FLE blaðið - 01.01.2012, Síða 36
Aðalfundur 2011
Þórir Ólafsson formaður FLE setti aðalfund félagsins og fól
Lilju Steinþórsdóttur fundarstjórn. Fyrstur á mælendaskrá var
Sigurður B. Arnþórsson, framkvæmdastjóri FLE sem sagði frá
því helsta í starfi félagsins á liðnu ári. Meginefnið er að finna
hér í blaðinu undir yfirskriftinni: Starfsemi FLE.
Formannaskipti, Sigurður Páll Hauksson tekur við keðjunni úr hendi
Þóris Ólafssonar fráfarandi formanns
Þá flutti formaður skýrslu stjórnar og hóf mál sitt með því að
þakka fráfarandi stjórn fyrir ánægjulegt og gott samstarf.
Formaðurinn kom inn á rekstrarniðurstöðu félagsins en starfs-
mannakostnaður hjá félaginu hefur aukist en á sama tíma hefur
kostnaður félagsmanna við störf þeirra í þágu félagsins minnk-
að. Það er kostnaður sem ekki kemur fram í reikningum félags-
ins þ.e. minni tími stjórnar- og nefndarmanna við þeirra störf en
kostnað af því hafa viðkomandi félagsmenn sjálfir eða vinnu-
veitendur þeirra borið hingað til. Lauslega talið eru um 50
manns sem starfa á vegum félagsins í nefndum og stjórnum.
Þetta fyrirkomulag lendir þyngra á einyrkjum og félagsmönnum
frá fámennari stofum þegar þeir taka þátt. Formaðurinn velti
hér upp þeirri hugmynd að til að byrja með fái formenn nefnda
og stjórnarmenn greiðslur fyrir störf sín. Augljóst er að þessu
fylgir þörf fyrir hækkun félagsgjalda en á móti léttir á kostnaði
þeirra sem starfa fyrir félagið. Kostnaður hefur einnig aukist
með aukinni þátttöku í fundum NRF og FEE auk þess sem
kostnaðarhlutdeild okkar í NRF hækkaði þegar sett var ákveðið
gólf á kostnaðarhlutdeild landanna innan NRF.
Þá vék formaðurinn að umræðu um endurskoðendur í fjölmiðl-
um, en allnokkur umræða og á stundum hvöss hefur verið um
endurskoðendur í fjölmiðlum sl. ár. Stjórn félagsins hefur að
mestu haldið sig við að grípa ekki inn í umræðuna nema þegar
farið væri rangt með eða ef tilefni væri til að efla skilning á hlut-
verki endurskoðenda.
Því næst nefndi formaðurinn að endurskoðendur eru ein fárra
stétta í landinu sem býr við lögbundið gæðaeftirlit. Félagið skal
lögum skv. annast framkvæmd gæðaeftirlitsins hjá endurskoð-
endum að forskrift Endurskoðendaráðs. Á því eru engar undan-
tekningar. Ákveðinn ágreiningur hefur komið upp um fram-
kvæmd gæðaeftirlitsins sem að mestu er byggður á meintum
vafa um lögformlega innleiðingu alþjóðlegra staðla um endur-
skoðun. Lög um endurskoðendur tala þó skýrt um að fara skuli
eftir alþjóðlegum stöðlum.
Þá kom hann inn á að rætt hefur verið um að hafa reglulega
fundi með Efnahags og viðskiptaráðuneyti og átti félagið tvo
fundi með þeim sl. starfsár. Vel var tekið í ósk félagsins að
félagið fengi að koma fyrr að málum, þ.e. meðan á undirbún-
ingi frumvarps stendur, því reynslan hefur verið sú að oftar
gengur erfiðlegar að ná sjónarmiðum fram þegar búið er að
leggja frumvarpið fram auk þess sem greinargerð og athuga-
semdir fara þá oft forgörðum. Þá nefndi formaðurinn samskipti
félagsins við Endurskoðendaráð sem hafa verið góð á árinu.
Þá vék formaðurinn að Námstyrkjasjóði FLE, en haustið 2010
var veittur styrkur úr Námsstyrkjasjóði FLE til Háskólans í
Reykjavík vegna doktorsnáms Markúsar Ingólfs Eiríkssonar í
reikningshaldi. Heildarfjárhæð styrksins er kr. 9.000.000 og er
hann veittur til þriggja ára. Á árinu var þriðjungur styrksins
greiddur og hafa styrkþegar skilað framvinduskýrslu þar sem
fram kemur að vel gengur hjá honum. Doktorsverkefni
Markúsar ber vinnuheitið „Auditors' incentives, decision and
independence".
Af öðrum vettvangi félagsins kom fram að stjórn félagsins skip-
aði tvær nýjar nefndir á árinu, orðanefnd og laganefnd. Að
lokum sagði formaðurinn þetta: „Ég vil að lokum þakka stjór-
34 • FLE blaðið janúar2012