Skólavarðan - 01.10.2002, Síða 12
Iðnskól inn fær ir út kv íarnar
14
„Aðdragandinn var einfaldlega þeir
rekstrarerfiðleikar sem Margmiðlunarskól-
inn lenti í,“ segir Baldur Gíslason, skóla-
meistari Iðnskólans í Reykjavík, aðspurður
um hvað hafi ráðið þessari tilhögun. „Þegar
það lá fyrir að skólinn gæti ekki haldið
áfram í sömu mynd fór ég að velta fyrir
mér þeim möguleika að hann yrði viðbót
við Iðnskólann. Ég setti mig í samband við
þá sem ráku Margmiðlunarskólann og við
ræddum það, hvort flötur væri á að Iðn-
skólinn tæki við rekstri hans. Það var satt
að segja lengi í járnum því að fleiri höfðu
áhuga á því tækifæri sem þetta bauð.“
Þetta var í upphafi árs 2002. Nokkurn
tíma tók að koma málum á hreint, sem var
bagalegt þar sem undirbúningur næsta
skólaárs var að hefjast og nauðsynlegt að ný
deild af þessari stærðargráðu fengi þann
undirbúning sem til þyrfti.
Á fundi í maí gat Baldur sagt kennurum
Iðnskólans að þessi hugmynd væri komin á
flot en ekki væri enn ljóst hvað úr yrði.
„Það var ekki fyrr en komið var fram í
júní að þau svör fengust að Margmiðlunar-
skólinn yrði hluti af Iðnskólanum í Reykja-
vík. Og þá þurfti að taka til hendinni því að
breyta þurfti ýmsu til að geta tekið á móti
skólanum og rekið hann af metnaði og
krafti.“
Þegar menn innan Iðnskólans fóru að
velta vöngum yfir því, hvernig koma mætti
þessum nýja hluta skólans þannig fyrir að
til sóma væri, fæddist sú hugmynd að ger-
bylta skipulaginu; umbylta Vörðuskóla og
gera hann að tölvusetri Iðnskólans, þar
myndi tölvu- og upplýsingasvið skólans
hafa aðsetur og Margmiðlunarskólinn
einnig vegna þess skipulags sem hugsað
var.
„Þetta kostaði gífurlega vinnu: Taka
þurfti allt raflagnakerfi skólans í gegn og
endurnýja það, eðli málsins samkvæmt.
Þessi bygging hefur frá upphafi hýst bók-
námsskóla og var byggð með það fyrir aug-
um þannig að raflagnir voru á engan hátt
brúklegar fyrir tölvuver með nýmóðins
tækjakosti.“
Hver er þá hugmyndin um framtíðina; á
Margmiðlunarskólinn að vera skóli í skól-
anum, með eigið skipulag og starfsfólk á
sérsamningum, eða verður hann hluti af
Iðnskólanum?
„Margmiðlunarskólinn á að vera - og er
- hluti af Iðnskólanum í Reykjavík, svo ein-
falt er það,“ segir Baldur. „Inntaka nem-
enda á þessa braut verður í framtíðinni við
það miðuð að þeir hafi lokið námi á til
dæmis upplýsinga- og fjölmiðlabraut, í
bókiðngreinum, listnámsbraut, tölvubraut
eða öðrum sambærilegum brautum. Einnig
stúdentsprófi eða sambærilegri menntun.
Hugsunin er sú að Margmiðlunarskólinn
sé viðbótarnám -og við stefnum að því að
námið verði viðurkennt sem fyrsta stig há-
skólanáms.“
Haukur Már Haraldsson
Það vakti nokkra athygli í vor sem
leið þegar sú frétt barst út um
menntaheiminn að Margmiðlunar-
skólinn yrði hluti af Iðnskólanum í
Reykjavík frá og með þessu hausti.
Margmiðlunarskólinn hafði lent í erf-
iðleikum og ljóst að ekki var grund-
völlur fyrir rekstri hans sem sérstaks
skóla. Jafnljóst var að þörf var fyrir
þá kennslu sem þar fór fram og vitað
að fleiri en einn skóli höfðu hug á að
bæta henni við sitt námsframboð. Og
það varð sem sagt Iðnskólinn sem
hreppti hnossið.
Iðnskólinn í Reykjavík
tók við Margmiðlunarskólanum
Starfstengt fjarnám í Iðnskólanum í Reykjavík
Iðnskólinn í Reykjavík hóf á haustönn þá nýjung í starfi að bjóða upp á fjarnám í starfstengdum greinum. Boðið er upp á
heildstætt nám á upplýsinga- og fjölmiðlabraut, níu áfanga sem allir eru liður í starfsnámi.
Nemendur eru um 60, sem er nokkuð meira en vonir stóðu til í upphafi. Þeir eru búsettir víða um land - og utan þess, því að
einn nemandinn á heima í Afríkuríkinu Malaví. Einnig eru nokkur dæmi um að nemendur, sem stundað hafa nám á upplýs-
inga- og fjölmiðlabraut í kvöldskóla, hafi þarna eygt möguleika á að hraða námi sínu og tekið fjarnámsáfanga meðfram kvöld-
náminu.
Þess má geta að til að búa kennara brautarinnar undir kennslu í fjarnámi voru haldin fyrir þá tvö námskeið í samvinnu við
Fjölbrautaskóla Austurlands, auk þess sem þeim var greitt sérstaklega fyrir að aðlaga námsgögn sín þessari nýju kennsluað-
ferð.
„Margmiðlunarskólinn á að vera - og er - hluti af Iðnskólanum í Reykjavík, svo
einfalt er það,“ segir Baldur Gíslason.