Dagblaðið Vísir - DV - 08.04.2015, Blaðsíða 14

Vikublað 8.–9. apríl 201514 Fréttir
Við brúum bilið
Hættu að níðast á ættingjum og vinum!
Búslóðalyftan
auðveldar
flutninginn
Allt að 50 metrar
540 manns urðu
gjaldþrota 2014
a
lls voru 540 einstaklingar
teknir til gjaldþrotaskipta árið
2014 sem er verulega fjölg-
un frá árinu 2013 þegar 369
einstaklingar fóru í þrot. Af
þessum 540 gjaldþrotum fór 121 mál í
gegnum umboðsmann skuldara sam-
kvæmt upplýsingum frá embættinu.
Önnur mál hafa farið í gegnum önn-
ur fyrirtæki sem bjóða upp á aðstoð
við gjaldþrotaskipti eða þá að einstak-
lingar hafa verið úrskurðaðir gjald-
þrota að kröfu kröfuhafa. Einnig þekk-
ist það að skuldarar standi í því alfarið
sjálfir að óska eftir gjaldþrotaskiptum.
Fyrningarfrestur krafna tvö ár
Fyrningarfrestur krafna var styttur
niður í tvö ár árið 2010. Ástæðuna fyr-
ir þessum aukna fjölda gjaldþrota í
ár má eflaust rekja til ákvæðis um að
endurskoða ætti lögin innan fjögurra
ára og sá frestur átti að renna út í lok
árs 2014. Því er líklegt að margir hafi
ekki viljað tefla á tæpasta vað með því
að bíða með að grípa til aðgerða.
Í stefnuræðu forsætisráðherra
í september síðastliðnum kom þó
skýrt fram að fyrningarfresturinn yrði
áfram tvö ár en enginn tímarammi
hefur komið fram um hvenær ákvæð-
ið verði afnumið.
„Stefnuræða forsætisráð-
herra hefur enga lagabindingu“
Gjaldþrotaskipti.is er eitt af þeim
fyrirtækjum sem bjóða upp á þjónustu
fyrir þá sem eru í alvarlegum fjárhags-
vandræðum. Auglýsingar fyrirtækisins
hafa vakið talsverða athygli en í þeim
er gefið í skyn að fólk sé nánast að falla
á tíma ef það ætlar að nýta sér styttingu
fyrningartímans úr tíu árum í tvö ár.
„Þetta ákvæði var sett í lög 2010
og það var tekið skýrt fram að þetta
ákvæði yrði endurskoðað eigi síðar
en fjórum árum síðar, þ.e. áramótin
2014/2015. Í orðalaginu var verið að
segja það beint út að það ætti að breyta
þessu fyrir árslok 2014. Við segjum
bara nákvæmlega það sama og þing
segir í þessum efnum. Sumir benda á
stefnuræðu forsætisráðherra en hún
hefur enga lagabindingu. Við tökum
það skýrt fram að fyrningarfrestur-
inn sé enn opinn og það sé algjör
óvissa um hvenær því verði breytt,“
segir Guðmundur Ágústsson, fram-
kvæmdastjóri Gjaldþrotaskipta.is.
Guðmundur tekur fram að þjónusta
fyrirtækisins snúist um margt annað
en að sækja um gjaldþrotaskipti fyrir
skjólstæðinga þess. „Við metum stöðu
hvers og eins vandlega. Í mörgum til-
fellum þjónar það hagsmunum skjól-
stæðingsins að semja við kröfuhafa
og þá bjóðumst við til þess að aðstoða
við það. Svo veitum við fólki einnig
fjármálaráðgjöf út frá þeirra stöðu.“
Auglýsingarnar orka tvímælis
„Við urðum vör við það að aukinn
fjöldi fólks hafði samband og hafði
áhyggjur af því að fresturinn væri að
renna út og að það væri þá mögulega
að missa af lestinni. Okkur finnst orka
tvímælis að auglýsingar fyrirtækisins
á Facebook geri út á það að nú sé síð-
asti séns til þess að verða gjaldþrota en
þegar sannleikurinn er sá að stjórn-
völd hafa lýst því yfir að fyrningar-
frestur á kröfum verði áfram tvö ár,“
segir Svanborg Sigmarsdóttir, upplýs-
ingafulltrúi umboðsmanns skuldara.
