Útsýn - 10.11.1945, Blaðsíða 16

VETTVANGUR VIKUNNAR
UNDANFARIÐ hafa sézt þess nokk-
ur merki í dagblöðum bæjarins, að
reikningsskil væru í nánd, reiknings-
skil bæjarstjórnakosninganna, sem fara
fram fjórða hvert ár. Greinilegur glímu-
skjálfti er farinn að koma í ljós i skrif-
um blaðanna og fulltrúar flokkanna eru
farnir að hafa óvenju hátt á bæjar-
stjórnarfundum.
Bæjaryfirvöldin rrnnska.
Reykvikingar hafa að vísu séð nokk-
ur önnur tákn þess, að bæjarstjórnar-
kosningar væru að nálgast, þvi að allt í
einu hafa þeir orðið varir við óvenju
mikla umhyggju bæjarstjórnarinnar og
borgarstjórans fyrir velferð þeirra.Und-
anfarið, þegar dregið hefur að kosning-
um , hófu blöð meirihlutans upp sönginn
um hitaveituna, sem bæjarbúar ættu í
vændum. Nú er hún komin, að vísu 5—6
sinnum dýrari en hún hefði þurft að
vera, ef ekki hefði verið lögð á það að-
aláherzlan að nota hana sem kosninga-
beitu og að rífast um það, hverjum- það
væri að kenna, að hún kom ekki fyrr.
Meirihlutinn kenndi minnihlutanum og
minnihlutinn meirihlutanum og I hálfan
áratug var þetta sífellda rifrildi um sök-
ina á drættinum á hitaveituframkvæmd-
unum eina ánægjan, sem . bæjarbúar
höfðu af hitaveitunni.
Að þessu sinni hafa stjórnendur bæj-
arins orðið að sýna áhuga sinn á öðrum
sviðum. Talsverður hluti bæjarins hef-
ur verið meira og minna vatnslaus allt
það tímabil, sem rifizt hefur verið um
hitaveituna. Nú hefur verið ákveöið að
bæta úí- vatnsskortinum.
Götur bæjarins hafa verið og eru að
vísu enn, verstu umferðargötur, sem til
eru í höfuðborg nokkurs siðmenningar-
lands í heiminum. Síðustu mánuðina
hefur verið tekinn heilmikill fjörsprett-
ur að laga göturnar. Borgarbúar hafa
að sjálfsögðu glaðzt mjög yfir þessu
óvenjulega framtaki borgarstjórans, en
það hefur um leið minnt þá á, að bráð-
lega ættu að fara fram kosningar. Það
hlaut svo sem að vera eitthvað, sem
vakið hafði forráðamenn bæjarins af
dvalanum.
Samlíomulagið í bæjarstjórninni.
En annars virðast Reykvíkingar láta
sér fátt um finnast, þótt blöð flokkanna
i bæjarstjórninni séu allt i einu farin
að ræða bæjarmálin af miklum áhuga
og deili nú hart hvorir á aðra.
Allir, sem til þekkja, vita, að lítið er
að marka þennan skyndilega áhuga og
þessar ádeilur bæjarstjórnarflokkanna
hver á annan. Þeir vita, að dagsdaglega,
þegar kosningar hafa ekki verið í nánd,
er áhuginn ekki nærri því svona mikill.
Og að stefnumunurinn er ekki nærri
eins áberandi og'virzt gæti eftir „kosn-
inga“stefnuskránum, þegar frá eru tal-
ir. nokkur mál, sem eru dregin fram í
dagsljósið einstöku sinnum, en varla
virðast þá tekin alvarlega af flutnings-
mönnunum.
Mörgum, sem fylgzt hafa dálítið með
bæjarmálunum, finnst í rauninni ein-
kennilega gott samkomulag I bæjar-
stjórninni. Það ætti í sjálfu sér ekki að
vera ástæða til að amast við samkomu-
lagi í þessu landi sundrungarinnar. En
það er ekki sama, hvaða blær er á sam-
komulaginu. Almenningur orðar þetta
þannig, þegar hann talar um hið góða
samkomulag í bæjarstjórninni: Það er
sami rassinn undir þeim öllum saman.
