Morgunblaðið - 30.06.2016, Síða 10

10 MORGUNBLAÐIÐ FIMMTUDAGUR 30. JÚNÍ 2016FRÉTTIR
©The Financial Times Limited 2014. Öll réttindi áskilin. Ekki til endurdreifingar, afritunar eða endurritunar með neinum hætti. Öll ábyrgð á þýðingum er Morgunblaðsins og mun Financial Times ekki gangast við ábyrgð á þeim.
Af síðum
Þegar breskir kjósendur fóru á kjör-
stað á fimmtudag átti hlutabréfa-
fjárfestirinn Chris Dyer nákvæm-
lega engin bréf í bönkum.
Þegar horft er til baka má öfunda
hann af þeirri ákvörðun. Í þeirri
lækkun sem orðið hefur á mörk-
uðum eftir að Bretar kusu að ganga
úr ESB hefur hrun hlutabréfa í
bönkum valdið hvað mestum
skjálfta.
Markaðsvirði Barclays og Royal
Bank of Scotland hefur lækkað um
meira en 30% frá kjördegi. Áhyggj-
urnar eru ekki bundnar við Bret-
land. Helsta hlutabréfavísitala evr-
ópskra banka hafði lækkað um 23%
undir lok mánudags og í viðskiptum
dagsins fór hún niður í lægsta gengi
sem sést hefur síðan krísan á evru-
svæðinu reið yfir.
En Dyer, sem er sjóðsstjóri hjá
Eaton Vance, hafði ekki selt hluta-
bréfin sín í skyndi út af niðurstöðum
einhverrar skoðanakönnunar eða
vegna persónulegs innsæis um
niðurstöðu atkvæðagreiðslunnar.
Hann hafði ekki fjárfest í breskum
bönkum svo mánuðum skiptir.
„Við vorum með neikvæðar horfur
á verðþróun hlutabréfa evrópskra
og breskra banka allt frá byrjun
þessa árs, sem skýrist af óhagfelldu
árferði, vaxandi regluverki, auknum
eiginfjárkröfum og lágvaxtaum-
hverfi,“ segir hann. „Enginn þessara
þátta hjálpar til við að auka hagnað
bankanna.“
Viðhorf Dyers varpar skýru ljósi á
hvernig sú ákvörðun að ganga úr
ESB lendir á viðkvæmum tíma fyrir
fjármálafyrirtæki, og bætir við nýj-
um áhættuþætti fyrir grein sem er
þegar undir þrýstingi um að skila
hagnaði á sama tíma og ávöxtunar-
krafa skuldabréfa hefur hrunið nið-
ur að núlli, eða jafnvel undir núll.
Bankar seldir fyrst
Fyrst fjármálafyrirtæki áttu þeg-
ar í erfiðleikum, hvaða þýðingu hafa
þá þær miklu lækkanir sem orðið
hafa eftir Brexit-kosninguna?
Fyrir það fyrsta eru bankar orðn-
ir sá eignaflokkur sem fjárfestar
selja nánast ósjálfrátt til að draga úr
áhættu sinni gagnvart efnahags-
legum samdrætti. „Greinilegt er að
fjármálafyrirtækin, sem eru mest
tengd innbyrðis þvert yfir álfuna,
bera hitann og þungann af lækkun-
inni eins og stendur,“ segir Kein
O‘Nolan, sjóðsstjóri hjá Fidelity.
Á mánudaginn voru viðskipti með
hlutabréf fjölda banka stöðvuð sjálf-
krafa eftir skarpa lækkun. Sumir
vilja meina að lækkunin endurspegli
óraunhæfa bjartsýni í aðdraganda
atkvæðagreiðslunnar, þegar bæði
veðbankar og skoðanakannanir gáfu
til kynna að meirihluti væri fyrir
áframhaldandi aðild og hlutabréf
hækkuðu um tveggja tölustafa
prósentutölu yfir nokkurra daga
tímabil. Rétt eins og bjartsýnin hafði
þá mikil áhrif á gengi bankanna hef-
ur bölsýnin mikil áhrif á gengi
þeirra núna.
Lægri vextir, minni hagnaður
Í öðru lagi er það hagnaðurinn.
David Lodge, markaðsgreinandi hjá
Deutsche Bank, bendir á að hætta sé
á frekari slökun á peningastefnu
Englandsbanka, sem hefur lang-
varandi áhrif á „vaxtamun“ bank-
anna, þ.e.a.s. muninn á vöxtunum á
því sem þeir taka að láni og því sem
þeir lána.
„Það sem veldur áhyggjum er að
ef breskir stýrivextir lækka enn
frekar dregur það úr muninum á
vöxtum inn- og útlána,“ segir hann.
„Bankar skila betri afkomu þegar
vextir eru á uppleið.“
Á mánudag féll ávöxtunarkrafa
breskra ríkisskuldabréfa til tíu ára
undir 1% og hefur aldrei verið lægri,
fór niður fyrir fyrra met sem sett
var á föstudag.
