Feykir - 30.04.1982, Blaðsíða 13

mm
A myndmni oru: IVIacjiuis Sigfusson. Mnrgrot Baldursdoll
ir Magnus Sigurjonsson. Steinar Skarpheöinsson. Jo
hanna Haraldsdottir. Petur Petursson, Sighvatur Torfa
son Bjorn Magnus Bjorgvinsson og Svoinn Friðvinsson
FRAMBOÐSLISTI
FRAMSÓKNAR-
FÉLAGS
SAUÐÁRKRÓKS
vegna bæjarstjórnarkosninga
22. maí 1982.
1. Magnús Sigurjónsson, deildarstjóri.
2. SighvaturTorfason, kennari.
3. Bjöm Magnús Björgvinsson,
fþróttakennari.
4. Pétur Pétursson,
byggingameistari.
5. Steinar Skarphéðinsson, vélstjóri.
6. Jóhanna Haraldsdóttir, sjúkraliði.
7. Sveinn Friðvinsson,
innheimtufulltr.
8. Margrét Baldursdóttir, gjaldkeri.
9. Magnús Sigfússon,
byggingameistari.
10. Bragi Haraldsson,
byggingameist ari.
11. Pálmi Sighvatsson, bólstrari.
12. Bjarki Tryggvason,
framkvæmdastjóri.
13. Svanborg Guðjónsdóttir, húsmóðir.
14. Áml Indriðason, verkamaður.
15. Erla Einarsdóttir, skrifstofumaður.
16. Ástvaldur Guðmundsson,
útvarpsvirki.
17. Sæmundur Á. Hermannsson,
sjúkrahússráðsmaður.
18. Stefán Guðmundsson,
alþingismaður.
VIÐ EIGUM SAMLEIÐ
Við sem skipum B-listann sendum þér lesandi góður baráttu-
kveðjur um leið og við leitum eftir stuðningi þínum í komandi
kosningum.
Við gerum okkur grein fyrir því að það gera fleiri og að
baráttan um traust þitt og fylgi er hörð.
Kostir okkar og gallar sem einstaklinga eru sjálfsagt hvorki
meiri eða minni en annarra frambjóðenda en það sem úrslit-
um ræður og við viljum benda þér sérstaklega á er sú stefna
sem við fylgjum í bæjarmálum og reynslan hefur kennt að
hefur stuðlað að batnandi hag og bættu mannlífi hér í bæ. Við
teljum að einkenni þessarar stefnu sé kjarkur, dugnaður og
framsýni. Með það að leiðarljósi teljum við flesta vegi færa.
Ef þú ert sama sinnis þá eigum við samleið. Að sjálfsögðu
munt þú spyrja: Hvað ætlar þessi hópur að gera sem réttlætir
fylgi mitt?
Svarið er að finna í hugmyndum okkar um eflingu at-
vinnulífsins sem er að okkar mati grundvallaratriði, aukinni
þjónustu við unga og aldna og stórauknu átaki í umhverfis-
málum og þá fyrst og fremst I gatnagerð og frágangi opinna
svæða í bænum. Við bendum á að alger samstaða hefur verið
um steinullarverksmiðjuna en undirbúningur að stofnun
hennar hófst á kjörtímabilinu 74-78 þegar framsóknarmenn
voru leiðandi afl í bæjarstjórn og það er allra von að það mál
fái farsælan endi. En við teljum aö samtímis verði að renna
fleiri stoðum undir atvinnulifið í bænum, en það hefur núver-
andi meirihluti vanrækt. Einhugur hefur verið um byggingu
íþróttahúss en dugleysi núverandi meirihluta hefur tafið
framkvæmdir. Við erum tilbúin að hafa forgöngu um farsælan
framgang þess máls. Við bendum þér á forgöngu framsókn-
armanna um byggingu dvalar- og hjúkrunarheimilis fyrir aldr-
aða, þar hefur verið unnið af bjartsýni og djörfung. Hug-
myndum okkar um gatnagerð var hafnað af núverandi meiri-
hluta allt þetta kjörtímabil. Þú getur treyst okkur til þess að
taka það verkefni upp að nýju af fullri einurð.
í síðustu kosningum vantaði B-listann aðeins 3 atkvæði til
að koma fjórum mönnum í bæjarstjórn. Takmarkið nú er þvi
að tryggja kosningu Péturs Péturssonar. Sigur B-listans þýðir
að aftur verður tekin upp stefna áræðis og kjarks þar sem
trúin á framtíð bæjarins er hið leiðandi afl.
Hugsaðu málið vel, trúlega eigum viðsamleið.
ÁVARP FRAMBJÓÐENDA FRAMSÓKNARFLOKKSINS
Féýkir . 13