Dagblaðið Vísir - DV - 01.12.2015, Blaðsíða 2

Vikublað 1.–3. desember 20152 Fréttir
„Ég elska internetið“
n Michael og Fiona trúlofuðu sig um helgina n Vegfarandi náði yndislegri mynd
É
g skipulagði ferðina í maí síð-
astliðnum en við erum að
halda upp á afmæli kærustunn-
ar minnar hérlendis. Ég ætlaði
að biðja hennar undir skini
norður ljósanna og þess vegna fór-
um við í jeppaferð á föstudaginn
til þess að leita þau uppi. Ég var að
sjálfsögðu með hringinn í vasan-
um,“ segir Michael J. Kent í sam-
tali við DV en mynd þar sem hann
er að biðja kærustunnar sinnar,
Fionu Newland, vakti mikla athygli
um helgina. Michael og Fiona, sem
hafa verið saman í þrjú ár, eru bæði
ensk að uppruna en búa í Edinborg í
Skotlandi.
Þaulskipulagðar fyrirætlanir
Michaels urðu hins vegar að engu þar
sem mikil snjókoma gerði að verk-
um að skyggni var lítið sem ekkert í
ferðinni. Nú voru góð ráð dýr og því
þurfti Michael að leika af fingrum
fram. „Við höfðum keyrt niður þessa
götu (Skólavörðustíg, innsk. blm.)
fyrr í ferðinni en einnig gengið nið-
ur hana og mér fannst hún rosalega
falleg. Ég náði á lymskulegan hátt
að stýra kvöldgöngunni þangað en
Fiona hélt að við værum á leiðinni á
einhvern bar. Svo leiddi ég hana und-
ir jólabjölluna fallegu og skellti mér
á hnén,“ segir Michael og hlær enda
samþykkti Fiona umsvifalaust ráða-
haginn.
„Þetta var sérstakt kvöld“
Svo skemmtilega vildi til að Jessica
Bowe, sem búið hefur hér á landi í
sjö ár, átti leið hjá með símann á lofti
við að taka myndir af snjókomunni
fallegu. Fyrir tilviljun náði hún stór-
kostlegri mynd af augnablikinu þar
sem Michael bar upp spurninguna
stóru. „Þetta var sérstakt kvöld. Ég
var að yfirgefa skemmtistaðinn Bravó
eftir nokkra föstudagsbjóra og var að
taka myndir af fallegu snjókomunni,“
sagði Jessica.
Hún var að mynda Hallgrímskirkju
upp Skólavörðustíg þegar hún varð
vör við erlent par úti á götu og mann-
inn á hnjánum. „Ég leyfði þeim að
njóta augnabliksins en síðan gekk ég
upp að þeim og spurði hvort að þau
vildu fá myndina til minningar. Hend-
ur mannsins skulfu af kulda þegar
hann sló inn tölvupóstinn sinn í sím-
ann minn og ég fékk faðmlag að laun-
um. Stundum er maður bara á réttum
stað á réttum tíma,“ segir Jessica.
Sagan endaði þó ekki þar því svo
óheppilega vildi til að Michael skrifaði
inn rangt tölvupóstfang í síma Jessicu.
„Daginn eftir hafði okkur ekki borist
myndin og þá fór ég að senda út skila-
boð á samfélagsmiðlum í þeirri von
að myndin hefði ratað þangað. Skila-
boðin fóru víða og að lokum sendi
Reykjavik Grapevine okkur myndina
í skilaboðum,“ segir Michael en þá
hafði áðurnefnd Jessica sett myndina
á Instagram-reikning sinn og þannig
fór myndin fallega á flug. „Ég elska
internetið,“ segir Michael hlæjandi
en staðfestir að fullkomin sálarangist
hafi gripið um sig þegar nýtrúlof-
uðu turtildúfurnar fóru að óttast að
myndin væri að eilífu glötuð.
Að hans sögn verður myndin um-
svifalaust sett í ramma og mun koma
til með að fylgja hinum verðandi
hjónum alla tíð. n
Björn Þorfinnsson
bjornth@dv.is
Á góðri stund Michael J. Kent og unnusta
hans, Fiona Newland, alsæl skömmu eftir
trúlofunina. Jólabjallan á Skólavörðustíg
er í baksýn.
Jessica Bowe Náði fallegri mynd fyrir
algjöra tilviljun.