Þeir virðast í rauninni allir sætta sig
við það, að Reykjavík sé ekki aðeins sú
höfuðborg, heldur yfirleitt sú borg á
Norðurlöndum - og þótt víðar væri leit-
að — sem verst er skipulögð og verst
er stjórnað að svo að segja öllu leyti.
Þetta vita og viðurkenna allir, sem
einhverntíma hafa komið út fyrir p.oll-
inn og eitthvað séð til samanburðar.
Þetta á jafnt við hreinlæti, umferð,
skipulag, útlitsfegurð sem annað. Og
ekki er þetta vegna sparnaðar í manna-
haldi eða öðrum rekstri bæjarins. öðru
nær, öll óstjórn bæjarins kostar gífurlegt
fé, sem hefur farið hækkandi með hverju
ári.
Algert aukastarf að stjórna
bænum.
Að þessu sinni verður ekki rakið, í
hverju þetta ófremdarástand bæjarmál-
anna liggur' En á eitt skal bent:
Það vantar svo sem ekki, að ýmsir
hæfileika- og gáfumenn séu eða hafi
verið í bæjarstjórninni. Þar er a. m. k.
helmingur af helztu stjórnmálaforingj-
um flokkanna og valdamönnum þeirra,
meira en þriðjungur bæjarstjórnarinnar
er úr hópi helztu þingskörunga landsins.
Það skyldi þó ekki vera, að hér sé ein-
mitt ein af skýringunum á óstjórninni
á bæjarmálunum ? Mikill hluti bæjar-
fulltrúanna og það þeir, sem mesta bera
ábyrgðina, hafa ekki tíma til þess að
sinna bæjarmálunum eða hugsa um þau
fyrir alls konar landspólitísku stússi.
Borgarstjórinn sjálfur er þingmaður
og varaformaður stærsta stjórnmála-
flokksins og auk þess formaður stærsta
stjórnmálafélagsins í bænum'. Maður
skyldi halda, að borgarstjórastarfið í
Reykjavík væri ærið nóg starf fyrir
einn mann. Aðalmaður Alþýðuflokksins
í bæjarstjórninni er þingmaður og vara-
formaður þess flokks og tveir helztu
leiðtogar Sósíalistaflokksins, sem báðir
eru þingmenn, eru aðalmenn þess flokks
í bæjarstjórninni. Allir þessir menn eru
hlaðnir störfum, bæði fyrir hið opin-
bera og fyrir flokk sinn, auk þess, sem
þeir hafa að sýsla á vegum bæjarins.
1 stuttu máli: Stjórn bæjarins að með-
talinni sjálfri borgarstjórastöðunni er
algert aukastarf nokkurra helztu stjórn-
málaleiðtoga landsins, manna sem fyrst
og fremst ganga upp i þvi að afla flokk-
um sínum fylgis á hinum pólitíska vett-
vangi og líta á bæjarmálin sem frekar
ómerkilegan afkima í veraldarvafstri
sínu.
Þetta er sennilega einsdæmi um borg-
ir af svipaðri stærð og þýðingu og
Reykjavík er, eins og líka stjórn þessa
bæjar er með eindæmum eins og fyrr
var sagt.
Bæjarmál og flokkspólitík eru sitt-
hvað. Það er áreiðanlega óheppilegt, að
þau séu jafn samtvinnuð og nú á sér
stað í Reykjavík. Þetta hljóta1 jafnvel
forystumenn flokkanna að játa, en ekki
þykir sennilegt, að þeir taki hinum eðli-
legu afleiðingum af þeirri viðurkenningu
nema þeir verði til þess neyddir.
Undirritkður óskar að ger-
ast áskrifandi að ÚTSÝN.
(nafn)
(heimilisfang)
Utanáskriftin er ,,E. K.“
Auglýsingaskrifstofa, Austur-
stræti 12. Pósthólf 912.
14
ÚTSÝN