Feykir - 04.12.1985, Blaðsíða 2

2 FEYKIR 24/1985
Afmælisávarp
Bima Jónsdóttir 80 ára
18. nóvember 1985
Ég frétti það í gærkvöldi, að
frænka mín Birna Jónsdóttir
ætti afmæli í dag. Ég vissi að við
vorum bæði fædd 1905, en
hvenær á árinu afmælisdagur
hennar var vissi ég ekki.
Ég held ég megi segja, að
kynni okkar hafi nú staðið í 70
ár. Mikil og góð vinátta var á
milli heimila okkar. Feður
okkar voru bræður og auk þess
voru mæður okkar fóstursystur
á Sveinsstöðum. Þegar faðir
minn fór í kaupstaðinn gisti
hann alltaf hjá bræðrum sínum á
Langholtinu eða á Marbæli, þar
sem hann ólst upp að nokkru.
Allan þennan tíma sem ég
nefndi, hafa kynni okkar Birnu
verið meiri eða minni.
Á þeim tíma þegar ég var
fjármálaráðherra í „Lýtó”, var
rekið barnaheimili í Steinsstaða-
skóla og var Birna ráðskona þar
eitt sumarið og það gekk svo vel,
að nokkur ágóði varð af
rekstrinum, sem ekki er alltaf af
slíkum rekstri. Og ekki vantaði
það að Birna var góð við börnin
og hugsaði vel um þau.
Þegar ég læt hugann reika til
fyrri tíðar, verður mér hugsað til
eiginmanns Bimu, Eiríks Sigmunds-
sonar. I fyllingu tímans kom
hann austan af Héraði, gekk að
eiga Birnu og var hér síðan
meðan ævin entist. Afkomendur
þeirra munu nú vera all margir.
Eiríkur Sigmundsson vareinn
af allra skemmtilegustu mönnum,
sem ég hef þekkt. Hann var
greindur og gjörhugull, sagði vel
frá og bjó yfir kímnigáfu. Hann
var líka vel að manni, hraust-
menni eins og frændur hans
margir austur þar, en þeir voru
af ætt Hafnarbræðra, sem Sigfús
Sigfússon segir frá. Synir Eiríks,
Jón og Sigmundur voru taldir
með hraustustu mönnum í
héraði voru og þá eiginleika
hafa þeir erft úr föðurætt.
Það finnst mér heldur engin
tilviljun, að Jón Páll sterkasti
maður heims er kominn af
systur Hafnarbræðra.
I ætt okkar Birnu er mikið
skaplyndi hjá ýmsum ætt-
mönnum og mitt skaplyndi
hefur ekki verið neinn lognsær.
Sumir reyna að stilla skap sitt
og milda og tekst sumum það að
einhverju leyti, en öðrum ekki.
En Birna Jónsdóttir þurfti
ekki á því að halda að temja
skaplyndi sitt. Hún er svo af
guði gerð, að hún skiptir ekki
skapi, er jafnlynd og hlý í
viðmóti, prúðmannleg í fram-
göngu alltaf og allsstaðar.
Ég hef heyrt því haldið fram,
að stillt geð sé vitnisburður um
andlegan þroska.
Nýlega átti ég tal við Markús
á Reykjarhóli. Hann sagði mér
frá því, að þegar hann var 7 til 9
ára, hafi hann gengið frá
Ipishóli ofan í Grófargil til þess
að læra hjá Birnu og svo bætti
hann við: „Hún er afbraðgskona”.
Ég þurfti ekki að fá neina lýsingu
af frænku minni hjá Markúsi, en
mér þótti samt vænt um að heyra
þetta, því ég veit að Markús er
hispurslaus í umsögnum um
fólk, bæði til hins betra og verra.
Ég hygg, að allir sem hafa
kynnst Birnu, geti sagt það sama
og Markús. Það er mikil gæfa að
eiga góðan hug frá öllu
samtíðarfólki. Fleira þarf ég
ekki að segja. Þetta er nóg.
Ég þakka frænku minni
vináttu og góðvild á liðnum
tímum og óska henni allra heilla
á afmælisdegi.
Björn Egilsson
Sigfiis Steindórsson:
Skrikað
linunní
Þann 30. 10. barst mér Fram
blaðið, október blað 1985 3.
tölublað 5. árgangur. Þar er
ýmsan fróðleik að finna um
málefni verkalýðsins, en þegar
ég kom að „sláturhúsasamningur”
brá mér í brún, það var keimlíkt
fréttaviðtali við sláturhússtjóra
K.S. í blaðinu Feyki frá 9.
október.
Það er falskur tónn í fréttinni
þrátt fyrir að Jón Karlsson sé
kominn af tónlistarfólki frá Mýri
í Bárðardal.
Jón Karlsson formaður Fram
veit vel að ekki er búið að mæla
upp neðri sal sláturhússins,
hann veit líka vel að þar var
enginn ánægður, hann veit líka
vel að þar voru margir í tvöföldu
starfi og að þessi hraðabónus
sem þar gilti gaf um það bil 30
kr. á klst. ofan á tímakaupið sem
var nálægt 148 kr. á tímann.
Nú getur formaður Fram lagt
saman 148 og 30 og deilt í með 2
þá sér hann hvað litli Jóninn
hefur á klst., það er eitthvað
minna en séra Jónarnir hafa sem
Jón Karlsson mun telja sig til.
