Norðurslóð - 31.03.1987, Side 8

Tímamót
Afmæli:
Mánudaginn 23. mars sl. áttu 67 ára hjúskaparafmæli hjónin
Anna Arngrímsdóttir og Kristján Jóhannesson fv. hreppstjóri á
Dalvík, nú til heimilis á Dalbæ.
Norðurslóð árnar heilla.
Þakkarávarp
Innilegur þakkir til allra þeirra sem með gjöfum,
blómum og skeytum glöddu mið á 70 ára afmælinu
30. mars sl.
Guð blessi ykkur öll.
Kær kveðja,
Sveinn Vigl'ússon.
Tíl lesenda
Frá upphafi 1977 hefur Norðurslóö verið unnin og prentuð í
Prentsmiðju Björns Jónssonar á Akureyri, en það fyrirtæki hef-
ur hin síðari ár heitið Fontur hf. Starfsemin hefur farið fram í
Skjaldborgarhúsinu gamla við Hafnarstræti.
Nú hefur Fontur hf. verið að flytja sig búferlum upp í Lund
þar sem áður var afkvæmarannsóknastöð SNE og a.m.k. margir
bændur þekktu vel til.
Með áherslubreytingum á starfseminni hentar það ekki lengur
Fonti að fást við vinnslu blaðs eins og Norðurslóð er. Pað er því
komið að skilnaðarstund. Blaðið þakkar þeim Fontsmönnum
fyrir sérlega gott samstarf í 10 ár og óskar fyrirtæki þeirra langra
og góðra lífdaga á nýja staðnum.
Fyrst um sinn hefur verið samið við Dagsprent hf. á Akureyri
að það taki að sér vinnslu blaðsins enda eru þar fyrir nokkrir
góðir menn, sem Norðurslóð kynntist áður að góðu þegar þeir
unnu í Skjaldborg.
Þetta er fyrsta tölublaðið eftir þessi umskipti og á helst ekki
að hafa í för nteð sér neina breytingu á blaðinu.
Að svo mæltu sendum við lesendum okkar bestu kveðjur og
höldum öll vonglöð fram á veginn.
Norðurslóð biður lesendur velvirðingar á, hve seint marsblað-
ið keinur út. Orsökun er vikubið sem varð á að unnt væri að
birta framboðslista til alþingiskosninga 25. apríl. Þennan bita
mátti blaðið alls ekki við að missa, svo ákveðið var að doka
við.
Mefl bestu kvefljum,
Útgefendur.

Og svo kom snjórinn.
Helgi Þorsteinsson, formaður Lionsklúbbs Dalvíkur afhendir BBC tölvu í
félagsmiðstöðina Gimli, Dalvík. Ingimar Jónsson, æskulýðsfulltrói, tekur
við gjöfinni.
Yegagerð 1987
Fyrir svo sem 30-40 árum skrif-
aði undirritaður einhverja
blaðagrein, sem nýlega bar
honum aftur fyrir sjónir. Þar
er m.a. spurt þeirrar spurning-
ar, hvers Svarfdælingar myndu
óska sveit sinni til handa, ef
þeir ættu eina ósk. Höfundur
svaraði sjálfum sér og fullyrti
að þeir mundu allir sem einn
velja sömu óskina: Betra vega-
kerfi. A þeim árum var enginn
„uppbyggður“ vegarkafli hring-
inn í kringum dalinn né heldur
á Akureyrarvegi, gömul brú á
Dalsánni hjá Árgerði, fjöldi
bráðónýtra smábrúa o.s.frv.
Óneitanlega hefur margt gott
gerst í vegamálum okkar síðan
þetta var. Þar ber að sjálfsögðu
hæst hina ágætu Akureyrarleið,
Ólafsfjarðarveg nr. 84 ásamt með
nýju Argerðisbrúnni og bundnu
slitlagi alla leið.
Ekki má heldur vanþakka
vegabætur innan hreppsins eink-
um að vestanverðu. nú síðast
nýja Holtsárbrú og veg að henni,
sem að nokkru var reyndar
byggður fyrir viðhaldsfé og sýslu-
vegafé. Þá má því ekki heldur
gleyma að sýsluvegirnir hafa á
þessum árum stórbatnað, sem
kemur sér vel ekki síst í sam-
bandi við mjólkurflutninga.
Hvað er framundan?
Þetta var nokkuð langur formáli
að því sem átti að vera aðalefni
greinarinnar, framtíðin. Því er
ekki að neita, að þó nokkuð hafi
unnist er mikið enn ógert.
Nú er þó einn áfangi á fram-
farabraut innan sjónmáls, vegur
nr. 806, yfir Tungurnar, 2,7 km
að lengd frá vegamótum við
Svarfaðardalsveg nr. 805 hjá
Hreiðarsstöðum að vegamótum
við Skíðadalsveg nr. 807 við
Skíðadalsárbrú. Nýi vegurinn á
að liggja í mjúkri beygju milli
þessara endapunkta. Svo loksins
á þessi draumur að verða að
veruleika og er gaman að minn-
ast þess, að fyrir langa löngu,
meðan önnur vegalög giltu,
komu mörg ár í röð lágar fjár-
veitingar til þessa vegar. En
vegaumdæmisstjóri þáverandi,
Karl Friðriksson, með góðu sam-
þykki sveitarstjórnar, tók þessa
aura alltaf til annarra þarfa, sem
brýnni þóttu á vegum hér í sveit-
inni.
Ýtan sf. -
Hæringsstaðabræður
Eftir áramótin var þessi fram-
kvæmd boðin út og áætluð hjá
V.R. upp á kr. 3.857.000. Það
bárust 7 tilboð og var því lægsta
tekið. Það var frá Ýtunni sf. á
Akureyri og hljóðaði upp á kr.
