Vestfirska fréttablaðið - 27.05.1992, Blaðsíða 1
MIÐVIKUDAGUR 27. MAI 1992
15. TÖLUBLAÐ • 18. ÁRGANGUR
VESTFIRSKA
RITSTJORN OG AUGLYSINGAR:
SÍMI 944011 • FAX 94-4423
Stúdentar frá MÍ 1992.
Ljósmynd Arný Herbertsdóttir.
Menntaskólanum á ísafirði slitið í síðasta sinn:
—
Magnfreð í Ólympíuliðið
Á fundi Olympíunefnd-
ar íslands sl. mánudag var
endaniega valinn sá hópur
sem keppir fyrir hönd ís-
lands á Ólympíuleikum
þroskaheftra sem fram fara
í Madrid á Spáni í sumar.
Magnfreð Jensson frá
ísafirði var valinn í þennan
hóp og keppir hann í 50 og
100 m bringusundi og í 50
og 100 m skriðsundi.
Magnfreð er mjög vel að
þessu kominn og hefur bætt
sigverulega í vetur, t.d. um
heilar 14 sek. ( 1(K) m
skriðsundi. Hann mun æfa
með landsliðshópnum
þangað til farið verður til
Madrid undir stjórn
Erlings Þ. Jóhannssonar
landsliðsþjálfara.
Þetta er glæsilegur ár-
angur hjá þessum unga
sundmanni, sem hefur náð
markmiði sínu með góðri
ástundun og rækt við íþrótt
sína.
Sundfélagið Vestri óskar
Magnfreð innilega til ham-
ingju og vonar að honum
gangi sem best á ieikunum
og í framtíðinni.
Óli Þór.
Um 6% Vestfirðinga stunduðu nám með
einhverjum hætti við skólann í vetur
— Meiri festa í kennaraliði en áður hefur þekkst
Þær Zsuzsanna og Beáta úti við grænan AusturvöII, glað-
legar í góða veðrinu.
Tónleikar á ísafirði á uppstigningar dag:
Tvær ungverskar leika
fjórhent á píanó
Menntaskólanum á ísafirði
var slitið sl. laugardag og voru
afhent prófskírteini til
nemenda sem lokið höfðu
burtfararprófum eða áfanga-
prófum sem veita réttindi í
ólíkustu greinum. Þar var um
að ræða þrjá vélaverði, sex
nemendur sem luku 2. stigi
vélstjórnarnáms, einn af
skipstjórnarbraut, fímm sem
luku verslunarprófí, einn sem
lauk almennu meistaranámi
iðnaðarmanna og tvo sem
luku meistaranámi í húsasmíð-
um. Loks voru brautskráðir 30
nýstúdentar.
Af nýstúdentunum braut-
skráðust þrír af eðlisfræði-
braut og af þeim hlaut hæsta
aðaleinkunn Halldóra íris Sig-
urgeirsdóttir úr Bolungarvík.
Af hagfræðabraut komu átta
og af þeim fékk hæsta einkunn
Margrét Björk Arnardóttir úr
Hofshreppi í Skagafirði, en
hún er jafnframt dux scholae.
Af mála- og samfélagsbraut
komu níu stúdentar, og fékk
þar hæsta einkunn Margrét
Alda Sigurvinsdóttir frá
Suðureyri. Af náttúrufræði-
braut komu svo tíu stúdentar,
og fékk Jóna Björg Guð-
mundsdóttir á ísafirði hæsta
einkunn þeirra.
NEMENDUR í VETUR
FLEIRI EN í FYRRA
Nemendur í Menntaskólan-
um á ísafirði voru nokkru
fleiri í vetur en í fyrra. I dag-
skóla voru á haustönn 234
nemendur, en á vorönn 210. f
öldungadeild og meistara-
skóla voru 107 á haustönn en
81 á vorönn. Alls munu fast að
350 nemendur hafa komið við
sögu samanlagt í dagskóla og
öldungadeild á vetrinum
öllum. Þetta kom fram í
skólaslitaræðu Björns Teits-
sonar, skólameistara, og
verða hér rakin fleiri atriði úr
máli hans.
FJARNÁM, FARSKÓLI
í vetur var í fyrsta sinn rekið
svonefnt fjarnám við Mennta-
skólann á ísafirði. Það er mið-
að við þarfir nemenda í dreifð-
ustu byggðunum, sem standa
þá í bréfa- og símasambandi
við kennarana, en um er að
ræða fullgilda námsáfanga
sem gefa einingar til stú-
dentsprófs. f nánum tengslum
við skólann er Farskóli Vest-
fjarða, sem er með náms-
flokka- eða kvöldskólasniði,
og voru haldin á vegum hans
21 námskeið í vetur. Þau
lengstu voru 30 tonna skip-
stjórnarnámskeið, sem voru á
fimm stöðum, en annars voru
fjölmargar námsgreinar í
boði. Námskeiðin voru haldin
á ísafirði, í Bolungarvík, á
Suðureyri, Flateyri, Patreks-
firði, Hólmavík og Drangs-
nesi. Nemendur á þeim voru
264 talsins. Þegar allt er talið
munu um 6% af íbúum Vest-
fjarða hafa stundað nám með
einhverjum hætti á vegum
Menntaskólans á ísafirði í
vetur.
