Morgunblaðið - 01.04.2017, Blaðsíða 1
LAUGARDAGUR 1. APRÍL 2017
ÍÞRÓTTIR
Evrópukeppni Valur á góða möguleika á að komast í undanúrslit Áskorendabikars Evrópu. Er með þriggja
marka forskot fyrir heimaleikinn gegn Sloga í dag. Sex íslensk lið hafa komist í undanúrslit Evrópumótanna. 4
Íþróttir
mbl.is
Á AKUREYRI
Einar Sigtryggsson
sport@mbl.is
Breiðablik tryggði sér sæti í Dom-
inos-deild kvenna í körfubolta á
næsta tímabili með miklum seiglu-
sigri gegn Þór á Akureyri í gær-
kvöld. Um hreinan úrslitaleik var
að ræða þar sem hvort lið hafði
unnið einn leik. Blikar héldu Þór í
42 stigum og unnu að lokum 56:42.
Leikurinn einkenndist af mikilli
baráttu og á köflum líktist hann
grísk-rómveskri glímu þar sem
leikmenn kútveltust um gólfið í
slagsmálum um boltann.
Blikar byrjuðu leikinn mun bet-
ur og komust í 13:5. Eftir það
gekk ekkert hjá þeim að skora og
engin stig komu í sjö mínútur. Þór
skoraði fimmtán stig í röð og
komst í 20:13. Þá tók við rúmlega
fimm mínútna stigaþurrð hjá Þór
og aftur fengu Blikar byr í seglin.
Með Isabellu Ósk Sigurðardóttur
og Sóllilju Bjarnadóttur í far-
arbroddi sigu Blikarnir fram úr og
þær grænklæddu leiddu í hálfleik
29:26.
Blikar héldu uppteknum hætti í
þriðja leikhlutanum og komust
mest í níu stiga forskot, 42:33.
Eftir það var aldrei spurning um
hvort liðið myndi vinna en sókn-
arleikur Þórs var ekki burðugur
og skotnýtingin afleit. Besti mað-
ur vallarins var hin nítján ára
gamla Isabella Ósk Sigurðardóttir
en hún skoraði 21 stig og tók 18
fráköst.
„Við vorum að spila frábæra
vörn og lögðum áherslu á að
loka á lykilleikmenn þeirra.
Þetta gekk bara hjá okkur í dag
og frábært að hafa náð þessu
markmiði. Við erum allar á
svipuðum aldri og flestar upp-
aldir Blikar og hópurinn er góð-
ur. Hildur þjálfari er líka frá-
bær og er alltaf yfirveguð. Hún
kennir okkur mikið. Ég hlakka
bara til að fá loks að spila í
efstu deild,“ sagði hin magnaða
Isabella Ósk.
Ljósmynd/Þórir Tryggvason
Úrvalsdeildarlið Leikmenn Breiðabliks stilla sér upp fyrir Morgunblaðið og fagna úrvalsdeildarsætinu eftir sigurinn á Akureyri í gærkvöld.
Blikar upp í efstu deild
Breiðablik hafði betur í glímu við Þór á Akureyri Isabella Ósk hlakkar
til að fá loks að spila í efstu deild Mikil barátta einkenndi oddaleik liðanna
Eftir góðar fyrri níu holur hrundi
spilamennska Valdísar Þóru Jóns-
dóttur, atvinnukylfings úr Golf-
klúbbnum Leyni frá Akranesi á
seinni níu í holunum á Terre
Blanche-vellinum í Frakklandi á LET
Access-mótaröðinni í golfi, þeirri
næststerkustu í Evrópu. Valdís Þóra
lauk leik á sjö höggum yfir pari eftir
að hafa verið á einu höggi yfir pari
og í 23. sæti af 114 keppendum eft-
ir fyrri hluta vallarins í dag. Er Val-
dís því í 84. sæti en hún á einnig
fullan keppnisrétt á LET-mótaröð-
inni sem er sú sterkasta og alveg
ljóst að Valdís á mikið inni. Valdís
fékk fimm skolla, tvo fugla og einn
þrefaldan skolla á vægast sagt
sveiflukenndum seinni níu holum og
aðeins eitt par. Leiknir eru þrír
hringir á þremur dögum en skorið
verður niður eftir hringinn í dag.
