Morgunblaðið - 16.02.2016, Side 3

Ársþing KSÍ
» Þingið var haldið í 70. skipti á laug-
ardaginn og fór fram á Hótel Nordica
í Reykjavík.
» Öll aðalstjórn KSÍ var endurkjörin.
Kristinn Jakobsson tók sæti Þórarins
Gunnarssonar í varastjórn og Magnús
Björn Ásgrímsson tók sæti Valdemars
Einarssonar sem landshlutafulltrúi
Austurlands.
» Eina breytingin á lögum KSÍ var að
stofna 2. deild kvenna, þriðju efstu
deild, frá og með tímabilinu 2017.
Fjölda ályktunartillagna var vísað til
stjórnar KSÍ.
reksturinn hjá þeim á þessu ári,“
segir Geir en illa hefur gengið hjá
sumum liðum að ná endum saman. Í
ræðu Geirs á ársþinginu kom fram
að heildarskuldastaða 24 efstu fé-
laganna í árslok 2014 var um 500
m.kr. og versnaði um 40 m.kr. á
milli ára. Skuldastaðan versnaði hjá
12 félögum á milli ára.
Hvað fer mikið fé af þessum
1.130 milljónum króna í þátttöku
karlalandsliðsins á EM?
„Við áætlum að það geti verið um
600 milljónir króna og við vonum að
þessar áætlanir standist. Það er
alltaf einhver óvissa um þætti í
kringum svona en við vonumst til
að geta haldið okkur við þessa tölu.
Undirbúningur okkar fyrir mótið
gengur vel. Fyrsta skrefið var að
kortleggja leikina og leikjapró-
grammið. UEFA gerir miklar
kröfur á ýmsum sviðum og í byrj-
um mars fara átta manns frá KSÍ
í vinnubúðir þar sem skipulagðir
verða ýmsir þættir varðandi mót-
ið, tæknimálin, öryggismálin og
fleiri atriði.“
Greiðslur í takt við hin
Norðurlöndin
Getur þú upplýst hversu háa
upphæð KSÍ greiðir landsliðs-
mönnum fyrir að spila á Evrópu-
mótinu auk bónusgreiðslna?
„Sú fjárhæð sem leikmenn fá er
bundin trúnaði en það eina sem ég
get sagt í þessu sambandi er að
þær greiðslur eru í takt við það
sem hin Norðurlöndin gera. Ég
hef átt góð samskipti við kollega
mína í Svíþjóð og Danmörku sem
hafa verið reglulegustu gestirnir á
lokamótum og ég leitaði eftir
þeirra aðstoð í þessum efnum,“
sagði Geir en stór hluti þeirra 600
milljóna króna sem KSÍ eyrna-
merkir þátttöku Íslands á Evrópu-
mótinu fer í að greiða leikmönnum
og þjálfurum. Íslendingar og Svíar
verða fulltrúar Norðurlandanna á
Evrópumótinu en Norðmenn og
Danir misstu af lestinni þar sem
þeir töpuðu í umspili um sæti í
lokakeppninni.
Raunhæft að stækka
Laugardalsvöll?
KSÍ greindi frá því í haust að
samningur hefði verið gerður við
Borgarbrag, fyrirtæki sem stofnað
var í fyrravor, um að kanna raun-
hæfi þess að stækka Laugardals-
völl. Spurður um stöðuna á þessu
máli sagði Geir;
„Næsta skrefið gæti verið að
gera formlega hagkvæmnis-
athugun og fá til þess erlenda að-
ila sem hafa gert slíkt áður, hafa
byggt upp leikvanga og rekið þá.
Við tökum ákvörðun um það um
næstu mánaðamót hvort við förum
í þetta og þá yrði þessi hag-
kvæmnisathugun unnin á næstu
mánuðum. Að henni lokinni væri
þá hugsanlega hægt að taka ein-
hverjar ákvarðanir.“
ÍÞRÓTTIR 3
MORGUNBLAÐIÐ ÞRIÐJUDAGUR 16. FEBRÚAR 2016
Kringlukast-arinn efni-
legi Guðni Valur
Guðnason keppti
í annað sinn á al-
þjóðlegu móti í
kringlukasti inn-
anhúss um
helgina þegar
hann tók þátt í
móti í Tipshallen í Växjö í Svíþjóð.
Guðni Valur vann keppnina og kast-
aði 58,47 m. Guðni Valur, sem æfir
undir handleiðslu Péturs Guðmunds-
sonar, kastaði tvívegis yfir 60 metra í
upphitun og var sem fyrr segir ná-
lægt því að slá glænýtt Íslandsmet
sitt, 58,59 metra, sem hann setti á
Botnia-leikunum í Finnlandi fyrir
rúmri viku.
  
