Iðjuþjálfinn - 01.06.1997, Page 14

12
Öldrunarteymið vinnur, eða réttara sagt
kemur til með að vinna inni á öldrunarmats-
deild. Enn sem komið er, er öldrunarmats-
deildin deild án veggja. Sjúklingarnir sem
teymið sinnir eru inni á hinum ýmsu deild-
um sjúkrahússins allt eftir innlagnarorsök.
Þess ber að geta að nú þegar er kominn vísir
að öldrunarmatsdeild inni á taugalækninga-
deild (sem er ekki í aðalbyggingu spítalans)
þar sem sex rúm eru eyrnamerkt öldrunar-
matsdeildinni. Með vorinu er stefnt að opn-
un 10 rúma deildar inni á sjálfu sjúkrahús-
inu. Eins og staðan er í dag fer mikill tími í
hlaup á milli deilda. Einnig er mikill fjöldi
starfsfólks sem við þurfum að vera í tengsl-
um við vegna sjúklinganna.
f framtíðinni er stefnt að opnun 20 rúma
öldrunarmatsdeildar og verður þá öll starf-
semin á sama stað. Verður þá markmið
deildarinnar að aldraðir (67 ára og eldri)
einstaklingar sem leggjast inn á sjúkrahúsið
með fjölþætt vandamál, komi þar inn til
mats og endurhæfingar. Á bráðadeildum
eru sjúklingar, yfirleitt útskrifaðir strax og
vandamálið sem lá til grundvallar innlögn-
inni er leyst. Með tilkomu öldrunarmats-
deildar er hægt að sinna þessum einstak-
lingum betur en áður hefur verið gert.
Þannig er kannað hvert vandamálið er, sem
í raun olli innlögninni.
Sem dæmi má nefna sjúkling sem datt og
braut sig. Vandamálið er ekki endilega leyst
þó beinið sé gróið. Athuga þarf hvers vegna
hann datt? Gleymdi hann lyfjunum?
Kannski gleyminn? Byrjandi glöp? Svimi?
Annað dæmi er sjúklingur með elliglöp
sem kemur inn vegna almenns slappleika.
Eftir nokkra daga á sjúkrahúsi er hann
hressari og er sendur heim. Sagan endurtek-
ur sig æ ofan í æ. Raunveruleg ástæða gæti
verið sú að sjúklingurinn ræður ekki lengur
við aðstæður sínar og gleymir meðal annars
að taka lyfin.
Öldrunarteymið hefur það hlutverk að kafa
dýpra, hver fagaðili á sínu sviði. Þannig er
gert heildrænt mat á einstaklingnum, að-
stæðum og möguleikum hans. Allir fagaðil-
ar teymisins hafa reynslu á sviði öldrunar-
mála.
Hlutverk hvers og eins innan
öldrunateymisins:
Læknir: Gerir læknisfræðilegt mat á ástandi
einstaklings, sjúkdómum og lyfjum. Kemur
á jafnvægi milli þessara þátta. Samskipti við
aðstandendur vega oft þungt í starfi læknis.
Hjúkrunarfræðingur: Metur hjúkrunar-
þörf, útegar þá aðstoð sem með þarf. Veitir
fræðslu og ráðgjöf um hjúkrun aldraðra.
Kannar hvort einstaklingurinn er fær um að
sinna lyfjatiltekt.
Félagsráðgjafi: Veitir ráðgjöf og stuðning
við lausn á félagslegum og tilfinningalegum
vanda sem upp kann að koma í kjölfar veik-
inda. Samræmir þjónustu félags- og heil-
brigðiskerfisins. Gætir að fjármálum, sem
eru oft í ólestri hjá öldruðum.
Sjúkraþjálfari: Metur og þjálfar hreyfigetu,
styrk og jafnvægi. Veitir auk þess ýmis
konar verkjameðferð s.s. bakstra.
Iðjuþjálfi: ADL-mat og þjálfun. Heimilisat-
hugun og hjálpartækjaþörf metin. Umsókn-
ir um hjálpartæki. Mat á vitrænni starfsemi
og glöpum.
Hver og einn innan teymisins getur verið í
sambandi við aðstandendur, allt eftir að-
stæðum hverju sinni. Það er óumflýjanlegt
að starfsvið fagaðilanna skarist alltaf eitt-
hvað, en með reglulegum teymisfundum og
góðri samvinnu gengur þetta allt upp. Sam-
an gera fagaðilarnir raunhæfa áætlun í sam-
ráði við sjúklinginn og aðstandendur hans.
Tekið er fullt tillit til óska og þarfa einstak-