Feykir - 12.12.1990, Blaðsíða 10

10 FEYRIR 44/1990
hagyrðingaþáttur 87
þegar tjallað var um umhverljs-
Heilir og sælir lesendur
góðir. Nokkuð vantaði á að
allur texti kæmist til skila í
síðasta þætti. Eins og þið
hatlð séð var ekki mögulegt
að tengja saman tvo síðustu
dálkana svo vel færi. Máls-
greinin átti að líta svona út:
Frægt varð þegar fræðslu-
stjóri þeirra Vestfirðinga
kvaðst ekki taka annað sætið
á lista framsóknar. en breytti
svo ákvörðun sinni eftir að
skoðanakönnun um röð í
efstu sæti listans hafði farið
fram. Um þessi tíðindi var
ort svo fyrir vestan o.s.frv.
Eins og margir hafa eflaust
heyrt, var mikill hávaði á
Alþingi nú á dögunum,
þegar Halldóri Blöndal hitn-
aði í hamsi við forseta
þingsins. Svo mun hafa
komið fyrir áður að Halldór
gerðist nokkuð hávær í
sölum Alþingis. Afeinuslíku
tilefni orti Páll á Höllu-
stöðum eftirfarandi vísu.
Hart er skap í Halldóri,
honum leiðist forseti,
tifar burtu titrandi.
trjónuvitlaust helvíti.
Onnur vísa kemur héreftir
Pál og voru tildrög hennar
umræður á Alþingi sl. vetur.
ráðuneytið, sem engtnn vissi
hvort yrði fugl eða fiskiir.
þótt ráðherrann væri kominn
á kreik og jeppinn frægi
kominn í hans hendur. sem
um tíma virtist vera aðalmál
umhverfisráðuneytisins.
Júlli er frískur og frekur
og llinkur að ýmsu leyti.
gráðugur ekur og ekur
umhverfis ráðuneyti.
í tilefni af 60 ára afmæli
Guðmundar H. Garðarssonar
nú fyrirskömmu birtist í DV
pistill um ættir hans og kom
þá í ljós að hann rakti meðal
annars skyldleika til Stefáns
Valgeirssonar. Um þessi
tíðindi orti Halldór Blöndal.
Mínar kveðjur vel skal vanda
vegsemd drengnum auðnist
meiri.
Að honum traustar stoðir
standa
Stefán Valgeirsson og fleiri.
Við síðustu stjómarmyndun
tók nokkuð langan tíma að
hnoða Borgaraflokknum inn
í ríkisstjórnina, og eftir því
sem það nálgaðist meira
minnkaði yfirvigtin á Stefáni
Valgeirssyni í þeim búskap.
Um þá stöðu mála orti
Halldór þessa \ ísu.
Bráðum stjórnin birtist ný.
blendin mög að kvni.
Strax er farið að stvttast í
Stefáni Valgeirssyni.
í kosningunum 1983 bauð
Sigurlaug Bjarnadóttir fram
sjálfstætt á Vestfjörðum og
keppti þar við félaga sína
Matta Bjarna og Þorváíd
Garðar. Um s\ipað leyti orti
Halldór Blöndal í orðastað
Sigurlaugar.
Vargfuglarnir víða um heim
valda usla. leiðu þrasi.
Nú þarf að fækka þessum
tveim.
Þorvaldi og Matthíasi.
Einu sinni var Jón Pálma-
son á Akri að borða steik á
Hótel Borg. og að sjálfsögðu
voru grænar baunir, sósa.
sulta og annað tilheyrandi
með. Jón vildi setja þetta upp
í sig með hnífnum eins og
siður var víða til sveita. og
gekk það ágætlega með
kartöflurnar og kjötið en
verr með grænu baunirnar.
Stefán Jónsson fréttamaður
gaf Jóni eftirfarandi ráð.
Rektu nú af þér raunirnar.
rífðu þig upp úr kífnum.
berðu sultu á baunirnar
svo þær ballanseri á hnífnum.