Knattspyrnudeild KR hefur hafn-að öðru tilboði sænska
meistaraliðsins IFK Norrköping í
Hólmbert Aron Friðjónsson, en
þetta kom fram á Fótbolta.net í gær.
Hólmbert er uppalinn í HK en gekk í
raðir Fram árið 2011. Þaðan fór hann
svo til Glasgow Celtic, þar sem hon-
um tókst ekki að festa sig sessi og var
því lánaður til danska félagsins
Bröndby, áður en hann kom aftur
heim á síðasta ári og samdi við KR.
  
Liverpool staðfesti í gær að mið-vörðurinn Joel Matip myndi
ganga í raðir félagsins í sumar frá
þýska liðinu Schalke. Hann kemur til
félagsins án greiðslu, en samningur
hans við Schalke rennur út eftir tíma-
bilið. Matip er 24 ára gamall og gerir
fjögurra ára samning við Liverpool.
Hann getur einnig spilað á miðjunni,
en hann hefur spilað með Schalke frá
árinu 2009. Hann á að baki 27 lands-
leiki fyrir Kamerún og er annar leik-
maðurinn sem Jürgen Klopp fær til
liðs við sig síðan hann tók við stjórn
liðsins. Serbneski miðjumaðurinn
Marko Grujic skrifaði undir fimm ára
samning í janúar en leikur sem láns-
maður hjá Rauðu stjörnunni út tíma-
bilið.
  
Ítalski landsliðsmaðurinn MarcoVerratti framlengdi í gær samn-
ing sinn við Paris Saint-Germain og
er hann nú samningsbundinn félag-
inu til ársins 2020. Verratti er 23 ára
gamall og hefur leikið með Parísarlið-
inu frá árinu 2012. Hann hefur verið
orðaður við félög á borð við Barce-
lona, Bayern München og Real Ma-
drid en hefur nú ákveðið að halda
kyrru fyrir og framlengja samning
sinn við Paris SG í þriðja sinn.
  
Jamie Vardy,framherji
Leicester, er
markahæstur í
ensku úrvals-
deildinni. Vardy
hefur skorað 19
mörk, þremur
mörkum meira en
þeir Harry Kane,
Tottenham, og Romelu Lukaku úr
Everton, sem báðir hafa skorað 16
mörk. Þar á eftir koma Sergio
Agüero, Man. City, Odion Ighalo,
Watford, og Riyad Mahrez, Leicest-
er, sem hafa skorað 14 mörk hver.
  
Handknattleiksmaðurinn RóbertAron Hostert leikur ekki með
liði sínu Mors-Thy næstu vikurnar
vegna höfuðmeiðsla. Þetta kom fram
á vefmiðlinum Fimmeinn.is í gær.
Þar segir að Róbert hafi fengið þungt
höfuðhögg í leik í síðustu viku og svo
annað á æfingu síðastliðinn föstudag.
Meiðslin séu þess eðlis að Róbert
verði að taka sér hvíld frá handbolta
næstu vikurnar.
  
