Feykir - 18.03.2008, Blaðsíða 8

8 Feykir 11/2008
öflugt matvælahérað.
Tengist þetta eitthvað verkefninu
Beint fr á býli?
-Þegar að talað er um heimasölu og
heimavinnslu landbúnaðarafurða
er átt við milliliðalausa sölu ffá
bónda til neytenda. Verkefnið
Matarkistan Skagafjörður er fyrir
öll matvælafyrirtæki í Skagafirði,
allt frá einstökum bændum og
upp í stór matvælafyrirtæki. Bæði
verkefnin byggja þó á þessum
vaxandi áhuga fólks á því að
vilja vita um uppruna þeirra
matvæla sem þeir neyta sem og
að kynnast staðbundnum mat og
matarvenjum.
Eru einhverjir hér í Skagafirði
að selja vörur sínar beint af býli
í dag?
-Nei ekki í dag, en ég veit að það
er áhugi fýrir því. Beint frá býli
er mikið tækifæri fýrir bændur
að auka tekjur og atvinnu. Ég sé
alveg fýrir mér Matarkistuna og
þá aðila sem hafa áhuga á að vera í
Beint frá býli geti unnið saman að
því að efla matarferðamennsku á
svæðinu.
Hverjir eru aðilar að matarkistu
verkefninu?
-Kjötafurðastöðin, Mjólkursam-
lagið, Sauðárkróksbakarí, Rækju-
vinnslan Dögun, Fisk-Seafood,
Hólalax, Hótel Tindastóll,
Ólafshús, Kaffi Krókur, Áskaffi,
Veitingastofan Sólvík, Lónkot,
Undir Byrðunni, Hótel Varmahlíð,
KS Varmahlíð, Skagfirðingabúð,
Hlíðarkaup og Hólaskóli
Háskólinn á Hólum
Hvernig hefur gengið að
markaðssetja þetta konsept fyrir
ferðaþjónustuaðilum, stukku
þeir beint um borð eða hafa þeir
verið að tínast inn?
-Það má segja að ferðaþjónustu-
aðilar séu óbeint allir aðilar að
verkefhinu því eins og áður segir
þá skiptir svona verkefni miklu
máli fýrir ímynd svæðisins sem
áfangastaður ferðamanna. Það
mættu þó gjarnan vera fleiri
ferðaþjónustuaðilar sem væru
virkir þátttakendur en ég veit um
aðila sem hafa áhuga á að gerast
þátttakendur þar á meðal er
fyrirtæki sem vinnur með þurrkað
skagfirskt kjöt.
Nú ert þú ráðin í fullt starf í
kringum verkefnið hvert hefur
verið ákveðið að stefria með það?
-Helstu markmið Matarkistu
SkagafjarðareraðgeraSkagafjörðað
aðlaðandi og spennandi áfangastað
fyrir ferðamenn, innlenda sem
erlenda. Með því móti rennum
við styrkari stoðum undir rekstur
ferðaþjónustufýrirtækja um leið
og við eflum ímynd héraðsins sem
öflugs matvælahéraðs. Við viljum
leggja mikla áherslu á gæði og
fjölbreytni skagfirskra matvæla.
Einnig verður lögð áhersla á að
stuðla að nýjungum í framreiðslu
ogaðsafnaogverndavinnuaðferðir
og hefðir í matargerð. Síðast en
ekki síst að efla samstarf innan og
utan héraðs.Við munum halda
áfram að taka þátt í sýningum og
reyna að fá fleiri þátttakendur í
verkefhið.
Verkefnið hefur verið í einhverri
útrás og tekið þátt í sýningum,
telur þú að það hafi skilað okkur
einhverju?
-Við höfum tekið þátt í land-
búnaðarsýningunni SveitaSælu
2007, MATUR-INN 2007 á
Akureyri og síðan Matur og list
(Ny nordisk mat) 2008 í Norræna
húsinu í Reykjavík. Þessar sýningar
hafa að ég tel haft mikil áhrif. Við
höfum fengið góða umfjöllun og
óhætt að segja að hráefhið okkar
hafi slegið í gegn, tala nú ekki um
þegar er búið að matreiða það á
girnilegan hátt fyrir sýningargesti.
