Feykir - 28.06.2000, Blaðsíða 2

2 FEYKIR 23/2000
„Best að sem flestir
mæti á föstudagskvöld4
segir forsprakki Hofsóss 2000
Trúlega hafa vegfarendur
tekið eftir skilti við þjóðveginn
hjá Grafargerði við Hofsós sem
á stendur Hofsós 2000 13.-14.
júlí. Það er Björgvin Guð-
mundsson búgarðseigandi í
Grafargerði sem er aðalmaður-
inn í undirbúningi þessarar há-
tíðar og hann kallar þetta „for-
tíðarþráhyggju” að ætla að ná
þarna sem flestum Hofsósing-
um saman eina helgi og höfðar
mjög til brottfluttra að mæta.
Björgvin segir í skeyti sínu
til Feykis að best væri að sem
flestir mæti á föstudagskvöld-
inu. Þá verður heitt á könnunni
í Höfðaborg, þar er hægt að
hittast og spjalla og að sjálf-
sögðu verður líka opið í Sigtúni
og Sólvík.
Á laugardag verður ýmis-
legt hægt að gera. Alla sem
langar til geta fengið að veiða í
ánni, starfandi verður kajak-
leiga á staðnum, hægt verður
að fara á sjó með Palla Magg
og Omari Una og Mæja Run er
búin að skora á karlaliðið í fót-
bolta. Um kvöldið á að grilla
við Höfðaborg og þar eiga allir
að vera mættir ekki seinna en
kl. 18. Grill verða á staðnum en
fólk kemur sjálft með matinn.
Síðar um kvöldið verður
ball með Geirmundi „og ég get
lofað ykkur því að það klikkar
ekki. Að síðustu vil ég biðja
fólk að ganga snyrtilega um og
skemmta sér vel, því þessi helgi
kemur aldrei aftur”, segir
Björgvin Guðmundsson.
Feykir nú aðra hverja viku!
Vegna sumarleyfis ritstjóra kemur Feykir út aðra hverja
viku nú um hásumarið, fram í ágúst.
Næsta blað kemur út 12. júlí.
AÐALFUNDARBOÐ
Aðalfundur Steinullarverksmiðjunnar hf. verður
haldinn á Kaffi Krók, Aðalgötu 16, Sauðárkróki,
föstudaginn 30. júní 2000, kl. 16.00
Á dagskrá eru venjuleg aðalfundarstörf, skv. 16. gr.
samþykkta félagsins:
1. Skýrsla stjórnar félagsins um starfsemi þess s.l.
starfsár.
2. Efnahags- og rekstrarreikningur fyrir liðið
reikningsár, ásamt skýrslu endurskoðenda.
3. Tekin skal ákvörðun um hvernig fara skuli með
hagnað eða tap félagsins á reikningsárinu.
4. Ákvörðun um þóknun til stjórnarmanna og
endurskoðenda.
5. Kosning stjórnar og varastjórnar og tilnefning
fulltrúa ríkisins.
6. Kosning endurskoðenda.
7. Önnur mál, sem löglega eru upp borin.
Dagskrá fundarins, ársreikningur og skýrsla
endurskoðenda liggur frammi á skrifstofu félagsins,
skv. 14. gr. samþykkta þess.
STEINULLARVERKSMIðJAN HF.
Ljósheintar voru þéttsetnir þegar fundað var urn virkjunarkostina í Skagafirði.
Skagfirðingar mjög áhuga-
samir um virkjanamálin
Greinilegt er að mikill áhugi
er fyrir þeim áformum sem
uppi eru um virkjun í Héraðs-
vötnum og Jökulsá í Skagafirði.
Salurinn í Ljósheimum var
þéttsetinn sl. fimmtudagskvöld
á fundi sem haldinn var unt
virkjunarkostina. Fram kom í
máli þingmanna kjördæmisins
og sveitarstjómarmanna að
leggja beri mikla áherslu á að
orka frá væntanlegri virkjun
eða virkjunum fari að drjúgum
hluta til atvinnuuppbyggingar í
Skagafirði. Þorkell Helgason
orkumálastjóri benti hinsvegar
á að þegar að breytt skipulag í
raforkugeiranum, sem bendist
að aukinni samkeppni um orku-
dreifingu, yrði kominn til fram-
kvæmda að 2-5 árum liðnum,
vildu virkjunaraðilar að sjálf-
sögðu fá sem hagkvæmasta
verð fyrir orkuna, og myndu
væntanlega ekki athenda
heimaaðilum í Skagafirði frek-
ar en öðrum raforkuna á ein-
hverjum vildarkjörum.