KR-ingar hafa bætt við sig enn
einum dönskum knattspyrnumanni
en framherjinn Tobias Thomsen er
genginn til liðs við KR-inga og kem-
ur frá B-deildarliðinu AB í Kaup-
mannahöfn. Hann er 24 ára og lék
áður með Næstved en hefur gert 27
mörk í 50 leikjum fyrir AB.
Skagamenn hafa fengið í sínar
raðir enska knattspyrnumann, Ras-
hid Yussuff, en hann kemur frá
Arka Gdynia í Póllandi þar sem
hann lék í tveimur efstu deildunum
undanfarin tvö ár. Yussuff er 27 ára
miðjumaður eða vinstri bakvörður,
uppalinn hjá Charlton og lék lengst
með Wimbledon á Englandi, og með
yngri landsliðum Englendinga.
Knatt-
spyrnumaðurinn
Víðir Þorvarð-
arson sem lék
með Fylki í fyrra
og áður með ÍBV
og Stjörnunni,
hefur samið við
Þrótt úr Reykjavík
til tveggja ára.
Srdjan Tufegdzic hefur
framlengt samning
sinn sem þjálfari
knattspyrnuliðs KA
til næstu tveggja
ára. Hann var leik-
maður KA 2006-2012 og
tók við þjálfun liðsins á
miðju sumri 2015 en
það vann 1. deildina í
fyrra undir hans
stjórn.
Eitt
ogannað
„Við munum láta það ráðast eftir því
hvernig honum gengur að komast
inn í hlutina og hvernig málin
þróast. Hann mun ekki hoppa inn í
risarullu strax og er hann sjálfur
meðvitaður um það,“ sagði Finnur
Freyr Stefánsson, þjálfari Íslands-
og bikarmeistara KR í körfubolta,
um komu landsliðsmannsins Krist-
ófers Acox til landsins.
Kristófer hefur leikið með
Furman-háskólanum í Bandaríkj-
unum síðustu fjögur árin. Hann er
hins vegar alinn upp í KR og er fé-
lagsbundinn KR. Þar sem banda-
rísku háskólaíþróttirnar flokkast
undir áhugamennsku þurfa Íslend-
ingar ekki að hafa
félagaskipti úr
sínum liðum.
Kristófer er því
löglegur með KR
þar sem ekki þarf
að hafa fé-
lagaskipti.
„Hann mun
reyna að hjálpa
okkur með öðrum
vinklum ef svo má
að orði komast og aukinni breidd.
Hann kemur með kraft inn á völlinn
og á mikilvægum tíma.“
Heimkoma Kristófers, sem út-
skrifast í byrjun maí, kemur á góð-
um tíma fyrir KR. Einn af hávöxn-
ustu mönnum liðsins, Snorri
Hrafnkelsson, fékk höfuðhögg í
fyrsta leiknum gegn Keflavík og er
það annað höfuðhöggið á skömmum
tíma. Finnur segir Snorra hafa verið
greindan með vægan heilahristing,
en farið var með hann á sjúkrahús á
fimmtudagskvöldið. Auk þess glímdi
Sigurður Þorvaldsson við meiðsli
undir lok deildakeppninnar og
Kristófer gæti því reynst hvalreki ef
hann fellur vel inn í liðið enda mikill
og kröftugur frákastari.
Að gera breytingar á leikmanna-
hópi sínum í miðri úrslitakeppninni
getur þó verið áhætta ef hlutverka-
skipan leikmanna verður óskýrari
en áður. Hvað segir þjálfarinn um
það?
„Að sjálfsögðu fylgir þessu alltaf
einhver áhætta enda getur það haft
margvísleg áhrif þegar nýr maður
kemur inn í lið. Liðið ætti að vera
nægilega reynt og andlega sterkt til
að láta þetta ganga upp. Ég held að
allir í liðinu séu mjög jákvæðir gagn-
vart þessu og ég tel að jákvæðu
þættirnir trompi þær neikvæðu
áhyggjur sem geta verið í kringum
þetta. Ég tók þessa ákvörðun og
stend með henni enda ber ég ábyrgð
á liðinu,“ sagði Finnur Freyr við
Morgunblaðið. kris@mbl.is
„Hoppar ekki inn í risarullu“
Finnur tók ákvörðunina um Kristófer Snorri með vægan heilahristing
Kristófer
Acox