Þessir atburðir áttu sér sam-
svörun í janúar og febrúar þegar
hlutabréf bankanna lækkuðu mikið
vegna ótta um afkomu þeirra. Áttu
fáir von á örum efnahagsvexti og
endurspeglaðist það í lágum og jafn-
vel neikvæðum skuldabréfavöxtum
víða um heim.
Verðlagning á bönkum lækkar
Í þriðja lagi eru langtímatölurnar
meira sláandi en nýjustu hreyfingar
á mörkuðum. Eitt greinilegasta
merkið um áhyggjur fjárfesta er
hvernig bankarnir eru verðlagðir,
langt undir hreinu virði eigna í bók-
unum þeirra. Var V/I hlutfall
Barclays 2,4 á árinu 2006, á upp-
gangsskeiði sem var drifið áfram af
lántökum þegar fjárfestar gerðu ráð
fyrir að virði bankans myndi halda
áfram að aukast.
Hlutfallið í dag gefur til kynna að
vonir fjárfesta um framtíðina séu
ekki mjög glæstar. Í árslok 2015 var
hlutfall Barclays 0,67 og við lok
fyrsta ársfjórðungs var það orðið
0,44 og er því spáð að það lækki enn
meira á árinu. Í Evrópu er búist við
að V/I hlutfall banka í Euro Stoxx
bankavísitölunni verði að meðaltali
0,45 í lok þessa árs og yrði það
lægsta hlutfallið á þessari öld.
Nýtt lag af flækjum bætist við
Loks hefur regluverkið – arfur frá
fjármálahruninu – gert það einnig
skelfilega flókið að fjárfesta í bönk-
um, sem í dag bjóða upp á ýmiss
konar áhættusöm skuldabréf. Svo-
kölluð „coco“-skuldabréf, sem breyt-
ast í hlutafé eða eru færð niður þeg-
ar bankar verða fyrir tapi, lækkuðu
líka eftir atkvæðagreiðsluna.
„Brexit bætir nýju lagi af flækjum
ofan á það að reka banka í dag. þetta
er ástæðan fyrir því að bankarnir
eru undir þrýstingi,“ segir Patrick
George, sem stýrir markaðs-
greiningarsviði HSBC fyrir Evrópu,
Mið-Austurlönd og Afríku. „Bank-
arnir voru þegar undir álagi vegna
nýrra eiginfjárreglna og vegna alls
hins sem við höfum vitað um und-
anfarin þrjú til fjögur ár.“
Meira háð pólitískri óvissu
Í samanburði við fjármálakrepp-
una og kreppuna á evrusvæðinu
haldast nýlegar sveiflur á mörk-
uðum meira í hendur við pólitíska
óvissu. „Þetta er frábrugðið al-
þjóðlegu fjármálakreppunni eða
fjárhagsvanda Evruríkjanna sem við
höfum orðið vitni að þessi síðustu
ár,“ segir Dyer. „Þróunin nú er mjög
svo drifin áfram af pólitískum at-
burðum.“
En flestir fjárfestar og markaðs-
greinendur eru sammála um að lík-
urnar á niðursveiflu hafi aukist, og
það yrði sérstaklega skaðlegt fyrir
bankana. Frekar en að skapa al-
gjörlega nýtt vandamál virðist Brex-
it ætla að framlengja langvarandi
stöðnun sem stafar af fyrri skakka-
föllum.
„Það var óskhyggja hjá markaðn-
um að halda að allt myndi fara vel,“
segir Patrick George um hækkun
hlutabréfa í aðdraganda atkvæða-
greiðslunnar. „Fólk fór að trúa því
sem það vildi trúa. Þeir sem starfa á
markaðinum vilja allir að við
verðum áfram í ESB.“
Enn bætir í vanda bankanna með Brexit
Eftir Thomas Hale
og Rochelle Toplensky
Fjármálafyrirtæki hafa
átt undir högg að sækja
allt frá síðustu fjármála-
kreppu og óvissan vegna
væntanlegrar útgöngu
Breta úr ESB eykur enn á
vanda þeirra.
AFP
Byggingarnar í City-fjármálahverfinu í Lundúnum blasa við frá Greenwich-garði en væntanleg útganga Breta úr
Evrópusambandinu hefur skapað töluverða óvissu um framtíð þessarar helstu fjármálamiðstöðvar Evrópu.
Íshella 10 • 221 Hafnarfjörður • Sími 569 2100Mynd: Slökkvistöðin við Skarhólabraut í Mosfellsbæ.
Þeir semgerakröfur
veljaHéðinshurðir
Fáðu tilboð í hurðina
Fylltu út helstu upplýsingar
á hedinn.is og við sendum
þér tilboð um hæl.