Rómantík Þessi mynd mun prýða
vegg á heimili Michaels J. Kent og Fionu
Newland um ókomna tíð. Mynd Jessica Bowe
„Ég ætlaði að
biðja hennar undir
skini norðurljósanna
Viðvörun
vegna óveðurs
Í dag, 1. desember, ganga skil
norðaustur yfir landið með austan
stormi og hríðarbyl á öllu landinu
fyrst suðvestan til. Frá þessu grein-
ir Veðurstofa Íslands. Í dag er því
ekkert ferðaveður. Spá fyrir landið
suðvestanvert: Vaxandi austan átt
í nótt. Snemma í fyrramálið má
búast við slæmu skyggni vegna
skafrennings víða suðvestanlands,
þar með talið á höfuðborgarsvæð-
inu og á Reykjanesbraut. Hvessir
enn þegar líður á morguninn og
fer að snjóa og búast má við mikilli
snjókomu fram eftir degi. Síðdeg-
is, milli kl. 15 og 18, snýst vindur
í hægari vestanátt með éljagangi,
fyrst á Reykjanesi.
Versnandi veðri er spáð
austan lands seinnipartinn með
austanhvassviðri eða stormi og
mikilli ofankomu.
Varað við
grýlukertum
Lögreglan á höfuðborgarsvæðinu
varar við grýlukertum en þau er
víða að finna þessa dagana enda
borgin í miklum vetrarham.
Ljóst er að af þeim getur stafað
nokkur hætta og því er full ástæða
til að hvetja vegfarendur til að sýna
aðgát. Þetta á ekki síst við um mið-
borgina og má þar enn fremur
nefna Þingholtin sérstaklega.
Eigendur og umráðamenn
húsa eru beðnir um að bregðast
við en hinum sömu er jafnframt
bent á ákvæði í lögreglusam-
þykkt en þar segir meðal annars:
Eiganda eða umráðamanni húss
er skylt að fjarlægja af húsi sínu
snjó og grýlukerti, sem fallið geta
niður og valdið hættu fyrir vegfar-
endur.
Hannar jólakort fyrir
veikan bróður sinn
ingi Magnús berst við lungnakrabbamein
Þ
að er gaman að geta
lagt þeim lið á þennan
hátt,“ segir Tinna
Rós Þorsteinsdóttir
myndlistakona sem hefur
hannað og látið prenta
jólakort sem hún selur um
þessar mundir. Allur ágóði
kortanna rennur til bróður
Tinnu, Inga Magnúsar
Ómarssonar, sem berst við
lungnakrabbamein. Hann
er fjölskyldufaðir sem hefur
þurft að taka sér langt frí
frá vinnu vegna veikindanna og það
hefur kona hans einnig þurft að
gera. Ingi Magnús, sem er 38 ára,
hefur þegar farið í eina aðgerð vegna
krabbameinsins og á lengra
ferli fyrir höndum. „Hann
þarf svo að fara í aðra
aðgerð núna rétt fyrir jólin,
hann vildi það,“ segir Tinna.
„Hann veiktist í sumar og
þetta reyndist vera krabba-
mein í báðum lungum,“
segir hún. „Þetta byrjaði
þannig að fjölskyldan
stofnaði hóp á Facebook
til að safna styrkjum fyrir
hann, en þar sem ég er
myndlistakona ákvað ég að
fara þessa leið,“ segir Tinna. Hægt
er að finna nánari upplýsingar um
kortin á Facebook á síðunni Tinna
Royal. n
Tvær gerðir kortin
prýða hunda- og
kattamyndir.
Undirþrýstingur í miðeyra með vökva.
Eftir þrýstingsjöfnun með Otoventblöðru,
miðeyrað opið og engin vökvi.
Fæst í apótekum www.celsus.is
Meðferð við
eyrnabólgu og
vökva í miðeyra
– lagar og fyrirbyggir
• Um 70 % fá bót við fyrstu notkun.
• Vel rannsökuð meðferð sem leiðréttir undir-
þrýsting í miðeyra, opnar kokhlustina svo að
vökvi eigi greiða leið.
• Getur dregið úr notkun sýklalya, ástungum
og rörum í eyrum.
• Góður árangur tengt ugi, köfun, sundi
og kinnholustíum. Fyrir börn og fullorðna.
• CE merkt – Meðmæli lækna.