Það var verkefnisstjóm
Rammaáætlunar og Landvemd
sem kynntu nýtingu vatnsafls
og jarðvarma í Skagafirði á
fundinum. Verkefnishópurinn
er skipaður 15 manns víðsveg-
ar af landinu, með fjölbreytta
þekkingu og bakgmnn. Það er
verkefni hópsins að leggja mat
á virkjunarkosti og flokka þá.
Rammaáætlunin byggir á fag-
legum vinnubrögðum og fjallar
m.a. um náttúru- og náttúru-
vernd, útivist og hlunnindi,
þjóðhagsmál og orkulindir.
Verkefnishópurinn fjallar um
eina 25 virkjunarkosti í landinu
og er ætlað að vinnan taki um
12 ár. Þær virkjanir sem nú er í
sigtinu eru í forgangi hvað út-
tekt varðar og t.d. er stefnt að
því að drög af skýrslum vegna
Kárahnjúkavirkjunar verði til
taks á næsta ári.
Það er Sveinbjöm Bjömsson
fyrrverandi háskólarektor sem
er formaður verkefnisstjórnar
og kynnti hann Rammaáætlun-
ina á fundinum í Ljósheimum.
Fram kom í máli Svein-
bjöms að enn eru rniklir mögu-
leikar ónýttir til virkunar raf-
orku hér á landi. Þeir eru áætl-
aðir 57 gígavattstundir, en búið
er að virkja 7,5 gvs. En þó verk-
efnishópurinn raði virkunar-
kostunum, en það þó virkjunar-
aðilinn sjálfur sem ákveður
hvar er virkjað.
Pétur Þórðarson fulltrúi Hér-
aðsvatna ehf, félag Rariks og
heimaðila í Norðlenskri orku,
skýrði frá undirbúningsvinnu
vegna Villingamesvirkjunar, en
áætlað er að umhverfismat
vegna virkjunarinnar liggi fyrir
um næstu áramót. Áætlað er að
þá muni líða allt að eitt og hálft
ár áður en unnt verði að bjóða
virkjunina út ef ákveðið verður
að virkja, og að því gefnu er því
í fyrsta lagi að fimm ámm liðn-
um sem orkan færi að streyma
frá Villinganesvirkjun.
Hákon Aðalsteinsson hjá
Orkustofnun kynnti niðurstöð-
ur úr forathugun á hagkvæmni
svokallaðrar Skatastaðavirkjun-
ar, auk þess að bera saman
nokkra virkjanakosti í Skaga-
firði. Fram kom í máli Hákonar
að þessir virkjunarkostir eru á-
gætlega hagkvæmir.
Að loknum framsögum
vom umræður í hópum um þau
áhrif sem þessar virkjanir gætu
haft á atvinnu- og mannlíf í
Skagafirði, náttúmfarog mögu-
leika til útivistar, og vom fund-
armenn beðnir að skifa sínar at-
hugasemdir við spurningum
þessu tengdu, er skilað var til
fundarboðenda að fundi lokn-
um.
Páll Pétursson alþingismað-
ur og ráðherra bað Skagfirðinga
að vera þess minnuga hvernig
farið hefði sorglega með
Blönduvirkjun, orkan hefði ver-
ið flutt burtu og virkunin orðið
tiltölulega lítil lyftistöng fyrir
atvinnulífið í héraðinu. Páll
sagði að Skagfirðingar hlytu að
vera einhuga um Villinganes-
virkjun, en bað þá að geyrna
Skatastaðavirkjun, þar sem sú
virkjun liti út fyrir að hafa til-
tölulega lítil umhverfisáhrif
miðað við aðrar þær stórvirkj-
anir sem mögulegar væm í
framtíðinni.
Kemur út á ntiðvikudögum. Útgefandi Feykir hf.
Skrifstofa: Ægisstíg 10, Sauðái'króki. Póstfang: Box 4,
550 Sauðárkróki. Símar: 453 5757 og 453 6703.
Myndsími 453 6703. Farsími 854 6207. Netfang:
feykir @ krokur. is. Ritstjóri: Þórhallur Ásntundsson.
Fréttaritari: Öm Þórarinsson.
Blaðstjórn: Jón F. Hjartarson. Guðbrandur Þ. Guð-
brandsson, Sæmundur Hennannsson, Sigurður
Ágústsson og Stefán Árnason.
Áskriftarverð 170 krónur hvert tölublað með vsk.
Lausasöluverð: 200 krónur með vsk. Setning og
umbrot: Feykir. Prentun: Hvítt & Svart hf.
Feykir á aðild að Samtökum bæja- og héraðs-
fréttablaða.