3.372.000 sem er 88% af áætluð-
um kostnaði. Þess skal getið að
Ýtan sf. er sameignarfyrirtæki
þeirra Hæringsstaðabræðra Stef-
áns og Óskars Árnsona, og munu
þeir hefja verkið snemma vors.
Hér verður að geta þess að
ekki stendur til að lagfæra Hreið-
arsstaðabrúna svo vitað sé né
heldur að malbera veginn nema
til bráðbirgða.
Að loknum þessum góðu frétt-
um vill undirritaður veka athygli
á, að skammt austan við Hreið-
arsstaðabrúna eru friðlýstar rúst-
ir smábýlisins Kringlu með tún-
garði og öllu tilheyrandi, bráð-
snotur rúst, sem alls ekklmá níð-
ast á þótt unnið sé með stórum
tækjum við brúarsporðinn.
Aðrar framkvæmdir
Af öðrum nýmælum í svarf-
dælskri vegagerð 1987 fer fáum
sögum öðru en því að lagt mun
verða bundið slitlag á kaflann frá
Ólafsfjarðarvegi að Holtsá u.þ.b.
2 km. Milli Holtsár og Tjarnar er
hins vegar óundirbyggður vegur
og þar þýðir ekki að leggja bund-
ið slitlag þó ekki væri fyrir annað,
að sögn heimildarmanns blaðs-
ins.
Vegaframkvæmdir í nærsveit-
um eru ekki miklar. Þó fara 10
milljónir í undirbúning ganga-
gerðar gegnum Ólafsfjararmúla.
En annars verður það verk unnið
á árunum 1989-1992 (4 ár) og
kostar ca. 600 millj. + fjármagns-
kostnað. Þá verður líka á þessu
ári sett bundið slitlag á Norður-
landsveg frá Öxnadalsá að
Grjótá á Öxnadalsheiði, en það
er 9,1 km kafli. Síðan kemur
stóraðgerð á sama vegi neðar í
Öxnadal og Hörgárdal 1989-91.
Allra síðast skal þess getið að á
áætlun 1988 virðist engin nýbygg-
ing vera á svarfdælska vegakerf-
inu, en 1989 kr. 6,5 milljónir til
endurbyggingarkaflans Hreiðars-
staðakot-Hóll, um það bil 3 km,
og ntunu ýmsir hlakka til þegar sá
draumur er orðinn að veruleika.
Þrátt fyrir allt verður ekki ann-
að sagt en að óskirnar eru að
rætast, en þær rætast ekki með
neinum ofsahraða.
Ég þakka heimildarmanni,
Guðmundi Svafarssyni, umdæm-
isverkfræðingi.
Hjörtur E. Þórarinsson.
Fréttahomið
Eins og við skýrðum frá í
fréttahorninu fyrir skömmu
hafa þeir Ingvar Kristinsson og
Sigurjón Kristjánsson ákveðið að
hætta starfsemi Kvists sf. og selja
eignir fyrirtækisins. Heyrst hefur
að Sveinbjörn Sveinbjörnsson,
sem rekið hefur hjólbarðaverk-
stæði í rúmt ár í bílskúrnum hjá
sér, muni kaupa húsnæði þeirra
að Grundargötu 9.
Fiskmiðlun Norðurlands heit-
ir fyrirtæki sem stofnað
verður innan skamms hér á
Dalvík. Aðalhvatamaður að
stofnun þess er Hilmar Daníels-
son sem hefur á undanförnum
mánuðum séð um gámaútflutn-
ing héðan frá Dalvík. Fyrirtækið
sem þarna er verið að stofna mun
að sögn verða í eigu nokkurra
aðila þjóna útgerð og vinnslu
með sölu afla í einu formi eða
öðru.
Fiskmarkaðsnefnd hefur verið
starfandi á vegum bæjar-
stjórnarinnar á Dalvík til að
kanna möguleika á stofnun
markaðar á Dalvík í líkingu við
þá sem nú eru að rísa á Reykja-
víkursvæðinu. Rólegt hefur verið
yfir starfi þessarar nefndar að
undanförnu. Hafa nefndarmenn
fylgst náiö með framvindu mála í
Reykjavík og Hafnarfirði og
munu koma með tillögu að fyrir-
kontulagi hér á Dalvík þegar
þróunin verður ljós á landinu f
þessum efnum. Reiknað er með
að markaður taki til starfa í maí í
Reykjavík en eitthvað síðar í
Hafnarfirði. Alþingi hefur nú sett
lög um starfsemi slíkra markaða.
Hinn 10. mars sl. hófst bein-
línuvinnsla í Sparisjóði
Svarfdæla eins og getið var um í
síðustu Norðurslóð,. Undirbún-
ingur var búinn að standa í nokk-
urn tíma. Meðal annars fóru
starfsmenn Sparisjóðsins í
bankastofnanir í Reykjavík til að
kynna sér þessa hluti. Sparisjóð-
urinn hér var fyrstur Sparisjóða
utan Reykjavíkursvæðisins til að
hefja svona vinnslu. Raunar hef-
ur aðeins eitt bankaútibú á lands-
byggðinni tengst á þennan hátt
höfuðstöðvunum fyrir sunnan.
Nú hafa Sparisjóðirnir á Ólafs-
firði og Siglufirði tekið þessa
tækni í þjónustu sína. Innan
skamms er reiknað með að lang-
flestir Sparisjóðir og bankaútibú
tengist þessu neti á beinan hátt
eins og hér er komið.
Gunnhildur Birnisdóttir. gjaldkeri Sparisjóðsins, viö beinlínutækin.