Makedónski miðvörðurinn DanielIvanovski, sem lék með Fjölni
í Pepsi-deild karla í knattspyrnu fyrri
hluta síðustu leiktíðar, hefur skrifað
undir nýjan samning við félagið.
Fólk folk@mbl.is
19. UMFERÐ
Sindri Sverrisson
sindris@mbl.is
„Hún er ein af þeim sem ná að fara
niður á plan þeirra yngri í liðinu
þegar þess þarf, og stíga upp og
vera þessi flotta „mamma“ í hópnum
þegar þess þarf,“ sagði Kristín Guð-
mundsdóttir, um Sigurlaugu Rúnu
Rúnarsdóttur, liðsfélaga sinn hjá
Val. Sigurlaug er leikmaður 19. um-
ferðar Olís-deildarinnar í handbolta,
en hún skoraði sjö mörk í öruggum
sigri á Fylki. Eftir sigurinn er Valur
þremur stigum frá toppliði Gróttu, í
4. sæti.
Sigurlaug er einn af reyndustu
leikmönnum deildarinnar, en þessi
37 ára gamla handboltakona var far-
in að gera sig gildandi í meistara-
flokki Vals um miðjan tíunda áratug
síðustu aldar. Hún fór með Val í
bikarúrslit árið 1997 og fagnaði titl-
inum með liðinu þremur árum síðar
með sigri á Gróttu/KR, þar sem
Sigurlaug þótti meðal annars hafa
góðar gætur á Öllu Gorkorian, lyk-
ilmanni andstæðinganna.
Á þessum tíma var kvennalið Vals
hins vegar ekki neitt stórveldi en
Sigurlaug sagði sjálf í viðtali við
Valsblaðið 2003 að það væri einmitt
hennar mottó að breyta því og gera
Val að kvennaveldi í handboltanum.
Sigurlaug var þá komin aftur heim
eftir nám í Danmörku, þar sem hún
lék með Rödovre í 1. deildinni.
Sigurlaug lék svo áfram með Val,
enda mikil Valskona og tilheyrir frá-
bærri kynslóð Valskvenna ásamt
Örnu Grímsdóttur, Hafrúnu Krist-
jánsdóttur, Berglindi Írisi Hans-
dóttur og fleirum. Og Sigurlaug fékk
að upplifa það þegar Valur varð svo
sannarlega stórveldi og raðaði til sín
titlum árin 2010-2014. Það gerði hún
hins vegar að mestu af áhorfenda-
pöllunum, en Sigurlaug átti þrjú
börn á árunum 2005-2009, og virtist
eftir fæðingu þriðja barnsins hafa
látið gott heita í keppni þeirra bestu
hér á landi. Það leist Kristínu ekki
nægilega vel á.
Frábær í úrslitaleik 2014
eftir langt hlé
„Ég dró hana aftur á æfingar með
okkur um áramótin 2013-2014, þegar
við urðum svo bikarmeistarar og Ís-
landsmeistarar um vorið. Við vorum
nágrannar þá og hún hafði verið að
spila með mínum gömlu vinkonum í
Víkingi í utandeildinni, ásamt fleir-
um úr Val. Ég var alltaf að tuða í
henni að koma aftur og hún sló til
um áramótin, og átti svo frábæran
úrslitaleik þegar við tryggðum okkur
titilinn auk þess að hjálpa okkur
bara rosalega mikið að öðru leyti.
Hún er með rosalega kaldan haus og
er þessi týpa sem maður setur á
vítalínuna þegar það er jafnt í úr-
slitaleik,“ sagði Kristín. Síðustu tvö
tímabil hefur Sigurlaug svo leikið
lykilhlutverk hjá Val, eftir þær miklu
breytingar sem urðu á liðinu sumar-
ið 2014.
„Eftir titilinn 2014 var Valsliðið
bara að fara til fjandans og um tíma
leit út fyrir að það yrði bara ekki
meira með. Ég og Óskar Bjarni
(Óskarsson) vildum halda þessu
uppi, og Sigurlaug slóst í þann hóp,
sem var alveg æðislegt. Maðurinn
hennar, Stefán Karlsson, hefur svo
komið inn síðustu ár sem formaður