Ef formaður Fram álítur að
svona vinnubrögð auki traust
hinna lægst launuðu til hans þá
er íllt í efni.
Mér virðist Jón Karlsson
formaður Fram hafa skrikað út
af hinni réttu línu í starfi sínu.
út af
Jafnframt því mun hann
hinsvegar skríkja yfir hinni góðu
aðstöðu sem hann er búinn að
skapa sér og sínum. Enda farinn
að láta ellilífeyrisþega borga
hálfu meira en áður í félagsgjöld.
Nú er ég svo kurteis að ég ætla
ekki að hafa minna við
formanninn en sláturhússtjóra
K.S. og bjóða honum í
sjónvarpið til að ræða málefni
verkalýðsins.
En til vonar og vara ætla ég á
námskeið sem verður hér á
Sauðárkróki 15.,16. og 17. þessa
mánaðar. Tvær glæsifrúr að
sunnan koma til að hjálpa
mönnum að auka við sjálfs-
traustið.
Með kveðju
Sigfús Steindórsson
(einn af litlu Jónunum)
P.s. Rétt í þessu var ég að
frétta að Ásmundur hærulangur
væri að svífa á sínum stuttu
vængjum eitthvað út í heim sér
til hvíldar og hressingar, Jón
þarf þá ekki að tefja sig á því að
tala við hann næst þegar einhver
litli Jóninn kemur í heimsókn.
7542-9762
Bréf þetta hefur beðið birtingar
frá því um miðjan nóvember. Er
beðist velvirðingar á því.
Ritstjóri
P"P"? BÆNDUR
NORÐURLANDI
Graskögglár™^
Ódýrasta fóðríð
VALLHÓLMUR GRASKÖGGLAVERKSMIÐJA HF
Símar 95-6133 og 6238 - Skagafirði

STAÐGREIÐSLU-
AFSLÁTTUR
SAUÐÁRKRÓKSBÆR
Vélvirkja vantar
Vanan vélvirkja vantar til starfa hjá Hita- og
vatnsveitu Sauðárkróks.
Góð kunnátta í logsuðu og rafsuðu nauðsynleg.
Umsóknarfrestur er til 12. des. '85. Frekari uppl.
veitir veitustjóri í síma 95-5257.
Hita- og vatnsveitan.
Heimsendingar-
þjónusta
Vikuna fyrir jól (16.- 23. des.) bjóðum
við viðskiptavinum okkar í Skagafirði
heimsendingarþjónustu. Hringið
tímanlega í síma 5935 og gerið
pöntunina og við komum með
vörumar heim að dyrum.
Nú bjóðum við AFSLÁTT AF TILBOÐS-
VERÐI - verðið hefur aldrei verið jafn
lágt. Ef keyptir eru heilir kassar af
ávöxtum, grænmeti eða gosdrykkjum
veitum við sérstakan afslátt frá tilboðs-
verði okkar.
SS vörurnar þekkja allir. Frábært úrval
af kjötvörum frá SS - jólahangikjötið frá
SS er í sérflokki.
Aðalmarkaðurinn er fullur af vörum
Konfekt - kerti - dúkar - servíettur - bökunar-
vörur - niðursuðuvörur - nýlenduvörur - hrein-
lætisvörur.
Fagmennirnir versla hjá okkur. Hótel og
veitingahús Sauðárkróks kaupa alla sína ávexti
og grænmeti hjá okkur.
ÞÚ GETUR TREYST ÞEIM TILAÐ ÞEKKJAGÆÐIN
Aðalmarkaðurinn við Aðalgötu
Sauðárkróki
FULL BÚÐ
af nýjum vörum
Full búð
af nýjum vörum
Kuldaskór á alla fjölskylduna. Yfir 20 tegundir.
Spariskór - götuskór - innískór. Uppreimaðir
jóiaskór á krakka.
Töskur - veski - hanskar. Tilvalið til jólagjafa
VERSLIÐ í SÉRVERSLUN
Op/'ð föstudag 6. des. til kl. 19.00
laugardag 7. des. til kl. 18.00
Skóbúð Sauðárkróks
Aðalgötu 10 - Sími 5405
Óháð fréttablað
fyrir Norðurland vestra
^ rynr norourianc
Feykir
■ RITSTJÓRI OG ÁBYRGÐARMAÐUR: Hávar Sigurjónsson ■ ÚTGEFANDI: Feykir
hf. ■ SKRIFSTOFA: Aöalgötu 2, Sauöárkróki ■ PÓSTFANG: Pósthólf 4, 550
Sauðárkrókur ■ SÍMI: 95:5757 ■ STJÓRN FEYKIS HF.: Hilmir Jóhannesson, Sr. Hjálmar
Jónsson, Jón F. Hjartarson, Sigurður Ágústsson, Sæmundur Hermannsson ■ BLAÐA-
MAÐUR: Magnús Ólafsson ■ ASKRIFTARVERÐ: 30 krónur hvert tölublað; í lausasölu 35
kr. ■ GRUNNVERÐ AUGLÝSINGA: 140 krónur hver dálksentimetri ■ ÚTGÁFUTÍÐNI:
Annan hvern miövikudag ■ PRENTUN: Dagsprent hf., Akureyri ■ SETNING OG
UMBROT: SÁST sf., Sauðárkróki.