Dagblaðið Vísir - DV - 21.06.2016, Qupperneq 6

Vikublað 21.–23. júní 20166 Fréttir
Þ
að er hræðilegt að hugsa
til þess að fólk hafi í sér að
gera svona,“ segir Steinþóra
Þóris dóttir sem lenti í þeirri
óskemmtilegu lífsreynslu á sunnu-
dagskvöld að hjóla fram á þunnan
þráð úr kaðli sem var búið að strengja
þvert yfir hjólreiðastíg á Kársnesinu í
Kópavogi.
Í samtali við DV segir Steinþóra
frá því að hún hafi verið í hjólreiða-
túr ásamt sjö ára syni sínum þegar
þau tóku eftir því að maðurinn sem
var fyrir framan þau stöðvaði skyndi-
lega við strenginn.
Hún segist sjálf hafa tekið eftir
honum þar sem þau hafi farið hægt
um svæðið en bendir á að töluverð
hætta hefði getað skapast ef einhver
hefði hjólað á miklum á undan þeim.
„Við vorum á heimleið. Að hjóla
frá undirgöngunum og í áttina út
Kársnesið. Strengurinn var fyrir
neðan tjaldstæðið. Sem betur fer var
bjart og maðurinn sem var nýbúinn
að taka fram úr mér sá hann líka.“
Steinþóra segir jafnframt að
henni hafi tekist að stöðva son sinn
en strengurinn var honum í háls-
hæð.
Þetta er ekki í fyrsta skipti sem
þetta gerist en DV greindi frá því
haustið 2014 að hjólreiðamaður
hefði hjólað á vír sem hafði verið
strengdur yfir hjóla- og göngubrúna
yfir Elliðaárósa í Reykjavík. n
Reyndu að slasa
hjólreiðamenn
Strengur þvert yfir hjólreiðastíg skapaði mikla hættu
L
SD-ofskynjunarlyf sérmerkt tón-
listarhátíðinni Secret Solstice,-
sem lauk á sunnudag, voru aug-
lýst til sölu á einni af leynilegum
dópsölusíðum Facebook. Sýran
var auglýst sem „Secret Solstice LSD
pappinn“, og er útlit hennar vísan í útlit
og vörumerki hátíðarinnar. Lögreglan
varaði nýlega við þeirri varhugaverðu
þróun að LSD væri komið í tísku hjá
ákveðnum hópi ungs fólks og mikil
aukning sé í notkun þess. LSD var gert
upptækt af lögreglu á hátíðinni, en þar
var um að ræða nasistasýruna svoköll-
uðu, sem varað hefur verið við vegna
styrkleika hennar.
Ný tegund markaðssetningar
LSD hefur í gegnum tíðina oftar en
ekki verið skrautlega myndskreytt
en nú virðast framleiðendur og sölu-
menn farnir að markaðssetja skammt-
ana eftir tilteknum viðburðum, eins og
tónlistarhátíðinni Secret Solstice. Run-
ólfur Þórhallsson, yfirmaður fíkniefna-
deildar lögreglunnar á höfuðborgar-
svæðinu, segir að mjög líklega sé þetta
nýlunda í markaðssetningu á fíkniefn-
um hér á landi, að sérsníða þau með
þessum hætti að tilteknum viðburði.
Skammtur á 3.000
Eins og sjá má á meðfylgjandi
mynd þá birtist auglýsing fyrir Sól-
stöðusýruna í lokuðum og leynileg-
um hópi á Facebook þar sem fíkni-
efni af öllum toga ganga kaupum
og sölum eins og áður hefur verið
fjallað um í fjölmiðlum. Skammtur-
inn af Sólstöðusýrunni kostar sam-
kvæmt auglýsingunni 3.000 krónur,
en þó er hægt að kaupa 10 skammta
á 25 þúsund krónur. Sölumaðurinn
kveðst í auglýsingunni vera staðsettur
í Laugardalnum og sé kominn með
„besta pappann á markaðinum“ sem
allir hafi verið „drullu sáttir“ með og
hann aðeins fengið jákvæð viðbrögð
frá notendum. Ekki náðist í símanúm-
erið sem gefið er upp í auglýsingunni,
þegar DV sló á þráðinn.
Í samtali við DV segist einstakling-
ur sem skráður er meðlimur á sölu-
síðum sem þessum hafa orðið var við
mun meira af auglýsingum fyrir LSD
að undanförnu og framboð sé augljós-
lega mikið.
Átta fíkniefnamál
„Það eru bókuð átta mál er varða fíkni-
efni. Haldlögð kannabisefni, am-
fetamín, kókaín, e-töflur og LSD.
Ekkert í neinu verulegu magni,“ segir
Runólfur Þórhallsson, yfirmaður fíkni-
efnadeildarinnar. Hann segir að fram-
kvæmd hafi verið húsleit á tveimur
stöðum í framhaldi af tveimur málun-
um og þar fundist meiri fíkniefni, en þó
ekki í neinu stórfelldu magni. Til sam-
anburðar þá komu upp 39 fíkniefna-
mál á sömu hátíð árið 2014.
Hið haldlagða LSD reyndist ekki
vera hin sérmerkta Sólstöðusýra, held-
ur svokölluð nasistasýra, sem merkt er
hakakrossi. Lögregla varaði sérstaklega
við henni síðastliðinn vetur þar sem
hún var sögð einkar öflug og hættuleg.
Hún sé í töfluformi og því hafi komið
fyrir að fólk hafi neytt hennar í þeirri
trú að um væri að ræða e-töflu.
Flest málin á hátíðinni voru að
sögn Runólfs leyst á vettvangi en í hús-
leitunum tveimur var um handtökur
að ræða. DV leitaði viðbragða hjá Ósk
Gunnarsdóttur, talskonu og einum
skipuleggjanda Secret Solstice, við
hinni sérmerktu sýru en fyrirspurninni
var ekki svarað. n
n Nýtt á Íslandi n Sölusíða á netinu n Átta fíkniefnamál komu upp n LSD í tísku
SýRa SéRmeRkt
SecRet SoLStice
n
Sigurður Mikael Jónsson
mikael@dv.is
Sólstöðusýra Miðnætursólin er eitt af einkennismerkjum Secret Solstice-há-tíðarinnar og prýðir hún Sólstöðusýruna sem ber sama nafn.
Nasistasýra Meðfylgjandi mynd birti lög-
reglan síðastliðinn vetur. Slík sýra var gerð
upptæk á Secret Solstice um helgina.
„Sölumaðurinn
kveðst í auglýs-
ingunni vera staðsettur í
Laugardalnum og sé kom-
inn með „besta pappann á
markaðinum“ sem allir hafi
verið „drullu sáttir“ með.
Sumargjöfin í ár!
fæst í scootlife ísland, Rofabæ 9, 110 Rvk
Þráðlausu Touch heyrnartólin eru seld í Scootlife Ísland.
Hægt að tengja við síma, ipad og öll bluetooth tæki.
Einnig er hægt að svara í símann með þeim.