handknattleiksdeildar, sem er líka
stór ástæða fyrir því að við erum enn
á þessum stað,“ benti Kristín á. Hún
segir vart hægt að hugsa sér betri
liðsfélaga en Sigurlaugu, sem hún lék
fyrst með í U16-landsliði seint á síð-
ustu öld:
„Hún gefst aldrei upp, fer aldrei í
fýlu og er aldrei pirruð. Hún er alltaf
tilbúin að reka á eftir hinum í liðinu
og hjálpa okkur. Það er rosalega
þægilegt að æfa með henni, það líkar
öllum við hana, og svo er hún lúmsk-
ur húmoristi með góðan húmor fyrir
sjálfri sér. Hún er svolítil Pollýanna,
finnst gaman að segja brandara en er
yfirleitt búin að segja lokalínuna áður
en brandarinn er búinn,“ sagði Krist-
ín og hló. „Svo hlær hún alltaf
manna mest að sjálfri sér, og það
finnst okkur ótrúlega fyndið,“ bætti
hún við létt.
Handbolti kvenna: Leikmaður umferðarinnar
Húmoristi sem
fer á vítalínuna
í úrslitaleik
 Sigurlaug er einn reyndasti leikmaður
deildarinnar  Gefst aldrei upp
Morgunblaðið/Eva Björk
Reynsla Sigurlaug Rúnarsdóttir hóf að leika með Val á ný 2014 og hefur hjálp-
að liðinu mikið eftir að talsverðar breytingar urðu á því.
Kristinn Jakobsson, fyrrverandi milliríkjadómari í knattspyrnu, tók sæti í
varastjórn Knattspyrnusambands Íslands á ársþingi sambandsins um
helgina. Þar með eru nú feðgar saman í stjórninni því faðir Kristins, Jakob
Skúlason, situr þar sem landshlutafulltrúi Vesturlands en hann hefur sinnt
því hlutverki um langt árabil.
Feðgarnir í varastjórn KSÍ
ÚR DÓMGÆSLUNNI Í STJÓRNARSTÖRFIN
Saman Kristinn Jakobsson og Jakob Skúlason á KSÍ-þinginu.
Þrír nýliðar eru í íslenska landsliðs-
hópnum í körfuknattleik kvenna
sem Ívar Ásgrímsson landsliðsþjálf-
ari tilkynnti í gær fyrir næstu leiki
í undankeppni Evrópumótsins.
Ísland mætir Portúgal á útivelli á
laugardaginn kemur, 20. febrúar, og
Ungverjalandi í Laugardalshöllinni
miðvikudaginn 24. febrúar.
Sylvía Rún Hálfdánardóttir úr
Haukum, sem er aðeins 17 ára, er í
hópnum, eins og þær Salbjörg
Ragna Sævarsdóttir úr Hamri og
María Björnsdóttir úr Snæfelli, en
þessar þrjár hafa ekki spilað A-
landsleik.
Þá bætast við hópinn þær Hall-
veig Jónsdóttir úr Val, Ingunn
Embla Kristínardóttir úr Grindavík
og Margrét Kara Sturludóttir úr
Stjörnunni.
Þær voru ekki í hópnum þegar
Ísland lék fyrstu tvo leiki sína í
keppninni. Ísland tapaði þeim báð-
um, gegn Ungverjalandi ytra og
Slóvakíu á heimavelli. Portúgal er
einnig án sigurs í undankeppninni
til þessa.
Áfram í hópnum eru eftirtaldir
leikmenn:
Auður Íris Ólafsdóttir (Haukum),
Berglind Gunnarsdóttir (Snæfelli),
Bergþóra Tómasdóttir (Val), Björg
Einarsdóttir (Grindavík), Bryndís
Guðmundsdóttir (Snæfelli), Guð-
björg Sverrisdóttir (Val), Gunn-
hildur Gunnarsdóttir (Snæfelli),
Helena Sverrisdóttir (Haukum), Jó-
hanna Björk Sveinsdóttir (Hauk-
um), Marín Laufey Davíðsdóttir
(Keflavík), Pálína Gunnlaugsdóttir
(Haukum), Ragna Margrét Brynj-
arsdóttir (Stjörnunni), Sandra Lind
Þrastardóttir (Keflavík), Sigrún
Sjöfn Ámundadóttir (Grindavík).
vs@mbl.is
Þrír nýliðar
valdir fyrir
EM-leikina