Við höfum einnig kynnt
Matarkistuna fýrir öðrum svæð-
um á íslandi sem hafa áhuga á
að efla matarferðaþjónustu og
vekja athygli á mat úr héraði.
Ég hugsa að mörgum hér sé alls
ekki kunnugt um hversu mikið
brautryðjendastarf hefúr verið
unnið með Matarkistuverkefninu
svo eftir hefur verið tekið af
framámönnum í ferðaþjónustu um
allt land. Það hefur verið virkilega
gaman að fá að taka þátt í því
starfi, draumurinn er náttúrulega
að ná að búa til matarslóða um
ísland þar sem ferðamenn geti
keyrt hringinn í kringum ísland
og kynnst sérstöðu hvers svæðis í
tengslum við mat.
Eitthvað að lokum?
-Fáið ykkur bita úr Matarkistu
Skagafjarðar, segir Guðrún og hlær...
Hesta um fjöllun Feykis Umsjón: Eyþór 848-2725 og Guðný 898-2597
KS deildin
Mette og Bragi sigur-
vegarar i tölti
Annað kvöldið í KS deildinni var síðast
liðið miðvikudagskvöld en þetta kvöld
var keppt í tölti. Sigurvegarar kvöldsins
voru þau Mette Manseth á Braga
frá Hólum. Feykir hafði samband við
Mette og bað hana að segja okkur frá
Braga og eins hennar fyrstu kynnum af
hestinum.
Bragi er frá Hólum í Hjaltadal undan
Gusti frá Hóli í Eyjarijarðarsveit og Birtu
frá Hólum. Bragi var á 1. vetri þegar Mette
kom til starfa sem reiðkennari á Hólum og
tók hún strax eftir trippinu og fór að hafa
auga með honum. Bragi er frumtaminn á
Hólum, af nemanda við skólann og varð
hann þá strax mjúkur og hágengur. Að
loknu ffumtamningarferli var Bragi áfram
við skólann og þá sem þjálfúnarhestur. Þegar
Bragi var 5 vetra byrjaði Mette að þjálfa
hann og voru þeirra fýrstu kynni jákvæð og
skemmtileg. Fyrsta mót þeirra saman var
Bautatöltið á Akureyri þegar Bragi er á 7.
vetri. Strax i annarri keppni þeirra sigruðu
þau í Gæðatölti sem haldið var í reiðhöllinni
Svaðastöðum. Effir það eru sigrarnir orðnir
margir . Bragi er nú 9 vetra og segir Mette
að þau hafi tekið stefnuna á Landsmótið á
Hellu í sumar, eins Islandsmótið og fjórgang
og B flokk gæðinga.
Framtíð Braga er að öllum líkindum sú að
verða kennari upprennandi fagfólks sem
nemur við skólann á Hólum.
Feykir óskar Mette til hamingju með
sigurinn í Tölti.
Landsmót hestamanna á Hellu
Miðasala hafin
Landsmót hestamanna verður haldið
við Hellu dagana 30. júní - 6. Júlí.
Á Landsmótinu f ár koma um 1.000-
1.200 af glæsilegustu hrossum
landsins fram og eru keppendur yfir
500 manns á öllum aldri.
Þegar bestu knapar og hross landsins
koma saman er óhætt að fullyrða að
framundan sé stórbrotin veisla. Að
venju munu hestamenn að sjálfsögðu
taka laufléttan snúning við undirleik
hljómlistarmanna og kyrja háum rómi í
brekkusöng á fallegum sumardegi.
Miðasalan á 18. Landsmót hestamanna
er hafin og eru áhugasamir hvattir til að
tryggja sér miða í forsölu fýrir 1. maí n.k.
en eftir það hækkar miðaverðið. Að auki
verður hægt innan tíðar að versla miða
á völdum stöðvum N1 fýrir þá sem ekki
eiga þess kost að versla í gegnum netið.
Allar nánari upplýsingar um landsmót og
tilhögun miðasölu er að finna á heimasíðu
Landsmóts hestamanna: www.landsmot.
is