SÍBS fréttir - 01.02.1985, Blaðsíða 3

Kjartan Guðnason:
Lög um tóbaksvarnir
Um síðustu áramót tóku gildi ný lög um
tóbaksvarnir. S.Í.B.S. og skjólstæðingar
þess fagna þeim sérstaklega, þar sem gerð er
tilraun til verndar þeim lungnasjúklingum
er ekki þola mengun lofts af reykingum:
„Tóbaksreykingar eru óheimilar í þeim
hluta af húsnæði stofnana, fyrirtækja og
annarra, þar sem almenningur leitar
aðgangs í sambandi við afgreiðslu eða þjón-
ustu sem þessir aðilar veita,“ eins og segir í
lögunum.
í nóv. s.l. héldu lungnasérfræðingar,
starfandi í Reykjavík og nágrenni, fund að
Reykjalundi, þar sem rædd voru ýmis
vandamál lungnasjúklinga, og hvað helst
væri til ráða með fyrirbyggjandi aðgerðir.
Talað var um mengun lofts á vinnu-
stöðum, og í því sambandi minnst á álver
og kísilgúrverksmiðju, sem nú er ofarlega í
umræðu fjölmiðla.
Sérfræðingarnir voru sammála um nauð-
syn aðgerða í þessum verksmiðjum og víðar
til úrbóta, en töldu þó að verstar væru reyk-
ingarnar þegar menn soguðu eitrið ofan í
lungun með þeim afleiðingum sem slíkt
hefir sannanlega í för með sér.
Reykingamenn hugsa ekki um þá hættu
sem þeir setja sig í, eða um vinnufélagann
eða náungann sem ekki reykir en er
neyddur til að anda að sér eitruðu loftinu
frá reykingmanninum.
Sem betur fer á þetta ástand að batna með
tilkomu laganna, sem ég nefndi fyrr. Lögin
ein valda þó ekki hugarfarsbreytingu hjá
þeim sem reykja, þeim verður að hjálpa og
leiðbeina um þá hættu sem þeir valda
sjálfum sér og öðrum með reykingunum.
Þegar í stað verður að hefja kynningar-
herferð og áróður fyrir lögunum um
tóbaksvarnir, sem tóku gildi um áramótin.
Það verður að hefja áróður gegn reyking-
um, og þá fyrst og fremst meðal unglinga,
ef það mætti verða til að forða þeim frá að
byrja reykingar.
Gamla íeykingavarnanefndin, sem starf-
aði hér fyrir nokkrum árum vann mikið og
þarft verk með áróðri gegn reykingum í
skólunum á sínum tíma, fékk m.a. heilu
bekkina í lið með sér til að hamla gegn
reykingum.
Lögin um tóbaksvarnir og bann við reyk-
ingum, eins og lögin kveða á um, eru nauð-
synleg og þörf heilsuvernd, en meira þarf til
svo öllum megi vera ljós sú hætta sem reyk-
ingunum eru samfara, ekki aðeins þeim sem
reykja heldur öllum í nálægð við þá vegna
þeirrar mengunar sem umlykur þá.
Öll viljum við eiga rétt á að anda að
okkur hreinu og ómenguðu lofti, á sama
hátt og við teljum okkur eiga rétt til að
neyta hreins og ómengaðs vatns.
Kostnaðarsamar hreinsunarvélar eru
settar upp í verksmiðjum, og þeim öðrum
stöðum þar sem fólk er samankomið, og á
rétt á því að fyllsta hreinlætis sé gætt á
öllum sviðum, og er ríkt eftir gengið að svo
sé, sem vera ber. Ekki á að undanskilja rétt-
inn til að anda að sér hreinu og ómenguðu
lofti, lausu við eitrun frá reykjandi nágranna
eða sessunaut.
Því ber að fagna lögunum um tóbaks-
varnir, og er það von samtaka berkla og
brjóstholssjúklinga að með mikilli upplýs-
ingastarfsemi og áróðri skapist hugar-
farsbreyting svo að innan fárra ára verði
lögin óþörf, þar eð öllum hafi þá skilist að
áhættan, sem fylgir reykingunum er alltof
mikil, því okkur er lífið kært.
SÍBSfréttir
3