Feykir - 07.03.1990, Síða 5

9/1990 FEYKIR 5
Ný stóðhestastöð á Hólum:
Ætlað að efla skipulagt
ræktunarstarf og auka úrval
Á llólum i Hjaltadal hóf í
haust starl'semi stóðhestastöð,
sem hrossaræktarsamhöndin í
I lólastifti hinu forna standa
að ásamt hændaskólanum. Tíu
hross eru í stöðinni í einu og
fæst Egill Þórarinsson tamn-
ingamaður úr Fljótum við
tamningu þeirra.
Starfsstjórn þessara stöðvar
mynda einn aðili frá hverju
hrossaræktarsambandanna á
Noðurlandi og aðalkennari
við hrossarækt í Hólaskóla,
Þórir Magnús Lárusson.
Hafði hann þetta að segja um
markmið stöðvarinnar:
„Starfsstjórnin velur fola
inn í stöðina í samráði við
hrossaræktarráðunaut Búnaðar-
félags Islands. I valinu er
tekið tillit til ættar og útlits,
en einnig er haft að leiðarljósi
samstarf hrossaræktarsamband-
anna. Hross eru því valin frá
öllum samböndunum, að
vísu mismunandi mörg frá
hverju.
Graðfolar valdir
of snemma
Tilgangurinn með þessu
samstarfi er tvenns konar:
Að efla og auka skipulagt
ræktunarstarf og auka mögu-
leikana til útvals. Það hefur
nefnilega verið þannig að
menn hafa freistast til þess að
taka ákvarðanir um val
graðfola of snemma, það er
fyrir tamningu. Þetta teljum
við rangt, það eigi ekki að
velja graðhesta fyrr en eftir
tamningu. Það eru nefnilega
svo margir eiginleikar í
hestinum sem ekki er hægt að
meta fyrr en eftir tamningu.
Hingað koma folarnir 4-5
vetra inn í stöðina og eru
tamdir í þetta 2-4 mánuði.
Þessi stöð er frábrugðin stöð
Búnaðarfélags íslands í
Gunnarsholti á Rangárvöll-
um að því leyti, að þar alast
ungfolarnir upp alveg frá
æsku. Hér fyrir norðan sjá
eigendurnir um uppeldið”.
En er þetta samt ekki ansi
fátt til að skapa mikið úrval?
Mismunandi eins
og mannskepnan
„Jú auðvitað mættu þeir
vera Beiri. Við sem teljum
okkur hafa vit á þessu
segjum að í hverjum árgangi
þurfi að vera 120 hestfolöld
sem hægt sé að velja úr um
allt land. Og vitaskuld
væntum við þess að stöðin
stækki seinna meir. Eg tel að
hér á Hólum vanti 50 hesta
hús til viðbótar til að anna
eftirspuminni við hrossaræktar-
námi og reiðmennsku. Hér
eru 70-75 hross á járnum en
þyrftu að vera mun fleiri.
Þessi tala, 10 hross, passar
alveg handa einum manni, ef
við bættum við 10. þyrfti við
annan mann og svo vantar
húsrýmið”.
En er þetta ekki erfitt
Tamningamaðurinn Egill að störfum.
verkefni sem Egill tamninga-
maður fæst við? Eru hrossin
ekki mjög mismunandi þegar
þau koma frá svona mörgum
hrossaræktarsanrböndum?
„Kannski ekki af þeirri
ástæðu. Hinsvegar þarf góður
tamningamaður að vera
mörgum og góðum eigin-
leikum búinn. Hestar eru
eins og mannskepnan svo
ákaflega mismunandi. Það
þarf að meta geðslag,
skapnað og hæfileika hestsins.
Eg hef hvort tveggja fengist
við að kenna hestum og
mönnurn. Mér finnst það
mjög svipað ”, sagði
Þórir Magnús að endingu.
Hann var kennari og skóla-
stjóri í nokkra vetur á
Borðeyri áður en hann kom
til starfa á Hólum fyrir
nokkrum árum.
Þórir Magnús Lárusson og Egill Þórarinsson.
Viðskiptavinir athugið!
Frá og með mánudeginum 12. mars nk.
verður einungis tekið við skilavörum
gegn framvísun kassakvittunar.
Geymið því vel ykkar kassakvittun
Ef þú kaupir vöru hjá okkur sem ætluð
er til gjafa, færðu sérstakan límmiða
sem settur er á vöruna svo viðtakandi
geti skilað henni ef honum sýnist svo
Skagfirðingabúð verður lokuð
laugardaginn 10. mars nk.
J§~SkagfirÍ>ingdbúb