Morgunblaðið - 30.06.2016, Qupperneq 4
HÖFUÐFATIÐ
Hann minnir helst á hjálma orr-
ustuflugmanna, þessi snotri mót-
orhjólahjálmur frá Montblanc.
Lesendur þekkja Mont
Blanc best fyrir að fram-
leiða agalega fína blek-
penna en smám saman
hefur þetta þýska lúx-
usvörufyrirtæki verið að fikra sig
inn á önnur svið með úrvali skart-
gripa, úra, veskja og taska.
Nú bætist sumsé við mótor-
hjólahjálmur sem fá má í
tveimur útfærslum;
með og án munn-
hlífar.
Hönnunin er
minímalísk en
um leið full af
lúxus og útlitið
innblásið af
keppnishjálmum
8. áratugarins. Ef
hjálmurinn er
skoðaður vand-
lega má sjá Mont-
blanc-stjörnuna
yfir andlitsopinu og
á teygjunni sem held-
ur augnhlífinni á sín-
um stað.
Hér er loksins kominn hjálmur
sem er svo fínn að hann smellpassar
við snotrustu jakkaföt og sómir sér
vel á skrifborðinu á virðulegustu
vinnustöðum.
Þá er ekki annað eftir en að festa
hjálminn á kollinn, setjast á kröftug-
an mótorfák og spana út í sumarfríið
í góða veðrinu. ai@mbl.is
Mótorhjólahjálmur
í stíl við jakkafötin
Hér er kominn
hjálmur fyrir
smekkfólk.
Pennarnir frá Montblanc
eru ekkert slor.
4 MORGUNBLAÐIÐ FIMMTUDAGUR 30. JÚNÍ 2016FRÉTTIR
Smiðsbúð 10 • 210 Garðabær • Sími: 554 4300 • Fax: 564 1187
Við höfum framleitt viðhaldsfría
glugga og hurðir í 30 ár
Nánari upplýsingar á www.solskalar.is
Frábært skjól gegn vindi og regni
Yfir 40 litir í boði!
Hentar mjög vel
íslenskri veðráttu
Svalaskjól
- sælureitur innan seilingar
Ekki hefur Þórir Garðarsson
getað kvartað yfir verkefnaleysi
undanfarin ár. Ferðamönnum
fjölgar mjög hratt og mikil eft-
irspurn er eftir rútuferðum. Á
sama tíma þarf að vinna innan
lagaramma sem Þórir segir barn
síns tíma.
Hverjar eru stærstu áskor-
anirnar í rekstrinum þessi
misserin?
Í þjónustustörfum eins og
ferðaþjónustu liggur áskorunin
einna helst í því að fara fram úr
væntingum viðskiptavina og
vera með puttann á púlsinum.
Hver var síðasti fyrirlesturinn
eða ráðstefnan sem þú sóttir?
Stór hluti af starfi mínu yfir
vetrarmánuðina felst í að sækja
ferðakaupstefnur og fara með
viðskiptasendinefndum víða um
heiminn þar sem ég hitti oftast
áhugasama aðila í ferðaþjónust-
unni. Markmið mitt er að selja
þeim hugmyndina um Íslands-
ferð fyrir þá og þeirra viðskipta-
vini. Síðastliðinn vetur fór ég
m.a. til Hong Kong, Suður-
Kóreu, Filippseyja, Madrídar,
Berlínar, Indlands, Dúbaí, Om-
an, og Kína.
Hver hefur haft mest áhrif
á hvernig þú starfar?
Jóhannes Georgsson, fyrrver-
andi framkvæmdastjóri SAS á
Íslandi og Iceland Express,
kennari minn úr ferðamálaskól-
anum og núverandi samstarfs-
maður okkar hjá Allrahanda
Gray Line, er með afar góða
innsýn í stóru myndina í ferða-
bransanum og hann hefur verið
óspar á að miðla okkur af þeirri
þekkingu sinni í gegnum árin.
Hver myndi leika þig í kvik-
mynd um líf þitt og afrek?
Tvímælalaust Örn Árnason.
