Skólavarðan - 01.03.2003, Blaðsíða 6

Höfðu Eiríkur og Sölvi einhvern tíma
áður rætt þennan möguleika og var hug-
mynd þeirra sú að hagnýta nútímatölvu-
tækni í þessu skyni. Er ekki að orðlengja
það að kennurum leist vel á hugmyndina
og lýstu sig fúsa til að taka þátt í verkefninu
fyrir hönd þessara deilda skólans, þ.e.
íslensku- og sögudeildar.
Næsta skref var að fá styrk fyrir verkefn-
ið og var sótt um hann í þróunarsjóð fram-
haldsskóla. Styrkur að upphæð 500 þúsund
kr. fékkst og þá var hægt að ýta verkefninu
úr vör og hefja vinnu.
Í júníbyrjun fóru undirritaðar á fund
Eiríks og félaga hans, Jóns Torfasonar
íslenskufræðings og Benedikts Jónssonar
tölvumanns, í Þjóðskjalasafnið. Þar var
rætt um hvaða tímabil skyldi lagt til
grundvallar og varð að samkomulagi að
tengja efnið námsefni í íslensku 403 og
sögu 103. Þetta þýddi að flest skjalanna
sem unnið er með eru frá því eftir siða-
skipti árið 1550. Síðan var reynt að
staldra við ýmsa stóratburði sögunnar
sem helst gætu nýst í kennslu og má
þar til dæmis nefna siðaskiptin, Kópa-
vogsfundinn og Stóradóm. Hlutverk
Jóns Torfasonar var að finna skjöl sem
tengdust viðkomandi atburðum, síðan
þurfti að mynda skjölin og koma þeim í
tölvutækt form. Benedikt sá um vef-
smíðina og allt sem henni viðkom.
Eiríkur stýrði verkefninu, sat alla sam-
starfsfundi og kom með góðar athuga-
semdir og ráð, enda gamalreyndur
kennari.
Við undirritaðar sáum um að vinna
verkefni sem tengdust skjölunum efnis-
lega, búa til orðskýringar við þau, skrifa
um sögulegt baksvið og heimildir.
Útkomuna má finna á slóðinni:
http://www.skjalasafn.is/Syningar/
skolavefur/skindex.html
Hvernig nýta má vefinn í kennslu
Í íslensku er tilvalið að nýta verkefnin á
skólavefnum í dreifnámi eða fjarnámi, þar
sem þær kennsluaðferðir eru notaðar. Ekk-
ert er þó því til fyrirstöðu að kynna nem-
endum tiltekin verkefni í tímum, eins og til
dæmis Reykholtsmáldaga. Kjörið er að
nota það verkefni við kennslu í málsögu
(Ísl212 í FÁ). Þá nýtir kennarinn skjávarp-
ann í kennslunni, skoðar skjalið með nem-
endum og kynnir verkefnið fyrir þeim. Síð-
an má gefa nemendum fyrirmæli um að
vinna það heima og senda það svo í tölvu-
pósti til kennara eða skila því útprentuðu.
Allt eftir því hvað hver kennari kýs.
Í íslensku 403 er bókmenntasagan fyrir-
ferðarmikil og því tilvalið að tengja verk-
efnin um siðaskipti, Stóradóm og Skaftár-
elda yfirferðinni um það efni. Bæði má
nota verkefnin í kennslustund, sýna skjölin
með skjávarpanum og setja nemendum svo
fyrir að vinna verkefnin heima. Þar sem Ís-
landsklukkan er notuð í kennslu er
forvitnilegt fyrir nemendur að lesa
dómsskjölin í máli Magnúsar í
Bræðratungu og Árna Magnússonar
og bera saman við texta Halldórs Lax-
ness í sögunni. Ekki er síður merkilegt
að sjá rithönd manns að nafni Jón
Hreggviðsson og sjá þar svart á hvítu
að hann var til. Einnig er mjög athygl-
isvert að kynna sér skjölin um Skaftár-
elda og svo má velja kafla úr sögu séra
Jóns Steingrímssonar til að bera sam-
an við hin raunverulegu skjöl á skóla-
vefnum. Þannig gefast kennurum ýmis
tækifæri til að nota skjölin og verkefn-
in á skólavefnum sem ítarefni í
kennslu, allt eftir áhugasviði hvers og
eins.
Eygló Eiðsdóttir og
Margrét Gestsdóttir
Eygló er íslenskukennari og
Margrét sögukennari, báðar við
Fjölbrautaskólann við Ármúla.
Skólavefur
Það var á útmánuðum þessa árs að
Eiríkur Guðmundsson verkefnisstjóri í
Þjóðskjalasafni Íslands boðaði kenn-
ara í íslensku og sögu við Fjölbrauta-
skólann í Ármúla til fundar við sig og
félaga sína í Þjóðskjalasafni. Vildu
þeir ræða möguleika á að nota ein-
hver hinna dýrmætu skjala í safninu
sem efnivið í kennslu, eða opna skjái
safnsins út í samfélagið, eins og Sölvi
Sveinsson skólameistari orðaði það
svo ágætlega þegar vefurinn var
formlega opnaður í október síðast-
liðnum.
Skólavefur
Þjóðskjalasafns Íslands
7