Kvennalistinn á Vesturlandi - 01.05.1986, Blaðsíða 2

UTGEFANDI:
Samtök um kvennalista
á Vesturlandi
Ábyrgö:
Hulda K. Guöjónsdóttir
Ingibjörg Daníelsdóttir
Sesselja Bjarnadóttir
Setning og prentun:
Prentverk Akraness hf.
Nýtt verðmætamat
í byggðamálum sem
og á öðrum sviðum
þjóðlífsins er þörf fyr-
ir nýtt verðmætamat
sem byggir á lífssýn
kvenna.
Danfríður Skarphéðinsdóttir
Þaö hefur ekki farið fram hjá neinum að atvinnulíf og þar
með byggð úti á landsbyggðinni stendur á krossgötum.
Undirstöðuatvinnuvegirnir hafa búið við skipulagsleysi og
óstjórn. Afleiðingar kvótakerfis í sjávarútvegi hafa leitttil þess
að mörg byggðarlög fá ekki nægjanlegt hráefni til úrvinnslu
þannig að atvinna minnkar. — Hin skipulagslausa fækkun
bænda stefnir atvinnulífi og þjónustu úti á landsbyggðinni í
voða og rýfur þau félags- og menningarlegu tengsl sem eru
samfélaginu nauðsynleg.
Við Kvennalistakonur viljum auka áhrif kvenna við mótun
og stjórn allra greina atvinnulífsins.
Við leggjum áherslu á að allar afurðir verði fullunnar sem
næst framleiðslustað. Nauðsynlegt er að leita nýrra leiða til
nýtingar afurða okkar og fylgja nýjungum eftir.
í Ijósi þeirrar staðreyndar að flest ný störf á vinnumarkaði
verða til í þjónustugreinum er nauðsynlegt að auka hlutdeild
landsbyggðarinnar í þeim. Ein leið til þess er að færa völd og
þá um leið ýmiss konar þjónstu heim í héruð. Aukið fjárhags-
legt sjálfstæði sveitarfélaga eflir getu þeirra til að stjórna eigin
málum. Við viljum að gerð verði áætlun um bætta þjónustu
ríkisstofnana. Hún gæti falist í því að flytja sumar þeirra eða
stofna deildir úti um landið. — Ljóst er að vegna smæðar
þjóðarinnar verða alltaf einhverjar stofnanir aðeins í höf-
uðborg landsins. Til að jafna aðstöðu landsmanna sem þær
þurfa að nota viljum við að allar opinberar stofnanir verði sett-
ar á landsnúmer þannig að kostnaður við að hringja verði sá
sami um allt land. Ennfremur að tekin verði upp ein gjaldskrá
innan sama svæðisnúmers. — Kvennalistinn hefur lagt til á
Alþingi að aðstandendum sjúklinga standi til boða húsnæði á
góðum kjörum, þurfi þeir að dvelja með hinum sjúku fjarri
heimabyggð.
Ein er sú atvinnugrein sem landsmenn renna öðrum frem-
ur hýru auga til um þessar mundir. Þar á ég við ferðaþjón-
ustu. Sú atvinnugrein færir okkur síauknar gjaldeyristekjur. Á
sviði ferðaþjónustunnar er mikilvægt að hlutur landsbyggðar-
innar verði ekki fyrir borð borinn. Sérstaða landsins hvað
varðar náttúrufegurð, friðsæld og hreinleik er nokkuð sem við
verðum að varðveita. Góð þjónusta við ferðamenn er góð
auglýsing, ekki bara fyrir land og þjóð heldur einnig fyrir ís-
lenska framleiðslu. Kvennalistinn hefur lagt fram tillögu um
úrbætur í ferðaþjónustu. Við teljum brýnt að gera sveitarfé-
lögum kleift að standa myndarlega að baki þeirra uppbygg-
ingar sem þörf er. Ein frumforsenda þess að auka megi hlut
þjónustugreina í atvinnulífi landsbyggðarinnar eru stórbættar
samgöngur, aðeins með því móti verða bæði atvinnu- og
þjónustusvæðin stækkuð.
Þau mál sem heitast brenna á konum eru hin sömu hvar
sem er í landinu. Þær finna sárt til launamisréttis, þeim svíð-
ur illur aðbúnaður barna til náms og þroska, þær vilja tryggja
sjúkum, fötluðum og öldruðum sem besta þjónustu. í þessum
efnum er mikið óunnið og því mikil þörf fyrir lífsýn kvenna.
íslenska þjóðin hefur með rúmlega ellefu alda búsetu í
landinu sýnt að með samstöðu og samhjálp hefur henni ætíð
tekist að snúa vörn í sókn. Það hefur frá upphafi verið vilji
Kvennalistans að úti á landsbyggðinni blómstri atvinnulíf
samfara öflugu félags- og menningarlífi.
Sú endurreisn landsbyggðarinnar sem nú er nauðsynleg er
fyrst og fremst komin undir vilja og bjartsýni okkar sjálfra. Fái
reynsla og viðhorf kvenna að njóta sín við þá endurreisn er
um leið tryggt að mannleg verðmæti verða fyrst og fremst
lögð til grundvallar þar sem málum er ráðið. — Konur eru
reiðubúnar til að leggja sitt af mörkum.
Danfríður Skarphéðinsdóttir
Kosningaskrifstofa
Kvennalistans er á
Skúlagötu 17 í
Borgarnesi, þar er
alltaf heitt á könn-
unni og hressar
konur aö spjalla við.
Opnunartími er 3-6
alla daga, en á laug-
ardögum og sunnu-
dögum er opiö frá
kl. 2-5.
Látið sjá ykkur.
Síminn er 7105
Heimasími kosningastjóra er 7066
2