Hann hefur góða skapið sem ég
reyni oftast nær að sýna og svo
yrði þetta auðvitað söng- og
dansmynd, en á því sviði hef ég
nákvæmlega enga hæfileika og
það mundi auðvitað fullkomna
grínið.
Hvernig heldurðu við
þekkingu þinni?
Með því að umgangast við-
skiptavini félagsins og starfs-
menn þess, hlusta á skoðanir
þeirra taka við ábendingum og
útfæra til bætta þjónustu. Ég er
einnig í miklum og góðum
tengslum við fjölmarga aðra
sem starfa í ferðaþjónustunni,
ekki síst í gegnum Samtök
ferðaþjónustunnar, og þannig
fæ ég góða yfirsýn yfir þær
áskoranir sem blasa við okkur
sem erum að gera okkar besta
til að sinna sívaxandi fjölda
ferðamanna til landsins.
Hugsarðu vel um líkamann?
Stutta svarið er: nei. En ég er
ánægður með að hafa hætt að
reykja fyrir mörgum árum.
Ef þú fengir að bæta við þig
nýrri gráðu, hvað myndirðu
læra?
Tungumálum og menning-
arlæsi. Í þjónustustörfum skipt-
ir miklu máli að þekkja til
menningar viðskiptavina, hverj-
ar væntingar þeirra eru og jafn-
fram að laga þjónustuna að
þörfum þeirra og hugmyndum.
Hvaða kosti og galla sérðu
við rekstrarumhverfið?
Ísland er fallegasti áfanga-
staður í heiminum og með
skýrri framtíðarsýn greinar-
innar og stjórnvalda getum við
haldið áfram að vera það en
tækifærin geta líka snúist í
höndum okkar vegna þekking-
arleysis og vanhugsaðra ákvarð-
ana.
Koma ferðamanna og fjölgun
þeirra er ekki náttúrulögmál
eins og t.d koma makrílsins í ís-
lenska lögsögu við getum sjálf
haft mest um að segja hvort
þeim fjölgi áfram, standi í stað
eða fækki og þar er ábyrgð póli-
tískra fulltrúa mikil þar sem al-
mennar leikreglur verða til á
þeirra borði.
Vanhugsaðar aðgerðir geta
haft mikil áhrif og snúist upp í
andhverfu sína og er ég þá sér-
staklega að vara við hug-
myndum um skattahækkanir á
ferðamenn þar sem Ísland er nú
þegar dýr áfangastaður, ekki
síst eftir skattahækkanir und-
anfarin ár með innkomu ferða-
þjónustunnar inn í virð-
isaukaskattskerfið og styrkingu
gengis krónunnar undanfarin ár.
Hvað gerirðu til að fá orku
og innblástur í starfi?
Ferðast um landið og sé þar
öll þau tækifæri sem enn eru til
staðar fyrir ferðaþjónustuna á
Íslandi.
Ef þú værir einráður í einn
dag, hvaða lögum myndirðu
breyta?
Lögum um skipan ferðamála
sem eru barn síns tíma eftir
mikið framfaraskeið undanfarin
ár. Sama á við um lög um skipu-
lag fólksflutninga.
SVIPMYND Þórir Garðarsson, stjórnarformaður Allrahanda – Gray Line
„Tækifærin geta snúist
í höndum okkar“
Morgunblaðið/Árni Sæberg
Þórir varar við hugmyndum um hækkaða skatta á ferðamenn. Ísland sé nú þegar dýr áfangastaður.
NÁM: Ökukennari og ferðamarkaðsfræði IATA/UFTA.
STÖRF: Stofnaði Allrahanda Gray Line árið 1989 með æsku-
félaga mínum frá Flateyri, Sigurdóri Sigurðssyni, eftir að við
höfðum báðir unnið meira og minna sjálfstætt frá árinu 1978 við
akstur og ferðaþjónustu. Varaformaður Samtaka ferðaþjónust-
unnar, stjórnarmaður hjá SA og hjá Stjórnstöð ferðamála.
FJÖLSKYLDUHAGIR: Giftur Ruth Melsted, lyfjatækni og leið-
sögumanni, og samtals eigum við fimm börn og þrjú barnabörn.
ÁHUGAMÁL: Ferðalög og ferðaþjónusta.
HIN HLIÐIN