Lengi verða framboðsmál
og ýmsar uppákomur. sem
tengjast stjórnmálamönnum.
að yrkisefni. Einar Krist-
mundsson í Grænuhlíð í A,-
Hún. yrkir svo.
Mörgu skeikar, skelfd er
þjóð.
skálkar sleikja rjóma dagsins.
Ólafur reikar ranga slóð
raunveruleikabandalagsins.
Eftir næstu vísu að dæma
hefur höfundurinn. Friðbjörn
í Staðartungu, ekki verið yfir
sig hrifinn af þeim fulltrúa.
sem hans flokkur valdi
einhverju sinni til þing-
mennsku. Armann sá. er
nefndur er í vísunni, mun
hafa verið formaður flokks-
félagsins.
Ármann minn er aðgætinn.
alltaf vill hann spara.
Lélegasta lambhrútinn
lét hann suður fara.
Það er Hjalti Jónsson,
áður bóndi í Víðiholti í
Skagafirði, sem á næstu vísu.
Þó að margt sé mærðin tóm,
misjöfn art í hótum,
ennþá skartar ástarblóm
undir hjartarótum.
Eysteinn G. Gíslason í
Skáleyjum er ómyrkari í máli
\ið þá. sem helst vilja láta
skera niður allan bústofn
okkar bænda. Hann yrkir
svo.
Skjótum allar ær og kýr.
enda bættur skaðinn.
Sníkju-, mein- og möppudýr
mætti rækta í staðinn.
Ekki veit ég hvern skáldið
Tómas Guðmundsson er að
hughreysta í næstu vísu.
Þá muntu aftur öðlast ró og
frið.
sem endist fram að þínum
dánarbeði.
Og sáttur skildstu veröldina
við
og vinir þínir jarða þig með
gleði.
Þá er ekki annað eftir en
Ijúka þættinum, að þessu
sinni með fallegri vísu eftir
Guðmund Þ. Þórarinsson
alþingismann, sem hann
sendi eitt sinn góðum vini
sínum.
Bið ég þá geisla er glæstir
skína
á gæfunar forgöngu braut
að vernda og lýsa vegina þína
og verja þá hverri þraut.
Verið þið sæl að sinni.
Guðmundur Valtýsson
Eiríksstöðum
SAUÐÁRKRÓKUR ER VERSLANAMIÐSTÖÐ • SAMTÖK SÉRVERSLANA Á SAUÐÁRKRÓKI
Fcill búð af nýjum vörum
Gjafavörcir, kikföng,
karfi, servíaftar
Konfekt í miklu úrvali
Sama lága veröið
Teriö velkomin
Haraldar júlkissonar
JÓLAFÖ™ • JOLASKORNIR
ogalttí jólapakkann
Sparta fataverslun • skóbúð
Arbifaritn 2í) • símar 3Sfí02 • fíSfí.l.S
JJUL.
SERVERSLUN MEÐ
LJÓSMYNDAVÖRUR
1
LJÓSMYNDAÞJÓNUSTA
SAUÐÁRKRÓKI
HUOMTÆKI, VIDEO - SJONVÖRP, FERÐATÆKI,
LAMPAR, UÓS, HEIMILISTÆKI
ÚRVAL AF INNI OG ÚTIUÓSASERÍUM OG
HINAR GEYSIVINSÆLU RUNNASERÍUR
rafsjá hf
Sæmundargötu 1
Sauðárkrókl
OPNUNARTÍMI VERSLANA Á SAUÐÁRKRÓKI í DESEMBER
Laugardagurinn 8. des. kl. 10-16
Laugardagurinn .15. des. kl. 10-18
Fimmtudagurinn 20. des. kl. 9 - 22
Föstudagurinn 21. des. kl. 9-19
Laugardagurinn 22. des. kl. 10-23
Mánudagurinn 24. des. kl. 9-12
. SAMTÖK SÉRVERSLANA Á SAUÐÁRKRÓKI