LÁTINNA
NEMENDA MINNST
í ræðu sinni minntist Björn
Teitsson skólameistari tveggja
ungra manna sem fórust í bíl-
slysi á Óshlíð 2. nóvember í
vetur, þeirra Bernódusar Am-
ar Finnbogasonar þáverandi
nemanda og Ágústs Helga
Markússonar fyrrverandi
nemanda skólans.
DUGMIKLIR FORYSTU-
MENN NEMENDA
Skólameistari þakkaði for-
ystumönnum nemenda marg-
víslegt samstarf við stjórnend-
ur skólans, og tiltók sérstak-
lega þá Inga Þór Ágústsson
formann nemendafélagsins og
Eirík Sverri Björnsson sem
hafði umsjón með Sólrisuhá-
tíð.
FESTA í KENNARALIÐI
Af starfsmannahaldi er það
að segja, að Helga Haralds-
dóttir skólaritari fór í barns-
burðarleyfi frá áramótum en í
stað hennar var Þóra Gests-
dóttir ráðin. f lok marsmánaðar
veiktist húsvörður skólans,
Ástvaldur Björnsson, og fyrir
nokkru kom Ingjaldur Guð-
mundsson í hans stað. Meðal
fastra kennara skólans hafa
ekki orðið miklar breytingar.
Um áramót hætti þó Sigurður
lónsson, en við tók Stefán
Jörundsson, sem kennt hefur
stærðfræði. Fastir kennarar
voru í vetur átján talsins, auk
skólameistara, þar af sextán í
fullu starfi. Við sögu komu
síðan alls 25 stundakennarar
á ísafirði og á Patreksfirði.
Venjulega hafa réttindalausir
kennarar eða leiðbeinendur
verið í ótvíræðum meirihluta
meðal fastra kennara skólans,
en svo var ekki í vetur. Festan
í kennarahópnum er nú með
þeim hætti, að ekki er fyrir-
sjáanlegt að neina kennara
þurfi að ráða til starfa í haust
við skólann.
MENNTASKÓLANUM Á
ÍSAFIRÐI SLITIÐ
í SÍÐASTA SINN
Þetta voru síðustu skólaslit
Menntaskólans á ísafirði, en
hann er nú orðinn hluti af hin-
um nýja Framhaldsskóla Vest-
fjarða. Formaður nýskipaðrar
skólanefndar Framhaldsskóla
Vestfjarða er Pétur Bjarnason
fræðslustjóri, en Björn Teits-
son er eftir sem áður skóla-
meistari undir hinni nýju
skipan.
Á morgun fímmtudag,
uppstigningardag 28. maí,
verða spennandi og
óvenjulegir píanótónleikar
í sal Grunnskólans á ísa-
fírði og hefjast kl. 20.30.
Þá munu þær Beáta Joó
og Zsuzsanna Budai leika
saman fjórhent á píanó.
Efnisskráin verður fjöl-
breytt og skemmtileg, með
verkum eftir Mozart,
Bizet, Debussy og Brahms.
Beáta Joó er fædd í
Szeget í Ungverjalandi.
Hún hóf þar tónlistarnám
4ra ára gömul og lagði
stund á píanóleik frá 7 ára
aldri. Aðalnámsgreinar
hennar við Franz Liszt
tónlistarháskólann í
Búdapest voru tónmennta-
kennsla og kórstjórn, og
lauk hún lokaprófi sumarið
1986. Sama haust fluttist
Beáta Joó til ísafjarðar og
hefur starfað hér síðan sem
tónlistarkennari, kórstjóri
og organisti.
Zsuzsanna Budai fæddist
í borginni Szeged í Ung-
verjalandi og hóf píanó-
nám sex ára að aldri. Árið
1983 vann hún til fyrstu
verðlauna í pt'anókeppni
æskufólks í Ungverjalandi.
Hún lauk prófi árið 1988 og
stundaði síðan kennslu í
Búdapest, m.a. við Franz
Liszt tónlistarháskólann,
þar tii hún kom til íslands
sl. haust. Hún kennir nú
við Tónlistarskóía ísafjarð-
ar. Zsuzsanna hefur haldið
einleiks- og kammertón-
leika í Búdapest og fleiri
stórborgum í Ungverja-
landi.
Rafþjónusta Raftækjasala Rafeindaþjónusta Siglingatæki Kælitæki
SALA & ÞJÓNUSTA
PÓLLINN HF.
Verslun S3092