Tryggingargjald niðurfellt
Yfirleitt þarf að greiða 250 þúsund
krónur til tryggingar fyrir skipta-
kostnaði, ef ekki er ljóst hvort eignir
skuldarans muni nægja fyrir greiðslu
hans. Sé farið í gegnum umboðsmann
skuldara er möguleiki á að embættið
greiði kostnaðinn. „Ef ákveðin skilyrði
eru uppfyllt þá skrifum við bréf um að
við munum borga þessa tryggingu.
Þeir sem fá tryggingu fyrir skipta-
kostnaði fá jafnframt ókeypis öll gögn
sem þurfa að fylgja gjaldþrotaskipta-
beiðni og ef með þarf aðstoðum við,
við að fylla út gjaldþrotaskiptabeiðn-
ina. Það er ekkert því til fyrirstöðu að
einstaklingar sem fari í gegnum önn-
ur fyrirtæki, eins og Gjaldþrotaskipti.
is, sæki um það til okkar að fá þenn-
an kostnað greiddan en ég þekki ekki
hvort að fyrirtækið er að benda fólki
á þennan möguleika eða ekki,“ segir
Svanborg.
„Við höfum aldrei farið leynt með
það að ef fólk stenst ákveðið mat hjá
umboðsmanni skuldara þá getur það
fengið tryggingargjaldið fellt niður.
Við segjum fólki að leita til umboðs-
manns skuldara ef að við teljum að
það falli undir matið fyrir niðurfell-
ingu. Við reynum ekki að selja fólki
neina hugmynd um að það eigi að
fara í gegnum okkur,“ segir Guð-
mundur Ágústsson. n
n aðeins um 20% fara í gegnum umboðsmann skuldara n auglýsingar orka tvímælis
Björn Þorfinnsson
bjornth@dv.is
Kostnaður við gjaldþrot
265.000 kr.
Héraðsdómari getur krafið þann sem
krefst gjaldþrotaskipta um 250.000 kr. í
tryggingu fyrir skiptakostnaði, ef ekki er
ljóst að eignir skuldarans muni nægja fyrir
greiðslu skiptakostnaðar. Krefjist skuldari
sjálfur gjaldþrotaskipta getur hann sótt um
fjárhagsaðstoð vegna skiptakostnaðar hjá
umboðsmanni skuldara. Að auki þarf að
greiða 15.000 kr. í þinglýsingargjald.
Svanborg Sigmarsdóttir Upplýsinga-
fulltrúi umboðsmanns skuldara.
Guðmundur Ágústsson
Framkvæmdastjóri Gjaldþrotaskipti.is
Fjöldi gjaldþrota
frá 2001–2014
Konur Karlar Alls
2001 81 217 298
2002 115 252 367
2003 96 293 389
2004 55 220 275
2005 35 160 195
2006 26 89 115
2007 35 118 153
2008 38 163 201
2009 13 99 112
2010 18 121 139
2011 24 161 185
2012 55 236 291
2013 98 271 369
2014 152 388 540
Stefnuræða forsætisráðherra
frá 9. september 2014 „Þá hefur verið
ákveðið að fyrningarfrestur á kröfum, eða þeim hluta krafna sem
ekki fást greiddar við gjaldþrot, muni áfram verða tvö ár.
Jafnframt verður áfram unnt að óska eftir fjárhagsaðstoð til
greiðslu tryggingar vegna kostnaðar við gjaldþrotaskipti.“
Fjöldi umsókna til umboðs-
manns skuldara árið 2014
Alls sóttu 452 einstaklingar um gjaldþrotaskipti árið 2014 í gegnum umboðsmann skuldara.
392 mál voru afgreidd frá embættinu og 164 af þeim leiddu til þess að gjaldþrotaskipti
voru samþykkt. Helsta ástæða þess að beiðni um gjaldþrotaskipti var synjað var sú að um-
sækjendur hefðu ekki leitað annarra úrræða fyrst, t.d. ráðgjafar í fjármálastofnunum eða
greiðsluaðlögun. Af 164 samþykktum umsóknum fór 121 einstaklingur í þrot, mismunurinn
helgast af því að 43 hafi ekki enn nýtt sér samþykki til þess að óska formlega eftir skiptum.