Feykir - 02.07.1982, Síða 1
[Þjngme^rS^BBHHi
Nýr vegur um
Þverárfjall
„Friður á jörðu" Sjá bls. 4-5
Vegur opinn allan ársins hring um Þverárf jallsleið fæli í sér að
vegalengdin frá Sauðárkróki til Blönduóss styttist úr 75 km í
45 km, leiðin frá Sauðárkróki til Skagastrandar myndi stytt-
ast um rúmlega 40 km.
Marga dreymir um slíkan veg því hann myndi létta alla
samvinnu milli sveitarfélaganna um miðbik Norðurlands-
kjördæmis vestra og auðvelda einstaklingum og fyrirtækjum
öll samskipti. Við snérum okkur til alþingismannanna Eyjólfs
Konráðs Jónssonar, Stefáns Guðmundssonar og Pálma
Jónssonar ráðherra og spuröum þá hvern hug þeir bæru til
slíks vegar.
Eyjólfur Konráð Jónsson
alþingismaður:
Ég tel að það gæti verið mikilsvert
fyrr en síðar að leggja veg um
Þverárfjall sem halda mætti opnum
allan ársins hring. Fyrst og fremst
til að tengja Blönduós, Sauðárkrók
og Skagaströnd því að það stuðlar
að heppilegri þróun menningar- og
atvinnumála. Þetta svæði gæti orð-
ið nánast ein heild í atvinnulegu
tilliti t.d. ef einhver meiriháttar
iðnaður risi á einhverjum staðanna
því að þá gæti fólk stundað þar at-
vinnu þó að það væri búsett annars
staðar á svæðinu. Með tilkomu
útibús Landsbanka íslands á
Skagaströnd bætist svæðinu öflug-
ur banki og við það hljóta sam-
skipti öll að aukast. Atvinnutæki-
færum fjölgar auðvitað ef menn
geta leitað fanga víðar en innan
síns eigin byggðarlags og öll sam-
skipti fólksins í þessum sveitarfé-
lögum er vitaskuld af hinu góða.
Stefán Guðmundsson
alþingismaður:
Ég er mjög hvetjandi þess að Þver-
árfjallsvegur verði lagður. I fyrra
var unnið fyrir s.k. jaðarbyggðafé
að vegarbótum á Laxárdalsheiði og
á síðastliðnum vetri vann Vega-
gerðin að snjómælingum á Þverár-
fjallsleið en það er forsenda þess að
velja megi heppilegt vegarstæði.
f mínum huga er lagning þessa
vegar eitt mikilvægasta málið í
sambandi við samvinnu byggð-
anna við Skagafjörð og Húnaflóa.
Má í því sambandi benda á góða
reynslu Sauðárkróksbúa og Hofs-
óssbúa af samvinnu um útgerð.
Vegalengdin frá Sauðárkróki til
staðanna við Húnaflóa yrði lítið
lengri en nú er til Hofsóss. Bændur
sem best þekkja til á þessum slóð-
um telja að finna megi heppilega
leið t.d. með tilliti til snjóalaga.
Pálmi Jónsson
ráðherra:
Þegar brúin á Laxá var byggð fyrir
u.þ.b. áratug varð Þverárfjallsvegur
sæmilega greiðfær öllum bílum að
sumarlægi. Mikilsvert hefði verið
að geta bætt veginn meira eða
byggt hann alveg upp í þeim til-
gangi að tengja betur saman
byggðalögin beggja vegna fjallsins.
Þetta hefur ekki tekist af þeirri
einföldu ástæðu að við vegagerð
sem og aðrar framkvæmdir verður
Framhald á bls. 7.
Að lokinni prestastefnu:
Hverfum frá jafn-
vægi óttans eða
förumst.
Sr. Þórir Kr. Þórðarson
„Afstýrum kjarnorkustyrjöld
og gjöreyðingu alls lífs “
Sr. Þórir Kr. Þórðarson.
Við hittum Þóri Kr. Þórðarson
prófessor að máli að lojvéni
prestastefnu og spurðum hann
hvað fælist í hinu kristna friðar-
hugtaki.
Hið kristna friðarhugtak markast
af orðunum „sáttargjörð“, „sam-
eining", „heill og heilindi", „vel-
ferð“ og „velfarnaður“. Það táknar
þjóðfélagsskipan þar sem ríkir
réttlæti, réttvísi, miskunn og elska.
Andspænis þessari skipan friðar
og miskunnar stendur „hið illa“,
hin tortímandi öfl, er sundra vilja
því og sundur slíta friðinn.
Það er höfuðatriði þessa friðar-
hugtaks kristinnar trúar, að það er
Guð sem komið hefur skipan þess-
ari á og viðheldur henni en berst
um leið gegn hinum sundrandi öfl-
um. Þetta er kallað sköpun og
endurlausn á máli kristninnar.
Þessi skipan þjóðfélags og fjöl-
skyldu á einnig við um náttúruna.
Allt lífríkið, vistkerfið allt er ein
órofa heild, hún er líf, og guðsvilj-
inn eflir þetta líf, Guð er þetta líf
lífríkisins, þjóðfélagsins og fjöl-
skyldunnar. En Guð er ofar þessu
lífi, hann er rót þess, upphaf, skap-
ari þess.
Aðeins með því að ganga inn í
þetta líf Guðs í friði, elsku, réttlæti
og réttvísi getur maðurinn lifað
sönnu lífi og að þessu tilskyldu sem
að ofan greinir getur maðurinn af-
stýrt kjarnorkustyrjöld og gereyð-
ingu alls lífs á jörðinni. Guð er
grundvöllur þessa friðar. Sjálfur
hefur hinn frjálsi maður komist á
tindinn í vísindum og tækni með
framleiðslu kjarnorkusprengjunn-
ar og stýriflauganna.
Þetta sagði Þórir og hvarf síðan
út ískagfirsku náttúrufegurðina.
Sr. Bernharður Guðmundsson
„Hryggilegt að hægri menn skuli ekki
hafa treyst sér til að taka þátt í þessari
umræðu“
Við spurðum sr. Bernharð Guð-
mundsson um það hvað honum
þætti markverðast í ályktun
prestastefnu.
Sr. Bernharður Guðmundsson.
Steundum bregða menn fyrir sig
ensku orðunum preace and justice,
friði og réttlæti í þessari röð. Með
réttu ætti að snúa þessu við og
nefna réttlætið fyrst friðinn síðan
því eins og fram kemur í ályktun
prestastefnu er friður afleiðing
rettlætis. Það sem mér þykir
athyglisverðast í þessari ályktun er
að prestastefnan kemur þeim til-
mælum til kirkjustjórnarinnar að
hún hafi forgöngu í umræðunni um
friðarmálin og kalli til þeirrar um-
Framhald á bls. 7.