv. út-
boðsgögnum. Afhending útboðsgagna er á
bæjarskrifstofu Bolungarvíkur, Aðalstræti 12 og
hjá tæknideild Húsnæðisstofnunar ríkisins, frá
fimmtudeginum 13. október 1988, gegn kr.
10.000.- skilatryggingu.
Tilboðum skal skila á sömu staði eigi síðar en
þriðjudaginn 25. október 1988 kl. 11:00 og verða
þau þá opnuð að viðstöddum bjóðendum.
F.h. Stjórnar verkamannabústaða í Bolungarvík
tæknideild Húsnæðisstofnunar ríkisins.
c§3Húsnæðisstofnun ríkisins
I____________________________________________________________________________________________________________________________________________________________________I
m
vestfirska
TTABLASIS
Öldrunarmót
Sæludagar aldraðra í
Reykjanesi 16.-20.
ágúst sl.
Þátttakendur voru frá Bolungarvík, ísafirði,
Súðavík, Súgandafirði, Reykhólum, Selfossi,
Blönduósi og Skagaströnd
Hér verður greint frá „öldrunarmótisem haldið var í Reykjanesi við Djúp í sumar.
Við fengum frumkvöðulinn að þessu mótshaldi, Málfríði Halldórsdóttur hjá Félags-
starfi aldraðra á ísafirði, til þess að rita stuttan inngang. Einn þátttakenda, Unnur
Gísladóttir á ísafirði, greinir síðan í eins konar dagbókarformi frá því sem á dagana
dreif þennan sælutíma í ágúst.
Inngangsorð Málfríðar
Hugmynd að þessu móti fékk ég fyrir tveimur árum. Gott samstarf hefur verið með
starfsmönnum félagsstarfs aldraðra á Blönduósi, Skagaströnd og ísafirði. Við höfum
skipst á hugmyndum og fleiru, og gagnkvæmar heimsóknir aldaðra frá þessum
stöðum hafa einnig styrkt vináttubönd. Síðan hafa einnig komist á góð kynni milli
Bolvíkinga og ísfirðinga með sama hætti.
Ég hafði samband við þessa staði um hugmyndina, og síðan bættust fleiri staðir við.
Góðir samningar tókust við hótelstjórann Heiðar Guðbrandsson í Reykjanesi, og
var ákveðið að mótið skyldi haldið 16.-20. ágúst 1988. Lögð voru á ráðin um fyrir-
komulag, og gekk samvinna mjög vel um undirbúning að mótinu. Sú samvinna
reyndist einnig prýðileg þegar í Reykjanes var komið, og unnu allir fararstjórar sem
einn maður, án nokkurs ágreinings.
Þátttaka var góð, og þó að stór hópur frá Selfossi kæmi ekki eins og ætlunin var
(nokkrir komu samt á eigin vegum), þá komu aðrir í staðinn.
Mótið tókst með ágætum, veðrið lék við okkur alla dagana, sólskin og blíða. Allir
þeir sem við leituðum til reyndust okkur vel og erum við þeim þakklát fyrir.
Góð kynni tókust með mótsgestum frá hinum ýmsu stöðum á landinu. Allir lögðust
á eitt til þess að vel til tækist og gleði og hlýja ríktu þessa sæludaga í Reykjanesi.
Ákveðið hefur verið að samskonar mót verði á sama tíma á næsta sumri. Ekki er að
fullu ákveðið hvar það verður, en allir þátttakendur voru sammála um að hittast að
ári og eiga saman ánægjulega daga á góðum stað.
Hafið öll þökk fyrir. Hittumst heill
Málfríður Halldórsdóttir, ísafirði.
Allur hópurinn saman kominn vid Vatnsfjarðarkirkju ásamt sr. Baldri Vilhelmssyni prófasti.
Frásögn Unnar Gísladóttur
Fyrsta öldrunarmót á landinu
var haldið í Reykjanesi við fsa-
fjarðardjúp dagana 16.-20. ágúst.
Frumkvæði að þessu móti hafði
Félagsstarf aldraðra á ísafirði,
undir forystu Málfríðar Halldórs-
dóttur, sem jafnframt var aðalfar-
arstjóri ferðarinnar. Þátttakendur
voru frá ísafirði, Bolungarvík,
Reykhólum, Súgandafirði, Súða-
vík, Selfossi, Blönduósi og Skaga-
strönd, og voru þetta samtals á
milli 60 og 70'manns.
1. dagur.
Lagt var af stað frá ísafirði kl.
eitt og ekið til Bolungarvíkur, þar
sem Bolvíkingar bættust í hópinn.
Síðan var stansað í Súðavík, þar
sem ferðafélagi bættist í hópinn,
og síðan haldið sem leið liggur um
Djúpið og ekki numið staðar fyrr
en í Djúpmannabúð, þar sem boð-
ið var upp á kaffiveitingar í nafni
Félagsstarfs ísafjarðar og Bolung-
arvíkur, og var það þegið með
þakklæti.
Húsráðendur voru kvaddir með
þakklæti fyrir góðar móttökur og
allir voru glaðir og kátir í bílnum.
Leiðsögn um Inndjúpið annaðist
fararstjórinn úr Bolungarvík, Þóra
Hansdóttir, og fór henni það vel úr
hendi, enda fædd og uppalin í Mið-
húsum. Hún var því á heimaslóð-
um og kunni nöfn og sögur stað-
anna.
í Reykjanes var komið um kl.
hálfsjö, og beið okkar þar dásam-
legur kvöldverður, ásamt góðum
og hlýjum herbergjum. Um kvöld-
ið tóku þeir í spil sem vildu, áður
en gengið var til náða. Strax fyrsta
kvöldið fór vel á með öllum er hitt-
ust þarna, sem og var allan tímann.
2. dagur.
Er allir höfðu neytt góðs morg-
unverðar og sumir fengið sér
sundsprett, var lagt af stað kl. tíu,